مساؤؤؤؤؤ بخور وعود يعطر اهل الكرم والجود
❣❣❣❣❣❣❣❣❣❣❣❣
#العنودية_والنقيب_الشرس
#المحطة_الرابعة_عشر
#بقلمي_سارة_المجيد
#وبعد_مرور_سنة_ع_الحادث
بيوم جنت كاعدة بالحديقه كالعادة والدفتر والاقلام بحضني وتاكتب قصة حتى اطلع وانسه عالم الواقع الي جنت عايشة بي
وادفن نفسي بين طيات اوراق دفتر قصصي الي صار رفيق دربي من اختفه شاهين ..
وجان بهل لحظة يندك الباب كمت فتحتها واذا بيت عمي جاسم بالباب ومعالم الفرحة باينة ع وجوهم ..بقيت مصدومه
ام جاسم ..يمه شهلة بشارة بشارة
شهلاء ..بقيت مثل الفاقدة عقلها مداستوعب الكلام اتبسمرت بكاعي اريد انطق مداكدر ردت يكملون كلامهم ويكولون شنو هل ابشارة جان يحضني عمو جاسم وباسني من راسي وكال
.... تعالي عمو خلي انطب جوه
...اخذوني وطبيت للصالة جانوا ماما وبابا كاعدين سلموا عليهم وكعدوا ..
جاسم ..خيي جينه انبشركم بشارة تفرحكم وخاصة شهلاء لان هيه الوحيدة الي جانت تحس بشاهين عايش ..
شهلاء ..لحد هسه مداستوعب الكلام ياربي عيني ع سماع الخبر لا اوكع من طولي
ابراهيم ..احجي خيي لكيتوا لشاهين فرحنه
جاسم ..دحجوا اليوم الصبح اندك الباب طلع ستار فتحها واذا برجل سأل هذا بيت ابو شاهين كلو اي تفضل منو حظرتك ..
كلو انا مرسال اجيت من طرف ابنكم شاهين ويسلم عليكم واحد واحد ويكول لتخافون عليه انا بخير ومعتقل بسجن بوكا بس محتاج دعواتكم للفرج ع سجني ..
احنه سمعنه الخبر مصدكنة كنالو وشنو دليل كلامك ..جان يكول عدكم طفلة اسمها حنين بنت خال شاهين وكال شاهين هوه الي نطاني الاسم حتى اثبت صحة كلامي ..
واحنه سمعنه هيج مندري شنسوي ام جاسم صعد ضغطها من الصدمة ووكعت واني بقيت جامد بمكاني ماعرف اضحك ما اعرف ابجي من الفرحة لان ابني طلع عايش واحنه جنه فاقدين الامل برجوعو او اصلا عايش ...
شهلاء ..ماكولكم شصار بيه من سمعت هل كلام ..يكفي بس اكولكم الصدمة مكدر جسمي يتحملها اول ماسمعت الخبر حسيت بصاعقة ضربتني ع راسي ..و وكعت من طولي ومحسيت بشي بعد
ام شهلاء ..كمزت من شفت بنتي وكعت وكمت اصيح سودة بوجهي بنتي اتخربطت الكل ركضوا وابراهيم شالها وحطها ع القنفه
وبقه يضربها راشديات خفيف ع خدها رحت جبتلو عطر كتلو خلي ع خشمها هاي متحملت الخبر انصدمت ..
جاسم ..الله يساعد گلبها والله فلا اكو منج يشهلة نادرا تلكي انسان يحب بصدق هيج
شهلاء ..كوه صحيت ع نفسي وشفت اهلي ملتمين فوك راسي كتلهم لتخافون مابيه شي ..بس دخت ووكعت من سمعت الخبر
