Unicode
Chapter (4)
31.အဆင်ပြေပါတယ်
ထန်းမြောင်သည် အိမ်ထဲသို့ဝင်လိုက်ကာ စိုနေသောဆံပင်များကို သုတ်ပစ်လိုက်သည်။ အပြင်ဘက်တွင် မိုးသည်းထန်စွာရွာသွန်းနေလေ၏။
" အခြေအနေဘယ်လိုလဲ " ထန်းကျန်က စိုးရိမ်ပူပန်မှုဖြင့် မေးလာသည်။
" အိုကေပါတယ် "
ထန်းကျန်က ရယ်မိသွားပြီး ထန်းမြောင်၏အမေဖြစ်သူကတော့ သူမခေါင်းကိုမခါဘဲမနေနိုင်တော့ပေ။ " ဒီကလေးကတော့နော် "
ထန်းမြောင်၏ ' အိုကေ ' ဆိုသည်မှာ မြို့တော် B ရှိ ကောလိပ်ဝင်ခွင့်စာမေးပွဲတွင် နံပါတ်တစ်နေရာရရှိနိုင်ပြီး Aတက္ကသိုလ်တွင်တော့ အကောင်းဆုံးအထူးပြုမေဂျာနှင့် လေးနှစ်တာအမျိုးသားပညာသင်ဆုကို ရရှိမည်ဟု ဆိုလိုခြင်းသာ။
လူတိုင်းက သူသည်တစ်ချိန်လုံး စာဆက်လက်လေ့လာလိမ့်မည် သို့မဟုတ် နောက်ထပ်လေ့လာမှုများအတွက် နိုင်ငံခြားသို့ ပညာတော်သင်သွားလိမ့်မည်ဟု ထင်ခဲ့ကြသော်လည်း ထန်းမြောင်သည်တော့ စီးပွားရေးလုပ်ငန်းတစ်ခု စတင်ရန်သာ ရွေးချယ်ခဲ့သည်။ ဖေဖေထန်းနှင့်မေမေထန်းတို့သည် သူ့သဘောအတိုင်းသာ လိုက်လျောရတော့သည်။ ကောလိပ်ဝင်ခွင့် စာမေးပွဲပြီးသည့်နောက်တွင် ထန်းမြောင်သည် အကြံဥာဏ်များစွာ ပိုမိုရရှိလာခဲ့ခြင်းဖြစ်သည်။
တစ်ခါတစ်ရံတွင် မေမေထန်းက အမြဲအားငယ်ကာ အငိုသန်တတ်သည့် ထိုကောင်လေးက အမှန်တစ်ကယ်ပင် သူမ၏သား ဟုတ်ပါရဲ့လားဟုတောင် ထင်လာလေသည်။
ဤအချိန်အတောအတွင်းတွင် ထန်းကျန်က ထန်းမြောင်အတွက် မေမေထန်းစီစဥ်ပေးသော Blind Dateများကို " အရေးကြီးဆုံးက ကလေးသဘောကျဖို့ပဲလေ " ဟုဆိုကာ တိတ်တဆိတ်တားဆီးပေးခဲ့လေသည်။
" သားရဲ့ မွေးနေ့ပွဲကို ဘယ်လိုကျင်းပချင်လဲဟင်. . .အိမ်ကိုပဲ အတန်းဖော်သူငယ်ချင်းတွေကို ဖိတ်မှာလား " မေမေထန်းက သူ့ကိုမေးခဲ့သည်။ ထန်းမြောင် အနည်းငယ်တုန်လှုပ်သွားလေသည်။ မနက်ဖြန်သည် သူ၏မွေးနေ့ဖြစ်လေသည့်အတွက် သူခေါင်းကိုသာခါလိုက်သည်။ " အိမ်မှာပဲ တစ်ခုခုစားကြတာပေါ့ "
YOU ARE READING
The Little Crying Bag and His Mr. Grumpy (Myanmar Translation ) [ Completed ]
Short Storyအပိုင်း (၆) ပိုင်းတည်းရှိတဲ့ Short Story အမျိုးအစားပါ။ The Little Crying Bag and His Mr. Grumpy Author- Tao Zi Yao桃之幺 English Translator-NovelUpdate Burmese Translator-littlewillow01 Start Date-17 April 2021 End Date-7 July 2021 All credit to origin...
![The Little Crying Bag and His Mr. Grumpy (Myanmar Translation ) [ Completed ]](https://img.wattpad.com/cover/266052051-64-k384425.jpg)