كفيفة البصر واعمى القلب

توضيح

مقدماً وجد مو علوية ولابت حامد لهذا السبب من رادو ياخذون فصلية مااخذوها لأن مو من العشيرة
ثانياً .. بالنسبة لحامد يجوز اي عنده أنفتاح رغم سيد هاي أصلاً اذا انحسب عالسادة انا قدر المستطاع حبيت أبين الكم شخصيته انو هوا بديوان مجان يكعد ،، ملتهي يسافر منا ومنا ومن كبر معاجبه لاابو ولااهله ولاهذا السستم والتزام گوم واشرد ويا التحبها وعوف ،،، بت عمك اجت سيماء فترة مرت بيها جانت عميه ف وفرلها كلشي من ناحية دلال ماجبرها على شي ،، حتى الحجاب واللبس گللها براحتج هيج جان عنده أنفتاح
انما وجد ،، هوا اذا راح واذا اجه هوا مامسؤول عليها او ملزوم بيها لأن مو ابوها بس هيه ام وجد ماعدها كل مسؤوليه ،، واذا بالعراق شنو بالعراق مابي بنات طلعن عن طريق واكو العكس
بنات مامحجبات وينحلف بشرفهن وكذالك محجبات

وبالنسبة للعبرة الي تدورين عليها ،،، إبديها الج من شردة حامد وعاف بت عمه ،، شفتي شگد تعب
وتاذى ،، مشى ورا كلبة او استهتار مااعرف شسمي بس الحب موكلشي لهذا السبب من كبر شكد مايحاول يصلح وينجح بحياته يرد يطيح

العبرة من ام فالته مثل حسناء ،،، العبرة من غلط وجد الي سوتها بعمر ،، هواي شابات حالياً ديقرن الرواية ماراح يتعضن ويشوفن شگد تاذت من غلطهة ،، وشكد مااسد حبها بعدين تركها
لأن ذاك من ذاك تشوفينه يقبل بهيج حاله
موشفتنه بسرعه عيرها وكلها انتي لاصادود ولارادود

العبرة من ام جعفر كبرت ولد وبت بظروف تعيسه لأن بقت ساكته على ابو ابن عمي وابن عمي واسكت وهوا احمد راح تزوج عليها وخله لمرته الثانيه بيتين بيت لاابنه وبيت لااخو  ونوال ظلمها وظلم ابنها

العبرة من ظروف تعيسه الي مر بيها جعفر والظلم وهوا ماطلع باگ لونهب ،،، لو من اسد الي اخذله بت خاله وصبر عليها ٨سنين مصار طفل وهوا يوميه يعاني

العبرة من ملك وكذالك جايتلج ،،، العبرة من وجد وغيرتها من سيماء ،،، وهذا واقع احجي وعذراً منها يمكن هسه تقرأ هيه

اي جانت وجد تغار من سيماء ومقارنه نفسها
بسيماء ،، العبره من زهراء الي جانت تداري سيماء وعشرة عمر  وصداقة وتاليتها طلعت تضحك على احمد على مود الفلوس

العبرة من سيماء ونوال ،، الي بس تزوجت بدت سوالف الچنه والعمه ،، ليش ماكو عمات هيج
ينغصن الجنه بعيشتها

عالشغل والتنظيف ،، اذا گعدت يم رجلها شوي صاحتلها حسرة عليها تكشخ لوتبدله اذا
ماعمتها واگفتله ،، حسرة عليهم يحجون
حجاية اذا ماتدخل نفسها بيها بعد هيه مرة سولفتلي موقف گالت ،، جاي نحجي اني وياه
على لون السرير الي راح نجيبه للطفل
صعدت وگعدت گعود على گلبنه الا تجيبون هذا اللون قيسيلج هيج تدخل ،، لو من تتخربط
والا ينزل جعفر وملك يمي وهيه مابيها شي

شنو ماكو هيج عمات يعاملن چناينهن بظلم
لوينشبن وياهن ،،، يبزعنها تبزع وحتى لو رجال
راد يساعد مرته من حجي امه ووزها بي
ينكمش .. ويصيح انا رجال وانتي المرة

ماكو رجال يحترم المرة مثل جعفر ،، وحاط الله بين عيونه الي يعاملها مثل ميعامل اخته
ماك تكمل انتي تكملين دراسه ملك هيج انتي هيج هوا شنو مشكلتهم جعفر وسيماء غير نوال
امه وسالفه التحاقه لسوريا من تگله انا عروس
وانت تعوفني وتروح للحرب ،، وضحى وظلمها ويا زيدون شنو ماكو زلم بحقارة زيدون لوشكد
ماتقدمله مايجي بعينه ويجرح لأن هوا نفسه مجروح

انا لو اريد احجيلج عالعبرة الي كاتبتها من بين
الرواية منا لباچر ماتخلص ،، واي موجوده
بالعراق ،، وبواقعنه كله موجود

بس تعرفين الفرق بين هذنيج روايتين وهاي
اني اشوفها هاي جاي تنطق بحقارة واقعنه
أكثر وبكل تفصيل بيها ،، ف البعض حبها
والبعض ماصدك هيه واقعيه أصلا

عبالهم شخصيات جذب جاي احجي عليها
او الرواية مو حقيقه ،، لااء حقيقيه

هاب نقطه انما شغله الثانيه البنيه الي نشرت حسابها مجرد رأئي گالت  واني احترمه
يجوز هيه عجبتها الروايتين السابقه اكثر
من هاي  هيه ناس اذواق

بس اني دااتعب من اكتب ،،،،، يعني البارحه وصيت الناشر نزل الكم بارتين امس
واليوم تكملة بارت المفاجئ ،،، وبارت اليوم أصلاً ينزل بليل

عود كولن گصار ترا كل بارت فوك٤الف كلمه
ب٥ساعات ابقى اكتب بي

ف انتو انكو رائيكم بس لاتجرحن ،، طلب وليس أمر

بطاري العبر كبدوشات ،،، تعالن فد سؤال

س/ كل وحده شنو وصلتها العبرة من القصة

#_أحبكم