الطفلة وأبو شوارب

البارت الرابع

حرت بيك وبسوالفك جنني
عيونك الحلوه سبني 
.......واليل سهرني
عليك صالفة عين  شكثر دوخني
ومنين ماجيك  بغرورك  بايعني
وانت مثل وردة  بشوكه جرحتني
عليك العباس  كلي  شسوي وتحبني..

  أبو شوارب  والطفلة

فرح العكيدي

البارت الرابع

باوعت وراي وشفته واكف ويباوع علي كتله بصدمة: انت

باوع هو ورفع حاجبه وكال: شدسوين هنا

حلا بتوتر : اهاا ولاشي انطيني تلفوني

غسان: مانطي جنتي اسوين بيه رفعته واخذ يكلب بيه لكاها ماخذه صور لسيارة باوعلها وكال: شسوي صور سيارتي بتلفونج

حلا: عادي اخذت كم صوره شنو يعني ماسويت جريمة
غسان حب يخوفه : لا طبعا سويتي جريمة انتي اخذتي صور لسيارة مو الج وصاحبة يداوم ظابط بالجيش يعني يكدر هسه يقدم بلاغ ضدج بالاعتداء على ممتلكات الغير ويحبسوج بالسجن

حلا خافت وعيونه دمعت: شنوو سجن بلاغ لالا حباب والله موقصدي شي اني حبيت سيارتك وردت اخذ وياه صوره مواكثر

غسان: شنو الي يثبت كلامج عندج دليل

حلا:دليل مثل شنو يعني

غسان: اذا ماعندج دليل معناه راح امسح الصور من التلفون

حلا : هاا لالا حباب لاتمسحهن شتريد اسوي بس حباب لاتمسحهن

غسان هو يدنج عليه ويبتسم بخبث : اي شيء اي شي
حلا وكأنها فهمت عليه وصاحت بيه:عيني اوكف عندك وين راح بالك انت لاعبالك اني من ذني البنات لاحبيبي اني حلا اذا متعرفني روح اسأل عني اكبر واحد ميكدر يخليني اسوي شي ماريده شنو مكان السبب واذا عصور اخذهن وشبع بيهن اذا تريد تروح تسجني روح اني اشهد وياك تهي بهي عباله اخاف وانكسر لابابا اني حلا تعرف شنو حلا اذا متعرف روح اسال المنطقة علي ويكلولك مني حلا

غسان هو رافع حاجبه وصافن عليه هي وتحجي : لج انتي شنو هذا السانج لو ماكنه مال خياطة صدك انتي وحدة صلفة ماتخافين لسانح ضبي لاكصه الج وبعد ياني وياج اشوفج واكفه يم السيارة اولمحج سمعتي وهاج هذا تلفونج وللصور مسحتهن يله من كدامي انوب علي الزعاطيط وخله طب للبيت

حلا بصوت عالي: زعاطيط بعينك انت الطويل زيادة جنك نخله مال تمر وعافته طلعت تركض للبيت طبت للبيت وسلمت على اخوتها بوستهم وصعدت بدلت ملابسه ونزلت لكت ابعده مجاي كعدت تلعب ويه اخوتها لاحد ماجه ابوه وكعدوا اتغدو سوه وبعده صعدت لغرفته تدرس بس ماكدرت تدرس وهي تفكر بابو شوارب الغثيث كامت وتطلعت للبلكونه شافت السيارة وهي تفكر شلون تنتقم من ابو شوارب وضلت رايحه راده رايحه راده وهي تفكر ورجعت صفنت عالسيارة وبتسمت ابتسامة خبيثة وكالت : لكيته
ورجعت تقره دروسها ....

ثاني يوم الصبح كعدت وهي كله نشاط بدلت ملابسه ومشطت شعره وضفرته ولفته على شكل دوائر من الجهه اليمنى وحدة من الجهه اليسرى طلع شكله صدك عبالك بسادس بتدائي نزلت جوه وهي تضحك شافه ابوها وابتسم اله باوسته وكالت: صباح الخير يا احلى بابا بدنيا
الاب:صباح الخير باباتي
كعدت حلا وتريكت وبوست اخوتهاودعتهم طلعت من البيت و شافت ابو شوارب واكف يم السيارة باوعت عليه بنظرة غرور وهو خزره خزرة خافت منه وطلعت تركض وكالت : اووف مكدرت انفذ خطتي يلا من ارجع انفذها اني الك ابو شوارب وطلعت للمدرسة قابلت صديقاتها وسلمت عليهن وطبت للدرس وطول الدرس هي صافنه وبكلبها تتوعد لأبو شوارب وتفكر اشلون تنتقم منه دك الجرس وكله طلعت للفرصة كعدن البنات وحجت رقيه : اهاا حلا وين الصور

حلا بضوجه: ماكو صور

الينات: شلووون ليش

حلا: هذا ابو شوارب صاحب السيارة لكني واني اخذ الصور واخذ التلفون ومسحهن كلهن وهددني ماتقرب من السيارة مرة ثانية

رقيه: جذب يعني خسرتي الرهان وغدانه عليج سبووع كامل

حلا: شنووو لاحببتي ماتفقنه اسبوع كلتن اغديجن مو سبوع ولج رقيه جاي تنصبين علي والله اجي اسحلج من شعرج بالمدرسة سحل مو حلا الي ينصب عليه سمعتي

رقيه: وهوب هوب شبيج كلتيني وشربتني وبعدين تعالي راح اتعوفين هذا ابو سيارة مراح تاخذين حقج منه لان خسرج الرهان

حلا: لا حببتي مو حلا الي تعوف حقها انتظرن وشوفن شراح اسوي بيه اذا ماخليه يفر براسه ويصير مخبل ماكوون حلا