ما بين المسامر وكت الصبح تشعل
والضحكة تلوك الذاك الوجهه
يايمة شلون انام واغمض العين
ويكلك شلون اعيون تكتل
وذاك الطول الحلو عقل براس ماخله
من اروح فدوا السمار اعيونه
ابو شوارب والطفلة
البارت الاول
مرحبا ...احم خلي احجيكم قصتي اليوم ويه ابو شوارب بس خلوني الاول اعرفكم على نفسي
اني اسمي حلا ادرس خامس علمي حلمي اطلع دكتورة لان ماما توفت بسبب مرض بالقلب بعد ماجابتني وبعد سنتين ماتت ومن وقته كبرت واني حلمي اصير دكتورة قلب اني موصفاتي كصيرونه يعني الي يشوفني يكول اني سادس بتدائي مو خامس علمي لان ناعمه كلش جسمي حلو منسق ويه طولي عيوني سود اكبار وجهي حنطاوي ملامح وجهي حلوة اكثر شي مميز بيه هو شعري لان شعري حيل طويل يوصل جوة رجلي بس ابد مافله كله اظفرة عطول بابا بالبداية ماقبل يزوج لان خاف علي من مرة الاب بابا كلش يحبني يموت علي اني كلش وكحة ماسكت الي يندك بيه اموته بيدي لان ماسمح لاحد يجاوز علي متعلمة اخذ حقي بيدي يمكن راح ادكولون علي اني وحدة وكحة وعيني صلفة بس اني ماعندي ام تأخذ حقي وبابا صح يحبني ومدللني وكلشي طلب بس موكلشي اكدر ادخله بأموري لهذا جنت اعتمد على نفسي اني بطبعي جتماعية واحب اسولف هواي واخذ بساع ميانة ويه الناس بابا طبعا من صار عمري خمس سنوات ياله ازوج خالتي الي هيه اخت امي طبية وحنونه حاولت تعووضني عن ماما الله يرحمه بس اني بطبعي اعنودية وراسي يابس وجنت كلش أتحسس لهذا مجنت اقبل اتقرب منها وخليت علاقتي بيها كخاله وبس ...
بيوم من الايام طلعت من البيت داروح للمدرسة جان اشوف سيارة نقل اثاث واكفة كبال البيت الي كبالنه وعمال يشولون اثاث ويطببونه للبيت اني اخذني الفضول طبعا نسيت اكلكم اني كلش فضولية واحب اعرف كلشي ضليت واكفة اباوع على العمال اشلون ينقلون الأثاث جوه البيت جانت واكفة جوارينه ام علي هاي ام علي مخبر المنطقة كلشي تعرف اول ماشفتها رحت عليها وسألتها : ام علي ام علي اكلج شنو الموضوع المن هذا الاثاث
وطبعا ام علي ماصدكت واحد يسألها وكتتهن كلهن وكالت: ذوله ناس جدد شترو هذا البيت من ابو عمار راح يسكنون هنا بس شنو ناس طاكة حيل زناكيل
حلا: صدك والله زين جم نفر هم عائلة جبيرة لو اصغيرة
ام علي: لا ولج بس وولد وامه سمعت الولد ظابط بالاستخبارات مامزوج وماعنده بس امه وسمعت امه مقعدة
حلا:يااا سودة علي خطية زين اكلج ام علي هاي منو يداريها لامه اذا هو يداوم عسكري
ام علي :والله مادري بس سمعت ام عمار كالت الولد طلب من ابو عمار يشوفله وحدة اداري امة من يروح لدوام وأبو عمار كايله ميخالف اني شوفتك وحدة امينة وثقة
حلا: وليش يدور عيني اني اعرف وحدة خوش مرة ونظيفة وامينة تنحط عالجرح يطيب وتخاف الله راح ادري امه وتخليها بعيونها
ام علي بتسغراب:مني ولج حلا ومنين تعرفيها
حلا:شبيج خالة ام علي معقولة معرفتيه ام غفران مرة ارملة وعده بنات اثنين تصرف عليهن خطية مااعدها احد بس هي وبناته وبناته صغار يعني حتلو تاخذهن وياهه للبيت مراح يأثرن عليهم لان صغار وهنه ماشاء الله عاقلات
ام علي: اي والله صدك كلامج بس هي بعد اصغيرة اشلون تروح يمهم ورجال بالبيت
حلا:هاي شبيج خاله مو توج كلتي ادراي امه من يروح لدوام وبعدين انتي موجودة البركة بيج تكدرين شوفينهم وتطمنين عليهم بين فترة وفترة
ام علي : اي صدك كلامج ولج والله طلعتي داهيه ياحلا لعد خل اروح لام عمار واحجي وياهه قبل لايلكون غير وحدة ويجبونها
حلا:اي عيني روحي واني هم اروح للمدرسة قبل لااتاخر
راحت حلا للمدرسة و شافت صديقاتها وسلمت عليهن وطبن للدرس وبعد ما خلص الدرس دك الجرس وكعدت البنات يسولفن وجان تحجي حلا بسرعة
جان صدك ماحجيتلجن
البنات :شكووو
حلا :جا غير كعدو ناس كبالنه نزل جديد
البنات:جذب منمه عدهم شباب حلوين
حلا: مادري بعدني مشايفه احد بيهم اليوم نقلوا الاثاث من ارجع اشوفهم عود بس سمعت الأم مقعدة
البنات: او خطية
خلصت المدرسة وكل وحدة رجعت لبيت وحلا هم رجعت للبييت ولأن حلا مدرسته قريبة تروح مشي وترجع مشي رجعت حلا للبيت اول ماطبت الفرع مالتهم باوعت بصدمة وكالت : لا مستحيل
أنت تقرأ
الطفلة وأبو شوارب
Romanceقصة عراقية تحجي عن ابنية طالبة برابع اعدادي يتيمة الام مدلله عند ابوها يحبها يموت عليها ومايرفض اله طلب راح تتعرف على ظابط بالشرطة ومن هنا راح تبدي قصتنه راح تكون بيها مواقف مضحكة ومواقف محزنة مواقف حب ومشاكل وكلشي وكلاشي😅 تابعوني...
