🤦♀️قبل كل شيء ..راح ايصير كل اسبوع بارت ☹
البارت العشرون
قصه احفاد الشيخ ثجيل
الكاتبه رشا ثامر
طارق ...صعدت بلسياره واتصلت ابليليان كلت راح ايرجعج للبيت من اتخلصين دوام
ليليان ...اوك طارق
طارق... اشبيج عمو اشو ضايجه
ليليان ...اجي من الكليه واحاجيك بأي عمو
طارق ..بأي ديري بالج على روحج
ليليان. ...انشالله حبيبي باي
طارق...بأي. ...سقت سيارتي للمركز ...دخلت المكتبي وكعدت افكر ....قمر ما اعرف احس نفسي امقيد راح استمر ابخطتي حبيته مو بس حب اذا حسيت نفسي مهوس بيه اعوف السالفه بس هسه ما اعوفه ....انه احبهم حيل هم اعزهم بس من سنه واجه صديق ابوي وعمي همه جانو اثلاثه اصدقاء جانو اثلاثتهم بلجيش وجانو لازمين خفر ابيومه. ..ولي وياهم ابفرقتهم بس مو يمهم سمعو طلقه ...أبو هشام وصديقهم الثالث أبو علي كللوهم هجوم ...بس همه واحد منهم كتله والي هوا أبو هشام جان أبو علي شاهد عليه كال جانو شقه ويتعاركون على السلاح منا لمن فلتت طلقه من عمك أبو هشام ...كرهته وحقدت عليه وشلت عليه حقد ما صاير من سمعت هيج حته لو مو ابقصده هوا الي كتل ابوي ...من وكته وبقه حقد ابكلبي بقيت اخطط اريد احرك كلبه وطبه طوب فكرت ابهيج شي وبديت من عبد الرزاق ايي منه جنت اعرف صديقه ياسر ايريد يخطب زينب معجب بيه بس متردد لأن سامع انو بت العم لابن العم ... انه عود رحت استفسر منه وكلتله جذب محد ايحب الثانيه انه الي شجعته ...مكدرت اسوي العيسى شي لأن علاقتهم قويه وما اريد اكتلهم لأن حرام اول شي وثاني شي مالهم دخل بس اريد احرك اكلوبهم ...من عبد الرزاق رحت البسمه هههه اي ادري بيه معجبه بيه وانه احجي اكباله هذا الحجي علمود ايزيد اعجابه بيه انه مرتي لو اصير نخله ابراسه ما ادخله كليه ...بس ما اتعديت وياه لأن ادري صفوان ايحبه وهذا الوحيد الي ما اريد اكسره. ..هشام صاحبي ما اريد اذيه كافي لاذيه الي راح ايشوفه ابعائلته. ..أما عن سالفه وحيده لا ما متقربلهم هذولي ...المهم خلص واجبي بل3 العصر رحت البيت اخوي الجبير علي هذا أحن واحد من اخواني هوا الي صدك لفاني وحاول ايسد فراغ ابوي وامي دخلت سلمت عليهم مرته حيل حبابه ...سئلت على ليليان كالو فوك ... امربيه انه احبه حيل عزيزة عمه هاي ...صعدت دكيت الباب ودخلت لكيته صافنه رحت يمه وكعدت على الجربايه وكلتله ...ابشنو اتفكرين ليلوه
ليليان ... من راح فواز الحد هسه أفكر بيه ايحبني لازم انسحب من خطت عمي ومن حبه الي ما اريد اذيه ابدايت حبه هوا بعده ما شايف شيني (الشياء السيئه بلشخص )ولا زيني بقيت صافنه وأفكر بيه دخل عمي طارق كلت ...صافنه ابفواز
طارق...هممم اشبيه
ليليان .عمي لو شايفه اشلون متخبل عليه لو تدري اليوم شنو صار موقف بلكليه عمو ما اكدر صدكني راح اترك الخطه وانسحب وهم اتركه فتره
أنت تقرأ
طفلة في مضيف الشيخ
General Fiction🎥✒احفاد الشيخ ثجيل في أحد فصول السنه فصل الشتاء تحديدآ سنه 2004/8/23 ...لك الله لا ينطيك يمه اخخخخخخ راح اموت وخر عني لا تثبرني وخر ... ..،يحجي بلاجنبي وايترجم المترجم جان كال ...، ارجوكي اهدئي...دار وجه وحجه ابعصبيه وشراينه بينن .،.أين انتم اي...
