السلام عليكم ورحمة الله وبركاته 😍
اللهم انصر اخواتنا في فلسطين واجعل لهم عونا وسندا...اللهم أشفى مرضاهم ومرضي المسلمين 🌹
أذكر الله :
(لااله الاانت سبحانك اني كنت من الظالمين )
اتجه هيثم ليجلس علي كرسي بجوارهم وتحدث هيثم بتنهيد : اهدي شويه ياعم الغيور...انا المهندس هيثم خطيب لبني...وانت طبعا اكيد عارف لبني.
محمد بهدوء نسبي : تمام وانا الدكتور محمد خطيب الانسه...ثم تحدث بملل : 24 ساعه بنتكلم في الموبايل وماتخلصش مكالمه بينا الا ماتيجي سيرة لبني وغيرتها ...وهكرت لسندس الموبايل خمس مرات او اكتر مش فاكر بسبب غيرتها الزايده.
سندس بعشق : علي قلبي زى العسل.
محمد بضيق : بقا كده امال مين اللي بتشتكي وزعلانه .
وقام بتقليد صوتها : الموبايل كان عليه pdf لماده في الكليه....ده كان عليه صوري وفيوهاتي الروعه ...ده انا هموت مش قادره. ...ولا عشان تعبانه بس.
سندس بعبوس : ماشي بس برضو دي لبني.
هيثم وهو يميل على اذن محمد ويتحدث بهمس :
هرمونات ياعم ...فكك منها كل شويه بحاجه شكل.
محمد وهو يميل على اذن هيثم ويتحدث بهمس هو الاخر ويشعر بملل : وانا المفروض استحمل ده كله
كده هموت ناقص عمر.
هيثم بتهكم : هما عاوزين يخلصوا علينا.
سندس باستغراب : في حاجه ياهيثم ولا ايه .
هيثم بإبتسامة : لا ياسندس
سندس بجديه: انا هاجي اطمن علي محمود
ثم تابعت بتساؤل : هو في اوضه كام !!
محمد بهدوء : استني شويه وهاجي معاكي...بس هدخل لمامتك اسلم عليها.
هيثم باستغراب : بس ايمان مش جوه.
سندس بتوضيح : هو قصده ماما حنان ياهيثم
هيثم بإبتسامة : انا عمري ماعرفت اقول لحد تاني غير امي ياماما...بس هي قلتهالها وحاسس بيها بصراحه اطيب واجدع ست شوفتها...وحنينه اوى.
ثم تابع بهمس : مش عارفه لبني طالعه دبش لمين.
انفجر محمد ضاحكا...بينما كانت سندس تنظر له بغضب ... فتحدث بضيق : انتي اكيد عارفه كل حاجه عن معاملتها معايا ...فبلاش البصه دي .
سندس بتفهم : اعذرها ياهيثم كل ده بسبب بدر
هيثم بمقاطعه : انا عارف بسبب مين مش محتاج تقولي...بس الاحترام مع اللي حواليكي...ملوش علاقه بالتجارب الفاشله.
محمد بهدوء : صح يابشمهندس...لازم تاخد بالك من نقطه... اي بنت بتكون اتعرضت لخذل كبير من شخص كانت بتحبه ...مش بتدي الامان بسهوله
لحد هي اكيد مش قادره تدي ثقه لاي حد تاني بعد
كده.
أنت تقرأ
هدفي ليس بمستحيل
Açãoاهدافي ليست كبقية البشر ان اكون طبيب اومهندس او ماشابه فأنا أحلم من صغري أن أكون تاجر أسلحه شهير لأسلب أرواح البشر وتاجر أعضاء أشهر لاجني المال واكون من اغنياء الارض هدفي قريب مني لكنه بعيد حتي اصل له لكن ساصل مهما كلفني الامر فأنا الذي لايصعب علي...
