يهلاااا والله بالشبااابب مشتاقتلكممم كد السما وربيي
طبعا صارلي فترة كلش جبيرة عايفة الواتباد وملتهية بالضيم والكآبة واصلة حدها عندي ومفولة ومكضيتهة بين سينمانا وقنوات التلي 🦦
المهم اليوم كالعادة شفت شي نعال واريد انتحر بيه هنا وللي ميعرف شنو هاي فقرة انتحار هاي كلما اشوف شغلة مو زينة مثلا بالمجتمع لو بحياتي اجي هنا اسبهة واسب ابوها وارتاح 😁
المهم اريد هسة احجي عن بعض الناس التافهين اللي يطششون القصص السخيفة هنا بالواتباد
يعني مثلا هاي مال فصلية ليث واللي هية ازرب قصة قريتها بكل حياتي وحرفيا متندمة لأن قريت مثل هيج زواع
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
يعني بشرفكم بشرفكم هيج قصة خايسة تستاهل كل هالعدد من المشاهدات والتصويتات ؟؟
بلة عوفوا المشاهدات على صفحة انة ماهتملهة كد التصويتات اللي بالآلاف يعني شنو العجبكم بيهة وهمة طول القصة مكضينهة بس يلهثون عبالك جلاب !!
والناس عافت كل هالقصص الحلوة من قصص ليلى ومريم وشمس ونهى وباقي الكاتبات
ولكم حتة شكد قهر قصتي مالت سأنتقم شكد تعبت عليها وعلى تأليفها وصياغتها وحتة محد معبرها والتصويتات كلش قليل يعني هسة قصة فصلية ليث احسن من قصتي ؟ والنبي محمد مو حسد ولا شي بس قهر من اقارن هالقصة وية بقية القصص الحلوة واللي ما انتشرت ومحد معبرهن وخصوصا هاي جانت اول قصة الي وعبالي راح اشوف دعم وهيج بس تالي محد قراها وراح كل واهسي بيهة
يعني استغرب على اذواق الناس اللي يعجبهم هيج زواع ويقرون بكل رحابة صدر وهوة لا املاء بي خير ولا سرد ولا قصة حقيقية يعني كاتبة المفروض تكون مثقفة وتعرف للاملاء مو مكضيتهة علينة شكرن وغذاء ومرحباء
ومع ذلك الناس يقرونها وعايفين الكتب والقصص المعبرة واللي بيهة معنى وطريقة سرد حلوة واملاء صحيح مثلاً قصة في قلبي انثى عبرية اتحدى واحد بيكم يعرفها وقاريها مستحيل مكضينهة بس عالقصص العراقية السخيفة .. طبعا ما عدى بعض القصص العراقية الجميلة واللي بيهة عبرة وطريقة سرد سلسة ومفهومة
بس مع ذلك الانسان هم لازم يطلع من هالمحيط ويتوسع شوي اقروا كتب مال علم نفس اقروا فلسفة ونزلوا بي دي اف وسمعوا بودكاست حتستفادون كلش هواااي
مثلا اقروا قصة من اخذ قطعة الجبن الخاص بي تجننن حرفيا صح بالبداية راح تشوفونهة مو مفهومة بس لو تهمقتوا بالقصة راح تحبونها كلش انة مادري اذا جانت موجودة بالواتباد لو لأ لان قاريتها من تطبيقها بكوكل
وهمين حاولوا تشترون كتب ورقية هم افيدلكم من التلفون لتصيرون مثلي وتالي تنعمي عيونكم وتلبسون نظارة 🙂💔
وهاهية الحمدلله فرغت الـ negative energy البداخلي وهسة يلا تطشروا لبيوتكم
