Unicode
1.ငိုတာကို ရပ်တော့!
"မငိုနဲ့တော့!" ချီမင်းတစ်ယောက် မျက်မှောင်ကြုတ်လိုက်သည်။ မျက်လုံးကြီးကြီးများအပြင် ထူထဲသောမျက်ခုံးတို့ဖြင့် သူ၏ မျက်နှာအသွင်အပြင်များကို ရက်စက်ကြမ်းကြုတ်သည့်ပုံစံဖြင့် လွှမ်းမိုးထားလိုက်သည်။
ထန်းမြောင်သည် အလွန်အော်ဟစ်ကာဖြင့် ပြင်းထန်စွာ ငိုနေခဲ့သည်ပင်။
ချီမင်းသည် စားပွဲခုံကို စာအုပ်ဖြင့် ရိုက်လိုက်ပြီး “ ဘာကိစ္စကြောင့် ငိုနေရတာလဲ...”
"သူ ....သူတို့က ငါ့သကြားလုံးတွေကို လုသွားကြတာလို့... " ထန်းမြောင်၏ သွားများသည် ပျက်စီးနေပြီး ပိုးစားနေကာ သူ့မိဘများကလည်း သကြားလုံးများ စားခြင်းကို တားမြစ်ထားလေသည်။ ယခုသကြားလုံးများသည် ပြည်ပမှ သူ့အဘိုး ယူဆောင်လာခဲ့သည့် သကြားလုံးများသာဖြစ်ပြီး အရေအတွက်အနေဖြင့် နောက်ဆုံး အနည်းငယ်သာကျန်တော့ခြင်းဖြစ်သည်။
ချီမင်း အလွန်ပင်စိတ်ရှုပ်လေသည်။ ယခုကဲ့သို့ ငိုနေတတ်သည့် ကောင်လေးမျိုးကို သူတစ်ခါမှမတွေ့ဖူးပေ။ သူ့အနေဖြင့် စိတ်ကုန်သွားသည့် အခါမျိုးတွင် ဒေါသကို ထိန်းချုပ်၍ မရတော့ပေ။ ဒါပေမယ့် သူ့အဖေက သူ့ကို ဆုံးမစကားပြောတိုင်း ပြောလေ့ရှိသည်မှာ ကြက်တွေကိုသတ်ပြီး မျောက်တွေကိုကြောက်အောင် လုပ်တာက ကြက်တွေကိုမဟုတ်ဘဲ မျောက်တွေကိုသာ သင်ခန်းစာပေးချင်၍ ဖြစ်တယ်လို့ ပြောထားတာကြောင့် သူဟာ ဒေါသကိုထိန်းကာ တရားခံရှာရတော့မည်ဟု မှတ်မိလိုက်သည်။
[T / N: ကြက်ကိုသတ်ပြီး မျောက်ကိုကြောက်အောင် လုပ်တာက သူတစ်ပါးကို ခြိမ်းခြောက်ရန် ဥပမာတစ်ခု ရှေ့က လုပ်ပြလိုက်ခြင်းကို ရည်ညွှန်းသည်။ ]
သူ့ကို ဒေါသထွက်အောင် လာဆွတဲ့ တရားခံ...
ကောင်းတယ် သိပ်ကောင်းတယ်... ဘယ်ကောင်က ထန်းရွှိန်ရွိန်ရဲ့ သကြားလုံးကို ယူရဲတာလဲကွ...
2. ထန်းရွှိန်ရွှိန်
ထန်းမြောင် ထပ်ငိုပြန်လေသည်။
ချ်ီမင်းက အံကြိတ်၍ ထပ်မေးလိုက်လေသည်။ "ဘာဖြစ်ပြန်တာလဲ? "
YOU ARE READING
The Little Crying Bag and His Mr. Grumpy (Myanmar Translation ) [ Completed ]
Short Storyအပိုင်း (၆) ပိုင်းတည်းရှိတဲ့ Short Story အမျိုးအစားပါ။ The Little Crying Bag and His Mr. Grumpy Author- Tao Zi Yao桃之幺 English Translator-NovelUpdate Burmese Translator-littlewillow01 Start Date-17 April 2021 End Date-7 July 2021 All credit to origin...
![The Little Crying Bag and His Mr. Grumpy (Myanmar Translation ) [ Completed ]](https://img.wattpad.com/cover/266052051-64-k384425.jpg)