🎥✒احفاد الشيخ ثجيل
البارت الثاني عشر ...
بسمه ..سويت عشه واتعشينه ابهدوء. ..الوضع متوتر عبد الرزاق ساكت وضعه مو زين. .أكل اشويه كلش امي كالت
نوراه. ..يمه رزاق ما اكلت شي
رزاق....الحمدالله يمه شبعت وراي شغل
بسمه...كال هيج وصعد ...كمت انه وراه ...دخلت للغرفه جان صدك ايريد يشتغل ...رحت يمه وشبكته فجى. ..هوا اتفاجى بعدين عرفني شبكني وباس راسي ...سحبته من ايده وكعدت وكلتله ....نام على رجلي خلي اكلك قصه حلوه حيللل
رزاق...،بسوم حبيبي وراي شغل
بسمه...ابلطف. .فدوه بس هاي المره ...اتأفأف وخله راسه ابحضني بقيت العب ابشعره وكلت ..جذب ماكو قصه بس حبيت العب ابشعرك. ..اتباوعلي ابضيق. ..بس بقه ابحضني بقيت امسح على شعره سمعته حجه ابخنكه
رزاق..،،ابعبره .... هسه حسيت بيه من اتحاول وياي وحبه من طرف واحد اشلون اتحملتني وما ملت من المحاولات وياي ما اعرف شنو اكول عنه انه من اول شي استسلمت
بسمه....هوا هذا مو حب حقيقي تدري ليش
رزاق..،...باستغراب....،ليش
بسمه.... لا ن الحب الحقيقي وخاصه للبنيه تبقه تدلع على الي اتحبه وتثكل اكباله وتخجل من اتخلي عينه ابعينه ..بس الي جانت بي زينب مو جانت تسمع انو انته اله فهيه بس اتريد اتخليه الك يعني ما اعرف اوصفه بس مثل الطمع و التملك ولاصرار. ..هنه كلهن انجمعن عده وانته جنت اتعاند أكثر هيه هيج ايزيد اصراره
رزاق.،،، ابحركه. ..بس ليش خلتني احبه اذا هيه ما اتحبني هااا شنو هاي عود اشكد حقيره موتتني بسمه ورب العباد احس كلبي ما بقه شي بس يوجعني من القهر وفوكه صارت العضيدي الصديقي ما اعرف لو واحد غريب جان والله من زمان جبته ورجله فوك رأسه
بسمه،،،،، خلاص رزاق راح اصير زوجت صديقك اتحكم ابنضراتك تره صديقك وحاول اتناسه
رزاق..،، الله كريم ربج ايعوض
بسمه...بقيت امسح على شعره والعب بيه حلو شعره اسود ضخين بست راسه. ..شفته نام خليت جوه مخده رأسه وكمت طلعت وانه أمد ايدي ..اتشنجت ورجلي هم ...نزلت لكيتهم كاعدين بلهول كلهم محد طالع جان كال فواز
فواز..،اكلكم اذا خطب هشام خطبولي انه هم
أبو هشام ...انته منهي الي اتريده ذابحنه بيه
فواز....طفرت يم ابوي وكلت ...وعلي يابه انعرفه وتعرفنه
أبو هشام..،ايباخ منهي بله
فواز....يابه والله ليليان بت اخو طارق
بسمه...يابه شنو اشجابك اله أكبر منك سنه ونص
أنت تقرأ
طفلة في مضيف الشيخ
Ficción General🎥✒احفاد الشيخ ثجيل في أحد فصول السنه فصل الشتاء تحديدآ سنه 2004/8/23 ...لك الله لا ينطيك يمه اخخخخخخ راح اموت وخر عني لا تثبرني وخر ... ..،يحجي بلاجنبي وايترجم المترجم جان كال ...، ارجوكي اهدئي...دار وجه وحجه ابعصبيه وشراينه بينن .،.أين انتم اي...
