الاذن تعشق قبل العين احياناً

بارت 11

ليث نام بالغرفه واني بالصاله انـہٰي و جهال مرت الايام و هو ما يقبل يحجي وياي وما يفوت البيت غير تالي الليل سبوع ورجع غيث و مرته ليث نبهني ما اكول الاحد غيث عرف اكو شي سئلني و كتله كلشي ماكو ضلينه كم يوم انام بنفس الغرفه انام ؏ جربايه هو ؏ كاع حسيت رفيف تعرف لان دائما تسمعني حجي بس ما اهتم الي بيه كافيني
مرت الايام و غيث شتره بيت و طلع و ضليت انـہٰي ؏ حالي مرت ايام و اشهر و سنوات صارلي سنتين احاول اثبت برائتي بس ماكو اي فائده
غيث صار عنده بنيه عمرها سنه سماهه اسيل كلش حلوه
صار عمر رداد 3 سنوات
وجنى صارت 5 سنوات دخلت روضه صارلها شهرين كاعدين اني وياهه ادرسهه و ليث يلاعب اسد ( طبعًا رجعنا عقدنه لان حرام نعيش نفس المكان و احنه منفصلين وره شهر عقدنه  بـٌس منحجي وي بعض واني تعبت ابرر تالي عفته ما حجيت لان اكثر مـِن مره احلف ما صدك تالي كتله اذا اكتشفت اني بريئه ساعتهه تحلم اسامحك)
كاعدين و دخل علينه غيث حالته حاله وجهه اصفر و عصبي وشايل بنته اخذتهه منه وحطيته وي الجهال ورجعت عليهن
لكيتهم يحجون وحدهم بالصاله وشوي وطلعوا سويه بس الي لفتني نضره ليث الي قبل لا يطلع رجعو بليل وجوههم متتفسر ما اعرف شنو الموضوع واخاف اسئل غيث ضليت الوب ليث ما دخل للبيت ضل بالحديقه ايدخن وغيث دخل ومدنك وجهه ما يبارع بوجهي راح كعد بالصاله وحط راسه بين ايدي  خفت كلش لان الاثنين ضايجن تعبانين وتصفنون رحت ؏ ليث دا اشوفه شبي وصل ليمه تالي طلعت خفت لا يرزلني رجعت ؏ غيث وكعدت كباله ؏ تخم
ماريا 𐄛 غيث شبيكم شصاير فهموني
غيث ؛ عذريني خيتي كل الي صارلج بسببي
ماريا 𐄛 ما فهمت ع شنو تعتذر انتِ مناذيني بشي
غيث ؛ ماريا أنْـِيِ اعرف كلشي اعرف سالفه التلفون وكلشي وكله بسببي
ماريا 𐄛 غيث والله هالتلفون مو الي فهم اخوگ فدوه
غيث 𐄛 ادري والله ادري وليث هم يدري أنْـِيِ اسف
ماريا 𐄛 غيث راح اتخبلني انت شعليج ع شنو اسف
غيث𐄛 ماريا رفيف هي الي حطت التلفون بغرفتج وهي سبب كل المشاكل بهالبيت
ماريا بصدمه 𐄛 غيث انت شتحجي شلون عرفت
غيث 𐄛 الي حجه وي ليث بالتلفون هذا صدق اخوهه اليوم دخلت للبيت فجئه وسمعت اخوهه يهددهه وعرفت كلشي اتعارك ويااهه هي واخوهه واخذت البيت واجبت 
ماريا وعيونها اتصب دموع 𐄛 حسبي الله ونعم الوكيل
غيث 𐄛 أنْـِيِ اسف فوك كل هذا جبتلج بنتهه
ماريا  ؛ لا خويه لا تكول هيج أن شاء الله احطهه بعيوني لحد ما يتصلح الوضع وترجع امهه.
غيث 𐄛 امهه بـ؏ـد ما ترجع لو تنطبك السمه ؏ ارض
ماريا 𐄛 الله كريم ؏ـينـي راح احضرلك الغرفه مالتك كوم نام كله يتصلح
طلعت مـِن يم غيث ورحت ؏ جهال نايمين بغرفتهم حضرت غرفه غيث وحطيتله ملابس من اخو و رحت سبحت و حضرت ملابس ليث لان مـِن يرجع يسبح لبست شالي وطلعت شفت غيث راح الغرفته مديت راسي ليث مو بالحديقه ما اهتميت رجعت لغرفتي اخذت رفيف لان نايمه ؏ جربايه وطلعت حتى افرش بغرفه الجهال مثل كل يوم بـٌس اليوم أنْـِيِ ضيفه ؏ جهال وياي ضيف مديت الافراش ودخل ليث كال اريد احجي وياج تعالي
ماريا 𐄛 حضرت الحمام والفراش مفروش اذا تريد عشه بين ما تاسبح احضره
ليث 𐄛 ماريد زقنبوت اريدج انتِ
ماريا 𐄛 أنْـِيِ هنا خدامه مالك شي يمي
ليث𐄛 اسف
ماريا 𐄛 ؏ شنو ؏ الاهانه او ؏ سب والضرب لو ؏ تهمه الخيانه الي لبستوني اياهه لو ؏ طلكي شذكر ليث وع شنو اسامح
ليث 𐄛 أنْـِيِ غلطان واعترف بـٌس حطي نفسج مكاني ماريا أنْـِيِ اشوف تلفون بغرفه مرتي وبي رسائل تكسر الضهر
ماريا 𐄛 المفروض تعرف أنْـِيِ شنو المفروض تكعد اتفاهم وياي
ليث 𐄛 ياب بـ؏ـد صارت امشي الغرفته خل نحجي هناك
ماريا 𐄛 ليث سبق وكلت اذا اكتشفت أنْـِيِ مالي دخل مراح اسامحك لا تحاول
ليث 𐄛 سحبني مـِن ايدي للغرفه ولبنت بحضني دخلت للغرفه وكعدت ؏ جربايه ودموعي تجري وهو واكف يحجي ويعتذر