الاذن تعشق قبل العين احياناً

بارت ٥

عم ماريا: أم ماريا احنه انريد انحلهه صار بيها دم ورمي الحل الوحيد نمشي هالزواج
أم ماريا:شلون راح تزوجهم انتو بينكم مشاكل
عم ماريا:بنتج اتروح فصليه وهي اصلاً على ذمه الولد وينتهي كلشي
أم ماريا:وانتو تحلون مشاكلكم وبنتي اتروح خدامه
عم ماريا؛هي جنتهم اصلا مراح يعتبروهه خدامه
أم ماريا:والله ما اخلي بنتي تعيش خدامه واحنه ممحتاجيكم توقعت جايين تشوفونه اسئلون بس اضاهر جايين مصلحه
عم ماريا؛لبنيه بنتنه حضريها الخميس لجاي ياخذوهه
أم لينا: حرام عليكم انتو ماعدكم رحمه انتو مو اهل
ماريا:طلع عمي هوو ولود وعاف امي تبجي وتون جان يوم ثلاثاء يعني بعد يومين للخميس ماعرف الي ديحجو صدك او لا ضليت خايفه

ضليت بقلق هال اايومين من حجي عمي ستسلمت للامر وكعدت ويه امي ومر اليوم ب ٧ بليل خابر ليث

ليث:هلا حبي شلونج
ماريا:تمام
ليث:شبيج وصلج الخبر
ماريا:اي خبر
ليث:راح اخذج
ماريا:فصليه قصدك اي عرفت بس متوقعت توافق
ليث :طبعن اوافق اريدچ واريد احلها
ماريا:ما اريد اصير فصليه خدامه
ليث:حبيبي راح تجين يمي وتنتهي المشاكل يا خدامه شبيج
ماريا: بس راح اجيك فصليه
ليث:شبيج ماري انتي مو مرتي فصليه شنو احنه راح نتزوج بدون عرس وبس هم حتى يرضون غرورهم كالو فصليه
ماريا:راح اجي فصليه يعني خدامه يعني وجودي وعدمه واحد واصلاً محد راح يعترف بيه
ليث:ليش اني وين رحت حتى ايصير كل هذا اني سندج مراح اخلي احد اياذيج ماري يا روحي لا تعارضين وافقي ترى مراح اكدر اخذج بغير طريقه
ماريا :بس يا عيني هالشي معنى بعد ماكو أهلي
ليث:اهلج لكل الأوضاع ماكو وامج اني اخليج اشوفيهه وترى احنه كعدتنه يم أهلي ممطوله هي فتره اخذج انتي وغيث ونطلع
ماريا: ليش شصاير
ليث؛مصاير شي بس لبيت باسم امي يعني احنه مالنه حصه بي بس الولدهه اني وغيث ولد ضرتهه فهمتي
ماريا:ايي صح الله يسهلك
ليث:هسه شقررتي
ماريا:شقرر يعني انتو مقررين حروح احضر نفسي
ليث:يلا اخذي راحتج ما اعطلج
ماريا:تصبح على خير
ليث:وانت بخير انشالله باجر بحضني
ماريا:الله كريم

سديت الخط شويه ارتاحين من حجيه حضرت نفسي وملابسي وكلشي جهازي ذهبي كلشي احتاجه لجنطتين وحضرت جنطه امي رحت للصالون قريب من بيتنه رتبت وجهي رجعت للبيت نمت ثاني يوم كعدت ملحكت اتريك اكلت لكمه وكمت حضرت اغراضنه ولبسنه شوي واجه محمد اخذنه ضلينه عد بيت عمي ل ٤ لعصر اجو حتى ياخذوني اجت سيارات ثنين بيهن شيوخ وسياره لثالثه مال ليث واكف بعيد عن لبيت شافو لولد ودخلو ودعت أهلي شويه وطلعت لكيت الشيوخ رايحه وليث ايصعد بالجنط سلمت على ولد عمي محمد وعلي وصعد سياره طول الطريق دموعي منشفت وهو خلاني على راحتي محجه شي وصلنه بيت جبير كلشي شفت شيوخ الي ويانه نزلت
ماريا:ننزل
ليث:لا خلي يفوتون وادخل السياره

ليث(راح اخذ لقلم شويه من ماريتي اني اسمي ليث عمري ٢٩ سنه متزوج ومرتي توفت بالولاده عندي طفله عمرهه سنه بعد وفاء مرتي لحو أهلي عليه حتى اتزوج بس اني مجنت رايد لان زواجي الاول كرهني بهالشي مجنت متفاهم وي مرتي المهم من شفت ماريا حبيتهه وعقلي قفل عليها خطبتهه وكلشي تمام بس بعد المشكله الي صارت فقدت الامل انوواكدر ازوجهه بس من كالو ياخذوهه فصليه رجعلي امل صح هيه مقابله بس من تجي عندي اعوضهه عن كلشي وراح تقبل جنت اريد اطلع بيت وحدنه بس شوي ضروفي مسمحتي بسبب مشاكل آخر فتره اليوم جبتهه للبيت طول طريق تبجي ما كدرت اسكتهه عفتهه خلي احجيلكم على عائلتي ابوي متزوج٢ وحده أم صلاح الثانيه امي اني وغيث بينه ٥ سنوات امي توفت وبعد وفاتهه ابويه شاف انو هو ضلم أم صلاح بزواجه عليهه كتب كل املاكه بسمهه من يومهه واحنه مالنه شي باملاك ابويه اقصد اني وغيث لهذا اني بنت نفسي بنفسي جمعت ثروه لفسي ولاخويه تخرجت من كليه الهندسه بس ماكو تعيين فتحت شركه سيارات استيراد اخويه يدرس تجاره بس يخلص يجي وياي
صلاح أبو حسين عنده بنيه ربم ولد اسمه حسين مزوج بنت خالته داليه وامي وابويه وغيث هاي عائلتي)

ماريا:دخلنه لبيت فوتني للكراج كلي دخلي رايح للمضيف وصه الحارس ايصعد جنط لغرفه فتت للبيت لكيت أم صلاح كاعده ويمهه جنتهه أم حسين دخلت عليهم
ماريا:سلام عليكم
أم صلاح :هلا يمه نورتي بيتج بنيتي بالمبارك شلونج يمه تعالي كعدي يمي
أم حسين:هلا بالجنه الجديده
ماريا: الحمدالله كعدت يمهه وام حسين طلعت للمطبخ احنه كاعدين بغرفه الكعده مال عائله بيها شباك عالمطبخ اسمعهه اتكول اجت الخدامه راح اترتاحن من شغل شويه واجن سلمن عليه ريم وداليا ودخل ابو حسبن
ابو حسين :ها يا بنت لشيوخ اشوفج اجيتي فصليه
ماريا : دنكت راسي ومحجيت شي امه كالتله عوفهه عيب ضحك وطلع
صاحت ل داليه تصعدني لغرفتي لغرفتج ارتاحي صعدوني الغرفه عباره عن صاله وحمام وغرفتين وحده صغيره مسويهه لجنى الثانيه سويد جبير غرفه وحمام النه شكلهه كلش حلو واسعه وضويه
واكو غرفه بصف شقتنه ل غيث مدخلت عليه داليه كلتلي ماته بس وصتني انضفه واعزلهه

بدلت ملابسي وكعدت بصف جربايه حطيت راسي بين رجليه وبجيت لحد مغفيت حسيت على لباب نفتح بس ما عندي حيل اكوم ضليت على حالي اجه كعد يمي واخنني لحضنه
ليث:شبيج
ماريا :ساكته
ليث: شبيج يروحي
ماربا:ولا شي بس تعبانه
ليث :كومي نامي

صعدت عل جربايه نمت بحضنه راسي دافنته بصدره احسس هموم الدنيا راحت هنا ضليت نايمه لحد ساعه ٨ بليل صافنه على وجهه ملامحه عيونه لحيته كشي بي اندكت لباب سحبت نفسي منه وكمت لكيت داليا وبيدهه جنه كالت اخذيهه يمج تعبتنه ونطتني اغراضهه فتت حطيتهه بصف ليث رحت ادور حفاضه ضليت احوس بالغرفه لحد مكعد لكيته حاطه على صدره وغافيه كتله
ماريا: اريد حفاضه مجاي الكي
ليث:لغرفه الثانيه مالتهه وهذاك المجر الفوك يمكن بي اغراضهه
لكيت وحفاصات ومعطرات
كتله استحي اطلع اروح للغرفه
ليث؛ ترى محد ايفوت شقتنه شفتي شلون عد باب الخارجي ايدكو ممنوع احد يدخل حتى غيث من جنت وحدي ميفوت
ماريا : ماشي رحت خضرت ملابس سبحتهه وبدلتلهه وحطيتهه بحضنه وضليت اعزل بالغرفه واحط اغراضي سمعت صوت ام حسين
ام حسين:يالجنه تعالي انسوي عشه

ماريا؛هاي عليه
ليث:ايي بس عوفهه لا تنزلين
ماربا:ميصير راح انزل انت اتنام لو تنزل
ليث:لا اتعشه واطلع
ماريا؛اتريد شي
ليث:لا حبيبي سلامتج

اخذت جنه ونزلت اني وياهه خليتهه يم عمتي ورحت اشتغل سوينه عشه والكل كعد عالكل اني ضليت انزل واصب اكل
ام صلاح :يمه ماريا تعالي تعشي
بعدني مراده عليهه صاح ابنهه
ابو حسين :الفصليه متكعد ويانه نفس الصفره
غيث:خويه لبنيه صارت وحده منه ليش هيج اتكول
ابو حسين؛انت بالذات لا تدخل وانتي ديري بالج اشوفج كاعده ويانه
ماريا:ليث مجان موجود ولا ابو اني اخذت طفله بيدي وكفت بالمطبخ عالجاي لحد مخلصو غسلت مواعين ونضفنه لبيت اني ولبنات كعدت يمهن سويه حبابات بس امهم اويلي بعدين
ام صلاح : يمه اخذج ليث وين بياضج

............
للحكايه بقيه