Unicode
Side Chapter
ရှေးရိပြည်၏ နက္ခတ်ကြည့်ဆရာမသည် အရှင်သခင်ရှေးရီဝမ်၏ နန်းဆောင်အတွင်းသို့ ကရောသောပါး ဝင်ရောက်လာခဲ့သည် ။
"အရှင်.. အရှင်.. မကောင်းတော့ဘူး ။ "
"မင်းသားလေးရဲ့ ကြယ်တာယာမှာ ဖူးစာကြိုးနီက ယောကျာ်းတစ်ယောက်ဆီ သွယ်တန်းသွားပါတယ် ။ "
ရှေးရီဝမ်သည် စိတ်မဝင်စားသကဲ့သို့ စာအုပ်တစ်အုပ်ဖတ်နေရာမှ အတန်ကြာအေးခဲတောင့်တင်းသွားခဲ့သည် ။ တုန်လှုပ်မှုကို ဖုံးကွယ်ထားချင်သော်ငြား မျက်တောင်ရှည်များ တဆတ်ဆတ်တုန်ယင်နေမှုအား မထိန်းချုပ်နိုင်ခဲ့ပေ ။
အချိန်အတန်ကြာမှ ဆုံးဖြတ်ချက်ချပြီးသလို ပြောလာခဲ့သည် ။
"ဖြတ်တောက်လိုက်ပါ အဲ့ရေစက်ကို ။"
နတ်ဆရာမ၏ မျက်နှာတွင် စိုးရိမ်ပူပန်မှုများအပြင် ထိတ်လန့်မှုများပါ ထပ်တိုးထင်ဟပ်လာခဲ့သည် ။ သတ်မှတ်ထားသော ကံကြမ္မာများကို မည်သူ့မှာမှ ပြင်ဆင်ခွင့်မရှိပေ ၊ စည်းကမ်းချိုးဖောက်၍ ပြင်ဆင်လျှင်လည်း ကြီးမားသောအဖိုးအခ ပေးချေရလိမ့်မည် ။ ရှေးရိပြည်၏ အရှင်သခင်တစ်ယောက်အနေဖြင့် သူလည်း ထိုအရာများကို သိပြီးသားပင်ဖြစ်ပါသည် ။
"ဒါပေမယ့် အရှင် ၊ အဲဒါက တားမြစ်မှော်ပညာ-"
"အဖိုးအခကို ငါပဲပေးချေမှာပါ ၊ သူများကို မထိခိုက်စေရပါဘူး ။"
"......"
"ငါ့ရဲ့ သက်တမ်းဆယ်နှစ်စာကို ယူပြီး အမြန်ဆုံး လုပ်ဆောင်လိုက် ။"
"အရှင်!"
"ငါရီအာအတွက် တာဝန်ကျေတဲ့အဖေတစ်ယောက် မဖြစ်နိုင်ခဲ့ဘူး ။ ဒီသက်တမ်းလောက်ကို မပေးနိုင်စရာမရှိပါဘူး ။"
နတ်ဆရာမရဲ့ အထိတ်တလန့်အော်သံအဆုံး ရှေးရီဝမ်က အပြုံးဖျော့ဖျော့ဖြင့် ပြောလာခဲ့သည် ။
"ကောင်းပါပြီ ။"
နတ်ဆရာမသည် သက်ပြင်းအသာချ၍ အစီအစဥ်အား ပူးပေါင်းရန် တိုင်ပင်လာခဲ့သည် ။
"ဖူးစာကြိုးနီက အခုမှစချည်ရုံမို့ ဖုံးဝှက်ထားဖို့ရာ သိပ်မခက်ခဲသေးပါဘူး ။ ပိုပြီးထင်းရှင်းတောက်ပမလာစေဖို့ တစ်ခုတည်းသော နည်းလမ်းက တစ်ဖက်သူရဲ့မှတ်ဉာဏ်ကို ဖျောက်ဖျက်ပစ်လိုက်တာပဲ ရှိပါတယ် ။ "
YOU ARE READING
Strangest One That I've Never Seen Before
Historical Fiction{Both of unicode and zawgyi are available.} Unicode "အကုန်လုံးကို ပစ်ချထားခဲ့ပြီး ကိုယ်နဲ့အတူထွက်မပြေးချင်ဘူးလား ။" "ဘယ်လိုလုပ်ဖြစ်နိုင်မှာလဲ ။ ဒီတာဝန်ဝတ္တရားတွေက ကျွန်တော်တို့မွေးဖွားမလာခင်ကတည်းက ပုခုံးပေါ်မှာ တင်နေခဲ့ပြီးသားပဲ ။ အရှင့်သားကရော အဲလိ...
