فرقنا السحور و #لمنا العشق

09

الحلقة 9: ندى كانت لابسة بيجامة و لامة شعرها طوماطيشة و لماش طايحة جات تهبل بريئة تقول ملاك حسام عينيه ولاو قلوب ♥♥ زاكي غير شاف حسام دخل هبل مي مقدرش يهدر ندى تولهت لوجه زاكي حبت تخرجلو قلبو ولات تضحك مع حسام و هو يقلها كعبورة و زاكي نار شعلت فيه حكم جيهان من يدها و خرج و جيهان لاصقة فيه هما خرجو و هند قالت لندى: ندى حسام خويا مش لعبة راهو عندو مشاعر يا تحبيه يا تجبدي عليه متعلقيهش بيك و خرجت جات ورها راح تلحقها لقات أمال و معاها طفلة تجي في 26 في عمرها لابسة عباية كحلة و بليغة تاع دار تبان واعرة : هدي هي ..... هدي خطافة رجالة هدي .... لراح تديلي راجلي باقية غير طيح في هدرة عرشتلها قدام لجيران عياو يسكتوها أسماء و هند و خالتي عيشة هي فم و أمال فم مخلاو مقالو و ندى مسكينة غير سادة ودنيها تتفكر كيفاه كانت عايشة عزيزة و درك كيفاه راهي رخيسة ليجي يسبها في دقيقة هذيك وصل حسام سمع خطيبتو كيفاه كانت تسب وطيح فهدرة وصل دزها خبطها في لحيط و قالها : اسكتي بلعي انتي مربية انتي تهدري في هدرة رعيان من بكري منيش حبك حتمتي روحك عليا كنت علبالي بيك بلي ناقصة تربية رمالها خاتم و قالها قودي متشرفنيش تكون وحدة كيفك مرتي و انتي يا أمال تحرم عليك دار حتى تترباي و تحبسي شرك و انانيتك و درك كون نلقا كلبة فيكم هنا موتها على يدي قودووووو. ندى من قوة صدمات بقات تقريب يومين و هي ساكت غير تبتسم وحدها ( ندى في هدوك يومين عقلها ردها لماضي منين كانت هانية في حياتها تفكرة كي كانت بكرش بأسر ولبست قش جها مزير و زاكي يحلف و يقلها والله مخرجتي بيهم و هي مخبيا ورا اب زاكي و تقولو مهاني نخرج بيهم و أب زاكي يقولو خليها ياولدي اي صغيرة و زاكي هبل يقلهم كيفاش تخرج هك باه يشوفو معاها ؟ والله نعميهم ندى روحي بد