شكد شايف اعيون مثل
اعيونك ماشفت برضاه
جن سهام وصابني بنص الكلب
ياعطرك الي خذ روحي وياه
يانفس روحي لهواه
ياعين غمضي ولاتباوعين
خليني بس اشوفنه وماريدن سواهفرح العكيدي
ابو شوارب والطفلة
البارت الثاني
بعد مادخلت حلا الفرع وكفت فجأة مصدومة وكالت : لا مستحيل مداصدك معقولة الي داشوفه كدام عيني لالا اني جاي احلم اكيد وجان تكمل مشي داخل الفرع مالتهم وتباوع عيونه تلمع وكلها فرحه وهي تضحك وجان ادكول: يعني انتي حقيقية مو حلم مداصدك اعيوني انتي كدامي واكدر اكمشج وجان تتلمس وهي مكيفه وفرحانه وج عيني تدرين شكد مشتاقة اشوفج واحجي وياج اوويلي يمه كلبي راح يوكف مجاي اتحمل انتي كدامي ولج هذا اذا احلم واتمنى اما اكعد منه تعالي خلي اخذ صوره وياج اشوفه باجر للبنات اغورهن شوي وتوه جاي تاخذ صورة وجان تسمع صوت فززها
ام علي شافتها تحجي ويه نفسها وجان ادكول : يااا هذه شبيها تحجي ويه نفسها بسلا تخبلت البنيه خلي اروح اشوفها
راحت عليه وصاحت: ولج حلا شبيج يمه تحجين ويه نفسج اتخبلتي خمه تخبلتي
فزت حلا وكامت على حيلها: هلا خالة لا مابيه شي شبيه قابل اسم الله علي بيش طالبتني اروح لبيت احسلي مع السلامة وعافتها ومشت
ام علي ضلت صافنه: والله البنية تخبلت الله يستر على بناتنه
رجعت حلا للبيت وصاحت بصوت عالي : انييييي جييييييت
طلعو اطفال اثنين بعمر الخمس سنوات وهم يصيحون : حلاااااا جتييي حلاااااا جتيييي وراحو حضنوها وهي هم حضنتهم : يمه فديت حبابيب كلبي شلونكم ولكم مشتاقتلكم مووت اويلي يمه شنو هالجمال ولكم بس كولوليلي علمن طالعين هيج حلوين اكيد طالعين علي قابل على منو اطلعون فديت نفسي انيالجهال يضحكون : حلا جبتينه نستلا وكاكو
حلا: اي جبتلكم احلى نستلا وكاكو وجان اطلع من الجنطة نستلة ونطتها الهم
:وهاي النستله لحبيبي لحسن
وطلعت الكاكو وهذا الكاوكو الكبد مالي حسين
حسن وحسين اخذت الحلويات وباوستهم وطلعوا يركضون جوه وهم مكيفين طبت حلا وسلمت على خالتها :شلونج خالهخالته: هلا خالة اكيد جوعانه روحي غيري ملابسج على مااحضر الغده
حلا:بابا اجه
خالته:لا بعد شوي يوصل
حلا:زين لعد اروح ابدل وانزل صعدت حلا بدلت ملابسه ونزلت لكت ابوه جاي ركضت عليه وهي تحضنه واصيح:باباتي حبيبي الحمدالله على سلامتك
ضحك ابوها وكال:هلا هلا بدلوعتي شلونج بابا اتغديتي لو بعدج
حلا:لابابا كلت انتظرك نتغده سوه
الاب:يله لعد بابا خلي نتغده لان كلش جوعانحلا:افاا ياباتي يخسى الجوع اذا يخليك جوعان يله تعال ناكل سوه
خلصت حلا الغده وصعدت لغرفتها بعد استأذنت ابوها وعمود تقرأ دروسها وضلت تدرس وبعدها نامت وماكعدت للمغرب نزلت جوه لكت خالتها تحضر العشه وكفت يمها اساعدها وبعد ماخلصو صبت الاكل وكعدو يتعشون سوه وبعدها غسلت الماوعين وراها ضلت تلعب ويه اخوتها لاحد ما تعبت وراحت نامت .......كعدت ثاني يوم الصبح بدلت ملابس المدرسة ونزلت جوه تريكت وسلمت على ابوها وخالتها وبوست اخوتها طلعت للمدرسة اول ما طلعت من البيت شافتها ابتسمت وراحت عليه وكالت: صباح الخير حببتي شلونج تدرين البارحة حلمت بيج جان احلى حلم احلمه بحياتي ان شاء الله يتحقق كولي امين
وبين ما جانت حلا تحجي حست فجأة بشخص واكف وراها فزت بسرعة وجان اشوف واحد ضخم لابس كله اسود وشعره اسود ثغين وشواربه هم ثغينه .وجانت نظراته تخوف هو يباوع عليه كمزت وكالت:بسم الله الرحمن الرحيم انت منين طلعت
باوع عليه الشخص باستغراب وكال بصوته الخشن:انتي منو شسوين كدام سيارتي
حلا فكت حلكها وكالت:هاا هاي سيارتك وهي تأشر على السيارة الي جانت وكفه يمها وتحجي وياه
جان يكله:اي سيارتي يله وخري منا طبعا حجاهه بنتره وغضب
ضاجت حلا من سلوبه :يله عيني اتفضل قابل شسوينه الها هي سيارة والله يالله و شايف نفسه فوكاهه صدك واحد مغرور وضلت ادردم
هو طبعا حيل صار عصبي وجان يصيح بيه:ضبي لسانج لاكصه الج
حلا:لا والله خوفتني تهي بهي نوب علي ابو شوارب خل اروح احسلي ماعندي وقت اضيعه وياك وعافته ومشت
هو ضل صافن على هاي الابنيه ام السان هذا السان لو شنو بعد بكد القنينة وهيج لسانه من تكبر شسوي: بله هاي شحجي وياهه طفلة ولسانه شطوله
جان يركب السيارة ويطلع بسرعة من الفرع هي شافته يطلع بالسيارة بسرعة ضاجت وجان اضل ادردم لاحد ماوصلت المدرسة........
أنت تقرأ
الطفلة وأبو شوارب
Romanceقصة عراقية تحجي عن ابنية طالبة برابع اعدادي يتيمة الام مدلله عند ابوها يحبها يموت عليها ومايرفض اله طلب راح تتعرف على ظابط بالشرطة ومن هنا راح تبدي قصتنه راح تكون بيها مواقف مضحكة ومواقف محزنة مواقف حب ومشاكل وكلشي وكلاشي😅 تابعوني...