السلام عليكم ورحمة الله وبركاته 🌷🌼
اللهم صلي وسلم وزد وبارك على سيدنا 🌺
محمد وعلى انبياء الله الصالحين 🌹💐
لا اله الا الله محمد رسول الله 🌸
صدمت لبني بشده وكأن احدهم صعقها
بسلك كهربي... عندما هيثم تابع بتساؤل :
هو بدر كان حبيبك ؟!!
لبني بجدية : هو انت يهمك في ايه ... انت
يخصك في ايه موضوع زي ده.
هيثم بضيق : انتي خطبتي ياهانم ولا انتي نسيتي
لبني بلا مبالاه : تمام انا فاكره ده كويس بس ملكش دعوه بأي حاجه حصلت قبلك...المفروض تسألني من اول ماعرفتني وملكش دعوه بأي حاجه حصلت قبلك.
هيثم بغضب وصوت عالي : لبني اظبطي كلامك !!
لبني بإرتجاف وقد تحدثت بقوه واهيه : انا
بتكلم كويس اهو ومفيش حاجه غلط في كلامي.
هيثم ببرود : انتي شايفه كده !!
لبني بتنهيد : اه مش شايفه غير كده.
هيثم بهدوء : تمام راجعي نفسك.
ترك هيثم الغرفه وودع والدة لبني ( هناء ) وغادر من المنزل وهو يشعر بالاختناق هو لايرد ان يعاملها بقسوه...هذا ذنبه انه يريد ان يعاملها برفق !!
ركب أحد المواصلات العامه وعاد الي منزله وهو حزين للغايه عندما دخل رأي والدته (أيات )
قبل يد والدته بكل حنيه ثم تابع بهدوء :
عامله ايه ياأمي.
أيات بحنان : الحمدلله ياحبيبي في نعمة ... انت عامل ايه ياحبيبي !!
هيثم بضيق : مخنوق ياأمي ...مخنوق اووي
أيات بحزن : من إي ياحبيبي ... تعالي بس
اقعد ارتاح علي الكنبه يابني .
هيثم بابتسامة : مش هقبل باقل من اني انام على رجلك وتملسيلي علي شعري.
أيات بحنان : من عنيا ياحبيبي ...الانسان مهما يكبر ملوش الا حضن امه...وانا حضني مفتوحلك في اي وقت ياحبيبي
هيثم بلهفه : ربنا مايحرمني منك ابدا ياحبيبتي
ايات بتذكر : احكيلي بقا مخنوق من ايه !!
هيثم بإختناق : من لبني ياأمي... هي مبتحبنيش
ومش عاوزه تتعامل معايا كويس ولا حتي بتعاملني باحترام... من الاخر هي مش طايقاني... انا مجبرتهاش انها تقبل بالخطوبه دي...انا عمري
ماأجبر اي واحده انها تفضل معايا غصب عنها .
أيات بضيق : انت اللي تجبر اللي قدامك انه بحترمك ياهيثم ... اوعى تخلي حد يقل منك او يجي عليك .
ثم تابعت بتفهم : ممكن هي قبلت عشان مامتها او عشان باباها... اه صح ابوها ميت ...بص ياحبيبي
البنات اليومين دول بيقبلوا عشان اهاليهم .
هيثم بغرابه : معتقدش ياماما...لبني عنديه ومش اي حاجه توافق عليها بالسهوله دي.
أيات بتفكير : بس لبني بتحب امها اوي ومبتحبش تزعلها فممكن تكون وافقت عليك عشان كده.
أنت تقرأ
هدفي ليس بمستحيل
Actionاهدافي ليست كبقية البشر ان اكون طبيب اومهندس او ماشابه فأنا أحلم من صغري أن أكون تاجر أسلحه شهير لأسلب أرواح البشر وتاجر أعضاء أشهر لاجني المال واكون من اغنياء الارض هدفي قريب مني لكنه بعيد حتي اصل له لكن ساصل مهما كلفني الامر فأنا الذي لايصعب علي...
