كفيفة البصر واعمى القلب

بارت ٢٥

وجد & أسد حيدر

وصلت اول مافتت سلمت على عمو حامد اجه أحمد
شبگني ويگلي ستوا نور البيت والله مكانج
اله وحشه ام الجووج

.... ههههههه حضنته وفعلاً اشتاقيتله احمد أحسه
قطعه من روحي ماكو بمحنته .. ولامثله
أخوو

فات اسد سلم على عمي ،،  يمكن ربع ساعه وطلع
كللهم وراي واجب

صعدت للغرفه وبوكتها ... ماشفت سيماء بالدوام
لليل نزلت .. الجهال بس هُدى يمي الباقين
ببيت جعفر

لليل نزلت يم بابا حامد ,,,, گعدت يمه وهوا لازم
هدى يلعبها

گال :

.... وجد بوية شلوونج مرتاحه هنااك
.. الحمدالله
... يستاهل الحمد ،،، جاي يوصلج مصرفج بيد أحمد

... اي عموو مشكور ماتقصر
... الشكر لله ،،، وجد
... هله

.... بابا أني مادزيتج متثاقل منج ،،، خاف بيوم
يوصلج حچي لوحجاية تغثج .. هذا بيت
مفتووحلج بابه .. يشهد الله عليه
كترج بكتر سيماء

بس شفتج تعبتي ... الله رحمان ويحب اليرحم بعبدة
ردت ارحمج شوي وأفكج .. من أمج ردتج
تروحين عسى ولعل تتغير نفسيتج

نزلت وجهي واحساس أستحقار لنفسي تملكني
درت وجهي ومسحت دموعي

... عليمن هالبچي ،، بعدج بس تعوين وتگرين
... عموو أنا مرتاحه ،،، هناك تعرف ليش ؟؟!
... ليش

.... لأن واني هنا چنت أصلي وأستغفر جنت ادعي
يوميه الله ياخذ روحي ويعذبني يمه ولاابقى
أتعذب بنار الدنياا

انا غلطت ... ودااتعاقب بس من رحت لبيت خاله شذى ،، ارتاحيت حسيت نفسي أفيد بشي
أشوف حال هدى وشبل ايتام مومحط
شفقه بس

من اداريهم ... واعتني بيهم احس نفسي أكفر عن ذنبي بلكي الله يغفرلي ... من اداري خاله شذى
وهيه چبيرة بالعمر .. أعتبرها بمكان امي
والله واغلى حتى من امي

أتخيل نفسي هيه امي واني الي دااسوي أبر بيها
الله مو يحب البارين

بس يمك مااعررف بيمن أجازيك ،،، أنتَ الوحيد
الي من غلطت صح اول فترة ضجت وبعدها
رخت ببيت ابوي .. بس !!

بس سمعت بي ماذيني أجيت أخذتني وماخليتني
يمه  ... الوحيد إلي وگفت وياي

حامد ... وجد أنتي غلطتي .. وغلط چبير بس الصوج كله موبيج ،، الصوج ب أمج
و ب ازاد .. وبيه انا

انا هم غلطت بالأخص بوقتها أنتن مراهقات چنت
أشوف الناس تمدح ببنتي شكل وشطارة
وأفتخر بداخلي وامج من احجي
وياها تكلي معليك بنتي
واني اربيها

... عمو هاي هيه كلشي مر وفات
.... على گولتج
... يلا اني اترخص .. سحبت هدى ،،، كال :

خليها يمي