Tell a Story

Kabanata 1

"SINTA"

Sa pag ugoy ng duyan nating simbolo,
Sa pag hakbang natin hanggang dulo
Mga labing may ngiti hanggang langit
Hawak kamay tayong nakatingala sa langit

Ang pag-ihip ng pang hapong hangin
Na humahaplos at sumasayaw sa atin
Ang nag aagaw na liwanag at dilim
Sa harapan natin ay saksi

Ng pag-ibig na kailan ma'y di magdidilim
At kailan ma'y di masusukat ng salapi
Ito ang aking pangako, aking sinta
Ito'y di magbabago ng kahit anong salita

Ako'y sayo at ika'y akin
Mga katagang nais kong sabihin
Sa dayun na ating tagpuan
Na siyang sumisimbolo ng ating pag-iibigan

Tayo man ay pinaghiwalay ng panahon
Ako'y naniniwalang tayo parin hanggang ngayon
Kaya ako'y nakatayo, nakaharap sa duyan
Umaasang pagtagpuin sa pangalawang pagkakataon

Kaya sa aking paghakbang paalis
Sa tagpuang pinahalagahan ko ng labis
Aking sinta, ikaw ay nagbalik
Sa lugar ng una nating halik

Sa pag ugoy ng dayun nating simbolo
Sa paghakbang natin hanggang dulo
Sa pangalawang pagkakataon
Tayo'y pinatagpo ng panahon

Sinta, masasabi ko na sa wakas
Ang mga katagang tinago ko ng wagas
Hawak ang kamay, pagtago ng mata natin;
Sinta ko, Ako'y sayo at ika'y akin

Ⓜ️