#العنودية_والنقيب_الشرس
#المحطة_الثانية
#بقلمي_سارة_المجيد
🌹🌹🌹🌹🌹🌹🌹🌹
شاهين ..انشوف عووود ياااااا...... ههههه يا ام خشم اليابس خشم منو راح ينكسر
شهلاء ..هه خوفتني
دفعتو من جدامي ردت انزل جان يلزم ايدي وكال ديري بالج تخلين راسج براسي تره اكسرو الج
نفضت ايدو مني كتلو انت شنو ميوكف جدامك احد ..لاعبالك سوالفك هاي اتخوفني ..لاعيني اصحه اني ماخاف بس من الي خلقني ..واصلا منو انت حتى احط راسي براسك تره انت منطي حجم لنفسك اكبر من حجمك
شاهين ..من سمعتها حجت هل حجاية اتخبلت عيوني صارت بكصتي شلت ايدي ونفضتها براشدي فريت راسها فر ..
شهلاء ..من حجيت عليه هيج شفت عيونو انفتحت ع وسعهن وكامت الشرار تطاير منهن وجان يضربني راشدي انصدمت من ردت فعلو حسيت اذاني انطرشت خليت ايدي ع خدي مكان الضربه حسيته صاير نار كمت ابجي وصرخت عليه وكتلو ايا نذل ياحقير وكمت حيل اضرب بي بأثنين ايدي
شاهين ..مادري شسويت اني خررب اتعصبت واتصرفت تصرف بدون وعيي كامت اتضرب بيه لزمت ايدها وكتلها اششششششش كافي اني اسف مو قصدي والله بس انتي اتجاوزتي وهاي جانت ردت فعل لا اراديا مني ...
وجان احظنها وهيه تبجي رفعت راسها وعيونها صدت بعيني اووويلي يالكعبة عيونها لونهن لون الشمس اتخردلت وهيه بحظني مسحت دموعها وكتلها اترجاج اهدي
شهلاء ..دفعتها بكل قوتي وكتلو سهله اله ادفعك ثمن هل كف غالي يامتوحش ..وعدلت نفسي ومسحت وجهي ونزلت ركض للحمام غسلت وجهي وكلت بسيطة شاهين اني الك سحبت نفس عميق وسديت المي وطلعت رحت للصالة جانوا فارشين وناصبين الغدة ماما دحجت علي واشرتلي تعالي يمي ..رحت كعدت يمها
زهور ..وين جنتي شكد صحت عليج حتى تتغدين
شهلاء ..احم شسمه جنت بالحمام ..
زهور ..شبيها عيونج شنو باجية
شهلاء ..هاا لا بس طب اتراب بيها ورحت للحمام غسلت
زهور ..اهاا ..ديله يمه اكلي حتى نرجع لبيتنه ونرتاح لان ميته تعب
شهلاء ..ماشي ماما ..مديت ايدي داكل وجان يصير شاهين كبالي نزل من فوك وبقه يدحج علي اني خزرتو بعيوني ورفعت تك حاجبي وصكيت سنوني عرف مطايقتو وهوه رفع شعرو بحركه سريعه وابتسم وراح للديوان ..شبي هذا والله خبلني ولا ينفهم غامض وجع ..
كعدت وكملنه غدانه وشالوا السفرة وراها جابوا الجاي ..وبقن النسوان يسولفون ويه ماما ويسئلوها شلون جنه عايشين بالهند ..وماما تجاوبهم ..
زهور ..والله الدولة جانت حاطه بيوت للموضفين بصف السفارة العراقية بيوت اتجنن حتى مسبح بيها وعشنه بيها طول هاي المدة ..
ام جاسم ..اي بالعافية عليكم اكول حبيبة ام شهلاء بناتج ليش مامحجبتهن تراهن حلوات ومجذبات للنظر احنه ماعدنه بنات بعمرهن مامحجبات اصغر وحدة بصف ثالث ابتدائي ومحجبيها
