✏البارت الثاني
✏الكاتبه °°رشا&ثامر
🎥✒احفاد الشيخ ثجيل
🙋🙋🙋🙋
👆👆هاي الفوك تشبه قمر مو كلش بس تشبه
هشام ...
نفس كل مره اكعد وجهي عافس دومي ضايج اشندريني على شنو ما احب اضحك كمت الصبح بل5 علمود اصلي ابتسمت من حسيته يمي فديته روحي انه ...
رحت يمه بست خده ..
وبقيت اناغيه من ركبته واضحك وياه وهيه ضايجه ....
امخليه ابحضني وارضعه ازغيره كلش ترفه امي كالت بعده عمره حته مو يوم ...
اخذته امي ودفته بس ما سبحته لأن اهنا بلثالث جاهل اله انسبحهم ...
خلي اعرفكم على نفسي انه الشيخ هشام بدت قصتي من عمري 15 سنه ...
من وانه جاهل ابوي وجدي امعلميني على الثكل ..،
ما اضحك اهواي ما احجي اهواي ...
حته لعب ما ألعب ويه ولد المنطقه ...من عمري 11 سنه وايسموني شيخ ...
اهواي ضجت ابطفولتي واضل ابجي مثل كل جاهل ايريد العب ...
من اشوفوهم ايلعبون طفل واغار ومن حقي ...ما جان عندي اي صاحب،،،
بس صفوان ابن عمي وطارق ابن صديق ابوي ....
أبو ميت من زمان وعنده سبع إخوان كلهم ازوجو وطلعو بس اخو الي أكبر منه بعده ما طالع. ...احنه كلنه اعيونه ملونه مو صدفه او قدر لا بس جد جدي ايحب المره اعيونه املونه وجان ابن اشيوخ واكابر كلما شافله مره اعيونه ملونه خطبه ...،
ازوج أربع نسوان ...كل وحده عينه لون ...الأول وحده لون اعيونه خضر ...
والثانيه اعيونه عسليه على صفر ..
والثالثه اعيونه زرك غامق...والرابعه اعيونه رصاصي ....
هذا جدي يحجينه عنه ... وهم اولادة ورثو اعيون الملونه جدي ما زوج ولده اله هم اعيونهن املونه جبر ....
المهم كبرت عائلة جدي وصار عنده أحفاد كلهم اعيونهم املونه ولي همه جدي واخوانه. ...اسهلت السالفه على جد جدي فكام ايزوج بنت العم لبن العم وهيج مشت ..
وذا بنات خالاتهم اعيونهم املونه عادي بقه هيج جد جدي منا لمن اتوفه. ..
بس اولاده واحفاده كملو ابهاي المسيره كلهم ...
من أبو جدي الحد ابوي وعمامي ...
هم...
امه عن صفوان ابن عمي عايش عدنه من الصغر لأن أمه والي هيه خالتي جابته واتوفت. ..بقه عدنه عمي ازوج وره ما ماتت خالتي ب3 اسنين ..
وجان اول واحد ايضل مده طويله بدون زواج ..لأن جان كلش ايحبه ويعشكه ...
بس الموت ما يعرف حبيب ولا عزيز ولا جبير ولا زغير ...
ف صفوان بقه يمنه حاله من حالي وحال اخواني الي همه عبد الرزاق وهذا عمره13 سنه عيسى عمره11سنوات فواز الي عمره9 سنوات وأختي بسمه عمره 5 سنوات وقمر سنتين ... بسمه تشبه ام صفوان وصارت هم ابذكر وافات خالتي والي هيه هم اسمه بسمه ...
سماه صفوان بسمه على اسم أمه ...
احنه أغنياء اشويه ...لأن عدنه حلال خير من الله وحته عدنه احصنه. .وعدي حصاني الي احبه واحجي وياه اسمه فرج ..
سميته فرج لأن كلما اجيله ضايج لو ابكلبي حجي احجي وياه .كلشي يفرج وافرح يعني احبه كلش ...عندي عمام اثنين ..
وعمه وحده جنت كلش احبه بس من سنه ونص انكتلت ما اعرف انخطفت من الأمريكان مدري من العراقين بس هيه كلش ما نعرف عنه شي دورنه ردنه بس ماكو اعتبرناه ميته ...
جانت عمتي كلش حلوه حنطاويه واعيونه اخضر على أصفر. وعده غمازات. ..
أذكر عليه لأن ما صاله اهواي وراحت .... جنت احجيله كلشي وذا اضوج اروح يمه العب وياه دعبل ...
جانت ونيستي الوحيده وجانت المدلله كلش ... الدرجه ابوكت هذا وخلوه توصل للخامس اعدادي ... محد ايخلي بنته اتخلص الرابع ابتدائي. .
بس جدي على كد ما ايعزه راد ايخليه اتكمل حته السادس ..جدتي لي ماتت وراه ابأشهر وهيه اتوصي بيه ...
وجدي آيس. ... كلش جانت عزيزه علينه ... من كالو ضايعه. ..ما خليت بستان ما دورته انه وصفوان. ..ولا شط ما سبحنه ودورنه بيه خاف غركانه. .،
وما خلينه صريفه هم ... بس ماكو ...من كالو هاي هيه ماتت ... بقيت ابجي ابغرفته. .حانت عزيزتي هاي ... من وكته وعدتت روحي احارب هيج شي احارب الخطف ...
ما معقوله هجي عمتي اتيه واضيع وهيه ماكو زاويه ما تعرفه ابديرتنه ...وعدت نفسي وعمتي وهاي هيه ... فزيت من تفكيري ..، على صفوان بالباب وايكول
أنت تقرأ
طفلة في مضيف الشيخ
General Fiction🎥✒احفاد الشيخ ثجيل في أحد فصول السنه فصل الشتاء تحديدآ سنه 2004/8/23 ...لك الله لا ينطيك يمه اخخخخخخ راح اموت وخر عني لا تثبرني وخر ... ..،يحجي بلاجنبي وايترجم المترجم جان كال ...، ارجوكي اهدئي...دار وجه وحجه ابعصبيه وشراينه بينن .،.أين انتم اي...
