#العنودية_والنقيب_الشرس
#المحطة_السابعة_عشر
#بقلمي_سارة_المجيد
يسعد مساءكم بكل خير احبتي
🌲🌷🌲🌷🌲🌷🌲🌷🌲🌷🌲
شهلاء ..كلمن كعد ع كوشتو وشغلوا موسيقى چوبي ..ونزلوا الولد يركصون وجان بهل لحظة يصير اطلاق نار بره
شاهين كمز من مكانو هوه وستار وركضوا بره الامة انكلبت شافوا جليل لازمي الأمن الي اباب القاعة وبيدو مسدس ..
#خلونه_نرجع_بالاحداث_شوية
جليل ..من سمعت اليوم عرس شهلاء وشاهين حسيت الدنيا انهدت ع راسي روحي طلعت مكدرت اكتم قهري بگلبي
الجرالي بسببها دمرني كلو ابجي بسكوت وماورج احد ع دمعاتي يعني معقوله صارت صدك ..يعني راحت شهلاء من ايدي للابد ..
مستحيل ماخليهم يتهنون ..بس شنو البيدي اسوي طكت روحي وحسيت الدنيا كلها غدرت بيه رحت يم اصدقائي لشقة جنه ماخذيها للتعليلات ..
كعدت وياهم جانوا يجيبون شرب وسكر بس اني ماجنت اتدنه يم الشرب لان حرام ومو من طبعي اشرب واسكر ..
بس بهل يوم حسيت كوولشي مبااااح اريد احرك هذا گلبي الي دمرني اريد اشلعو من صدري وادوس علي ..بسببو انذليت ...
كتلهم صبولي كاس ..محد صدك كالوا ها جليل شصاير بالدنيا معقولة تشرب كتلهم اي اليوم اريد احرك گلبي الي كسرني ودمرني صبوا بعد اخوكم ..
صبولي كاس واثنين 3 و4 لحد مادماغي حسيتو صار شثكلو كوه كمت اشوف جدامي حسيت رحت لغير عالم
كمت اتطوطح كمت اخربط بالحجي اصدقائي يلزموني اريد اطلع مقبلوا دفعتهم وصعدت سيارتي واني سكران صاير مخ ...
عندي مسدس بالجكمجه مال السيارة فتحت الجكمجة وطلعت المسدس وكلت اليوم لو اقتل شاهين لو اقتل نفسي
والله فلا اخليك تتهنه بيها يشاهين ..ردت اندعم لان عيوني غوشت ومكامت اتبين الصورة واضحة جدامي ...
وصلت للقاعة وشفت الدنيا مكلوبة هناك ..النذل عازم امة محمد كلها بعرسو اله اكلبو عليك عزة يشاهين واخليك تنعل الساعة السودة الي اتزوجت بيها حبيبتي ..
كوه طلعت من السيارة مجنت ادحج دربي وبيدي مسدسي كمت اصرخ اطلع يانذل اطلع ياجبان تاخذ حبيبتي مني اليوم لا اطيح حظك وحظ الخلفوك وضربت طلقات بالجو بس للاسف جان حاط حرس بالباب ولزموني وجتفوني ...
شاهين ..طلعت ركض لبرة القاعة وجان ادحج جليل صاير خروف من الشرب شي مقزز لزمتو من ياختو كتلو انت شنو حيوان متفتهم انت شيخ وراح تلزم عشيرتنه من بعد ابوك ولك انت بصخلة ماسرحك اشلون تلزم امور العشيرة وانت هذا حالك خزيتنه جدام العالم الله لايوفقك
جليل ..جنت كوه واكف ومسيطر ع توازن جسمي دفعت ايدو وكتلو اليوم لو اقتلك لو اقتل نفسي معبالك تتهنه بيها يانذل دمرت حياتي ..
