Unicode
(ရေကန်ဘေးမှ ကလေးတစ်အုပ်နှင့် ထူးဆန်းသောကောင်လေး)
မိန်ဟွားမြိုင်သာသည် ဟွမ်ဒိပြည်(ဧကရာဇ်ပြည်)နှင့် လျန်ဟွားပြည်အကြားတွင် ရှိသော တစ်စုံတစ်ခုဖြစ်သည်။ တစ်စုံတစ်ခုဟု ဆိုရခြင်းမှာ မိန်ဟွားမြိုင်သာသည် မြင်းစခန်းတစ်ခုလို့လည်း ပြောလို့ရသည်။ ပန်းခြံဝန်းတစ်ခုလို့လည်း ပြောလို့ရသည်။ စားသောက်ဆိုင်ကြီးတစ်ခုလို့လည်း ဆိုလို့ရပြန်သည်။ တကယ်တော့ အပန်းဖြေစရာနေရာဆိုသည့် အသုံးအနှုန်းနှင့် အကိုက်ညီဆုံးဖြစ်သည်။
[Méi Huā - ဇီးပန်းပွင့်]
စားသောက်ဆိုင်ကြီးလည်း ရှိပြီး စားလိုသမျှ အကုန်ရရှိနိုင်သည်။ ဒီ့အပြင်လိုချင်သည်ဆိုလျှင် အချောအလှလေးတွေကိုပါ ခေါ်လို့ရနိုင်သေးသည်။
နေရာအနေအထားအရလည်း ဇီးပန်းပင်တွေအပြည့်ဖြင့် အလွန်လှပသည်။ ရေအောက်ခံ တံတားပေါ်က စားသောက်ဝိုင်းများဆိုလျှင် သိပ်ကောင်းသည့်မြင်ကွင်းကို ရရှိနိုင်သည်။ ဇီးပန်းပွင့်တွေ ကြွေကျနေသည်ကို ပန်းချီတစ်ကားကဲ့သို့ တိုက်ရိုက်မြင်တွေ့ကြည့်ရှူ့နိုင်သည်။
ကိုးပြည်ထောင်က ထွက်သောပစ္စည်းများနှင့်
ပိုးထည်အကောင်းစားတွေလည်း ရရှိနိုင်သေးသည်။ မိန်ဟွားမြိုင်သာရဲ့ အဓိကထူးခြားချက်ကတော့ မြင်းကောင်းမြင်းသန့်များ တွေ့ရှိနိုင်တာပင်။ မိန်ဟွားမြိုင်သာမှ အကောင်းဆုံးမြင်းတွေက တော်ဝင်ဧကရာဇ်နန်းတော်က မြင်းများကိုတောင် ယှဥ်နိုင်သည်။
မသာလျှင်နေမည်၊ အရည်အသွေးတော့ လုံးဝမနိမ့်။ ဧရိယာကလည်း အလွန်ကျယ်ဝန်းပြီး မြို့တစ်မြို့စာရှိသည့်အပြင် မိန်ဟွားမြိုင်သာ အဝင်၊ အထွက်မှာ သစ်တောမဟုတ်ဘဲ လွင်ပြင်များသာ ရှိသည်မို့ မြင်းစီးဖို့ အလွန်သင့်လျော်သည်။ မိန်ဟွားမြိုင်သာတွင် နာမည်တစ်ခုထပ်ပြီး ရှိသေးသည်။ 'မြင်းမြို့တော်'ဟူ၍။
မိန်ဟွားမြိုင်သာကို ရောက်သည်နှင့် အရှင့်သားက မြင်းပေါ်မှ လွှားခနဲခုန်ဆင်းပြီး ဘယ်ကမှန်းတောင် မသိသော မြင်းထိန်းသမားထံ တော်ဝင်မြင်းဖြူတော်ကို ပစ်စလက်ခပ် အပ်လိုက်သည်ကို တွေ့လိုက်ရတာမို့ ဖုန်းချင့်မျက်နှာကြီး မည်းပုတ်သွားတော့သည်။
YOU ARE READING
Strangest One That I've Never Seen Before
Historical Fiction{Both of unicode and zawgyi are available.} Unicode "အကုန်လုံးကို ပစ်ချထားခဲ့ပြီး ကိုယ်နဲ့အတူထွက်မပြေးချင်ဘူးလား ။" "ဘယ်လိုလုပ်ဖြစ်နိုင်မှာလဲ ။ ဒီတာဝန်ဝတ္တရားတွေက ကျွန်တော်တို့မွေးဖွားမလာခင်ကတည်းက ပုခုံးပေါ်မှာ တင်နေခဲ့ပြီးသားပဲ ။ အရှင့်သားကရော အဲလိ...
