الطفلة وأبو شوارب

البارت الخامس

جسر ونبنى بينه 
وشوف ياهو اليعبر لاول
اني ....لو.... انت

هي الزهرة  من تحتاج ماي
ياهو الي رويه
صدك  وخلي الدنيا كله تصدك وياك
وخليني اكتب شعر بعيونك برواي
خليني اكتب أعلى صدري اسمك
وكلما احن وشتاك اعاين اعليك بالمراي

الطفلة وأبو شوارب

فرح العكيدي

البارت الخامس

مر اسبوعين واني مشوفته ولهذا ابو شوارب  نجوم الضهر  جنت كل يوم اسوي بيه مقلب  وخليته يفر بذانه اي مو حلا الي تسكت على حقه جنت مرة اذب  حصو عالسيارة  ومرة ادز الجهال بكمزون عالسيارة  لا حد مايطلع هو يحودهم  ومرة إذب طين  وترسه ترس  وخليه هو يكعد ساعة ينظف بيه واني جنت اختل واضحك عليع واني اصوره  مره جبت جقاصه  وكمت أشمر حصو على البيت لو انطي الجهال حلويات
واخليهم  يدكون الجرس ويشردون  ولأن ماكو احد بالبيت بس هو  جان هو يطلع يضل يحجي ويباوع يشوف ماكو احد يرجع يطب جنت كلما اسوي مقلب بيه جنت اخذها صور  بالتلفون مرة من المرات رجعت من الدوام لكيت سيارته  بره ماكو احد جان عندي بالجنطة صبغ ماجك وفجأة اجت فكرة براسي وكلت لازم انفذها ضحكت بشر واني اتقرب من السيارة كعدت اكباله وحجيت وياهه: اسفه حببتي اعرف راح اسوي شي محلو  بيج بس لازم اسوي حتى ااخذ حقي من صاحبج  الغثيث  ذاك
طلعت  الصبغ وكاعدة  اشخبط عالسيارة مالته وكعدت اكتب وارسم عالسيارة  بحيث صارت كله الوان  وشخابيط وره ماخلصت واني مكيفة وكأني مسوية قد انجاز عظيم  كعدت اصور السيارة بالتلفون وبين ماجنت اخذ صور ماحسيت الا وفجأة انسحب التلفون مني ندرايت لكيته هو واكف وكامش التلفون يباوع علي يمه بوقته ماكلكم متت من الخوف كمت ابلع بريجي  نظراته جانن يخوفن  كلت : لالا رحتي بيه ياحلا شراح يخلصج من ابو شوارب
غسان  رجعت من الدوام جنت كلش تعبان  طبيت الأمس سلمت عليه وبست راسه  كتله: الله يساعدج يمه  شلونج
ام غسان: هلا يمه هلا  يابو طول الحلو  طمني عنك انت شلونك يمه  
غسان: الحمدالله يمه زين انتي شلونج اخذتي علاجج  اتغديتي
ام غسان: اي يمه  تغديت واخذت علاجي عذراء الله يوفقه  ماعافتني لاحد ماتغديت وواخذت العلاج  وبعده اخذت البنات وراحت 

غسان:  الله يوفقه ياارب زين يمه محتاجه شي ناقصج شي
ام غسان: اي يمه  العلاج مالي مال الضغط خلص   واريد جيبلي واحد جديد
غسان: من عيوني يمه هسه اكوم اجيبه قبل لاتعزل الصيدلية
ام غسان: الله يرضه عليك اوليدي ويبعثلك بنت الحلال الي تسعدك  ياارب ....
ابتسمت وطلعت من للبيت محتاجيت السيارة لان الصيدلية قريبة علينه رحت جبت العلاج ورجعت  من رجعت نصدمت بلي شفته  ....

شفت هاي الابنية نفسها الي قبل اسبوعين  لكفته تاخذ صور ويه سيارتي لكيته كاعدة وشخبط على سيارتي  بألوان وبعدين كامت وتريد تاخذ صورة لسيارة جنت واكف وراهه رأسن سحبت التلفون من عدها وكتله  " شدسوين

ندارت علي ونصدمت من شافتني حسيت بيها خافت كلت استغل خوفها وكملت: سألتج شسؤال شنو هذا 
باوعتله كامت تمتم  بحجيه وكالت: ماماسويت شي 
اتقربت منها  وكتلها: ماسويتي شي  وشنو هذا حجيت واني أشر على سيارتي الي صارت قوس قزح هي باوعت عالسيارة ورجعت باوعت علي  : مامادري  اني ..اني شعلي 

اشرت عالتلفون وكتله: وشنو هذا لعد  
رادت تاخذه مني مخليته  فتحت الاستوديو وضليت اكلب  بالصور والفديوات شفته ماخذه صور  الي وفديوات  مقالب مسويهن جهال المنطقة وشغلات هواي رفعت حاجب واني اباوع عليه وكتله: هذا شنو هم متعرفين لج انتي شنو مدكليلي يعني شسوي وياج تدرين لو ما انتي طفلة ماريد اسوي شي بجاهل مثلج جان الي تصرف ثاني وياج
باوعتله صارت عصبيه  وهي تحجي: هي هي شنو جاهل بعينك اني خامس اعدادي تعرف شنو خامس اعدادي  يعني عمري  16 سنه باوعتلي ستهزاء كال جهال كال
باوعتله بصدمة لك هاي شنو صدك عينه صلفة صدك لو كال المثل فوك شينه عين كواه
كمشته من زنده وكتله: انتي خامس اعدادي لج انتي شايفة نفسج بالمرايا اكلج على بعضج ماتوصلين زري  انوب ادكولين خامس اعدادي وبعدين مو هذا موضوعي اريد اعرف ليش هيج سويتي بسيارتي 
حلا  ...باوعتله  واني افكر بجذبة حتى اطلع من هاي المصيبة الي خليت نفسي بيها   : شبيك كتلك اني معلي مامسوية شي
غسان: هذا يعني عساس اني ماشفتج بعيني وانتي شخبطين عالسيارة 
حلا بعناد: اي اني سويت هيج شتريد اسوي يعني
ضجت حيل شكد عنوديه وعينها صلفة كمشتها من زندها  : يعني تعترفين  انتي الي شخبطتي عالسيارة  ليش ليش هيج سويتي هااا
نترتني بقوه  وكفت كباالي  وهي تباوع بعيوني  شكد عجبتني قوتها  :  عمود ارجع حقي منك تذكر يوم اخذت التلفون مني  ومسحت صوري وخليتني اخسر الرهان ويه صديقاتي وصارت مصروفي كله  عليهن  دارجع حقي وبس
باوعت عليه صفنت  هاي شتحجي  يعني معقولة كل هذا بس لان مسحت الصور من جهازه هاي كل عقله تحجي   : كل هذا عمود مسحت صور مو من حقج  لج صدك انتي وحدة جاهلة
باوع الي ببعصبية: كتلك اني مو جاهل  اني عمري 16 سنة 
باوعت عليه  واني اضحك ضحكت مات من الضحك على تصرفاتها  نستني عصبيتي باوعتلها لكيتها  ضايجها وعصبية  كتلها :  تلفونج راح يضل يمي  لاحد مافكر بطريقه  اعاقبج بيه على الي سويتي  وسيارتي  مثل ماشخبطتيه  راح تغسليها  بنفسج  سمعتي
حلا: : واذا مانفذت  حجيك شسوي  قابل
ابتسمت اله  بستفزاز  ؛ ااابد ماسوي شي بس راح اروح لهلج  وشوفهم الصور والفديوات  وبعده ألقي القبض عليج  بتهمته انتهاك  الممتلكات  الخاصة واذبج  بالسجن  شنو رايج 
حلا ...بلعت ريجي  وحسيت بالخوف  من حجيه  اني ميهمني حتى لو راح وكال البابا  بس من جاب طاري السجن  خفت: هو يعني ممكن يسجنوني  بسبب  مقلب  اصغير
غسان..شفته وهي تبالع بريجه حسيت بخوفها والأكثر كلامها بداخلي اني ميت ضحك بس حجيت بجديه وكتله: مو بس هيج  انتي تدرين شيسون بالسجن الج
حلا خفت ماتت رعب والله من حجيه  : شيسون
غسان....شفته ماتت من الخوف انقهرت عليه  بس كملت  كتله:  راح يحبسوج بغرفة صغير وضلمه ويعوفوج وحدج وكل ٣ ايام  ينطوج  وجبه وحدة بس مو بس هذا راح يعذبوج  تعذيب  مصاير  ...
حلا  هو جان يحجي  واني تتخايل نفسي محبوسة بدون اكل يعذبوني  صرخت بصوت عالي : لالا عفيه  اني مستعدة كلشي اسويلك بس لاتسجني  عفيه حباب والله بعد ماسويه  بس لاتحبسني 
غسان... شفته وهي تتوصل ودمعتها  بطارف عينه  قهرتني حيل  كتله: امممممم  افكر عود بالموضوع  وهسه  اسمعي كلامي  ولاضوجني ونفذي الي اطلبه منج  تمام 
حلا: تمام  تمام   
غسان: يلا هسه ترحين مثل الشاطرة  تنضفين  السيارة  مثل ماوسختيها وبعدين نفكر بموضوع  الصور والتلفون  يلا كدامي ...