خبالاتي..

إكتشاف الموهبَـة + حچي حلو ❤🌙

سلامن عليكم يحلويننننننن
خاب اشتاقيت اگللكم چيچاتي بس أحس هالكلمة ثگيلة

الموهيم
اليوم اريد احچي وياكم بفد شغلة ذاك اليوم بالبارت اللي سويت بيه أسئلة وهيچ اكو سؤال منهم چان شنو موهبتكم 🤡

فَـهواي بنات منكم ما يعرفون شنو هية وممكتشفينهة لحد الآن آنة هسة اريد احاچيكم بخصوص هالأمر حتة بلكي تستفادون وتكتشفون هالشي

خلنطيكم أبسط مثال الي هوة آنة

آنة خلال طفولتي وبداية مراهقتي كِلشـي جربت
جَربت أرسم وأغني وأقرة قرآن وأكص صور وأصمم ومدري شنو كِلشـي كِلشـي جَربت ..

لحَدما فد يوم بالمدرسة بالرابِع چانت المدرسة مالتنة تطلع طالبات بالأصطفاف حتة يقرن شعر وهيچ وألقاء فوحدة زميلتي چانت شاعرة وألقت شعر جبار بصراحة وكلش انعجبت بيهة بَل وحتى غرت 😅

وهَـاي الغيرة مو غيرة حسد أبد والله بَل چانت غيرة أيجابية بحيث من وراهة خلتني أألف أول شعر إِلي بالعطلة مَـال كورونا بـ ²⁰²⁰  وبعدين التهيت عن هالشي وگمت أسوي أشياء ثانية مثل تصميم وموجودة بالبارتات الأولى وفشلت بهالشغلة ورجعت ألتفتت للشعر وجاي اتطور بيه شوي شوي

وبصراحة آنة چنت كلش أحب الشعر وأقرة هواي أشعار واللي موجودات بالكتب مال الأدب وأبوي چان عنده ديوان مال واحد مدري منو وگمت أقرة منه أحسه يغذي روحي من أقرة شعر والكلمات ألعربية البليغة أعشقهة عشق وأتعمق بيها أكثر وأكثر

المهم حچيت هواي عَـن نفسي آسفة بس چان لازم أوضحلكم هالشغلة أنتوا حاولواْ تكتشفون مَواهبكم ولتگولون ما عدنة موهبة ومدري شنو لأ ترة رب العالمين ميز جميع البشر بأبسط التفاصيل وكل شخص اله ميزة خاصة وحتة أبسط مثال هوة بصمة الأصبع اللي ما تشبه أي بصمة أخرى بالدنيا

وحَاولواْ لتحبطون من نفسكم اذا جربتواْ وفشلتواْ حاولواْ مرة وثنين وعشرة ومية لحدماْ تلگون هَدفكم 💜

وهاهية بس والله كونوا بخير وأحبكم كلش 🙂🚬

محبتكم #فطفوطة 🥺💋