طفلة في مضيف الشيخ

البارت 10

الكاتبه رشا ثامر

🎥✒احفاد الشيخ ثجيل

البارت العاشر ..

بسمه ..كعدت على وحيده ادكعدني متفاجئه لأن نايمه اهنا وبقت تسئل بس انه ما اهتميت ودخلت وعيني امدمعه. ..اردمت ابواحد رفعت راسي لكيته هشام ما صدكت هو موجود ابسرعه شبكته وبقيت ابجي ... هو شبكني وايهدي بيه واحسه امعصب وخرت عنه واتباوعتل اتباوعلي وكال

هشام .... كعدت الصبح متئخر 8 لكيت روح رايحه. . ردت اطلع للحديقه وانردمت بيه بسمه ..ردت اسلم عليه بس هيه ابسرعه شبكتني وبقت تبجي اتفاجئت بسمه تبجي ابد ما تبجي يمنه امعوده صفوان ..ما أصير ضعيفه كدام أحد وخرت وجه وكلتله. ..ها بويه اشبيج هيج تبجي ياهو اوياج ياهو امحاجيج كولي

بسمه،،،، ابشهكه. ..صفوان البارحه صيح عليه وكلي ها كلي بعد لا اتراويني وجهج واكرهج وبقه ايصيح عليه وانه والله ها والله ما امسويه شي

هشام .،اتفاجئت صفوان هيج ايكول البسمه لا وبدون سبب بست رأسه وكلته... حبيبتي متأكده ما امسويه شي ابد

بسمه ...ابجي... والله ها والله ما امسويه شي وداعت خالتي بسمه ما امسويه شي

هشام...ماشي ابنيتي لا تبجين هو هسه وين

بسمه....وهيه تمسح ادموعه .،راح لزياره كال مشتاق لأمي

هشام.. امممم خوش ...مسحت ادموعه وكلت .كافي روحي انتي اخيتي لا تبجين اله اموته الج

بسمه..اي و الله يستاهل

هشام..يله روح نامي امبينه ما نايمه عدل

بسمه... من وره حجي ابن عمك والله انه اله بصيطه

هشام....هههه خوش خلي يجي وعلميه. ..راحت وهيه ادردم. ... بقيت أفكر ليش هيج سوه هذا الخبل. .. ادك عليه ماكو ما ايرد خر ابقسمته خلي اروح الطارق

....

صفوان .. صعدت بلسياره. .وبقيت اسوق سريع اريد اوصل واتمنه أوصله اجناز. .. اريد امي وبس كلبي يوجعني وبس حنانه ايهديني. . انه اشبيه حضي كل بسمه ما أضل ابحياتي .يوممم من اريده بسمه فدوه اروحلج انه جايلج. .. بقيت أسوق حيل اريد بس اندعم ماكو قدرت ربك أكبر. .طلعت من البيت 3 ..وهسه 7 الصبح ... رحت كبل للمكبره. بقيت ابسرعه أمشي بس اريد اوصل الكبره. .... وصلت اله .. ابوي امسويه مرمر .. وامخليله سقيفه. . وزارع يمه ... ادري ببوي الحد هسه ايحب امي وانه هم احبه بس هوه شايل عليه ..رحت كعدت يم رجليه بستهن بوست رأسه وكلت ..يمه ابوي الحد هسه ما يحجي وياي يمه انه ادري انه الي كتلتج والله اسف .مو هيج فوك هم ابوي هسه بسمه طلعت ما اتحبني والله جاي اتوجع  حيل أكثر مما تتصورين يمه فدوه راح اموت ..لو انتي هسه عايشه جان من زمان اصيحيله جنتنه ها وهسه هيه متعوده عليه وهم امخفف عني حمل اعتراف ابحبي ههه بس ماكو فايده ما اتحبني هيه يمه فدوه شوفيه كليله اتوسطيلي ههههههه اشلون اتخبلت يله ميخالف انه احبج انتي اموت عليج يمه ..بست رأسه ونمت ابحضنه