عشيرة الاغا امير

الحلقة 1

طفلة صغيرة عمرها 10 سنين قاعدة تلعب في جنينة قصرهم  هي وولاد عمها ( منبعد نتعرفوا عليهم) وامها ومرت عمها وعمتها قاعدين يشربو فالقهوة  ومقابلين ولادهم وفرحانين بيهم
بعد مدة دخل ولد عمها لي عمرو 17 سنة اول ما شافاتو راحت تجري ترمات في حضنو لانو هو اقرب واحد ليها واكثر واحد تحبو خاصة كي يعيطلها صغرونتي
امير:... صغرونتي توحشتك
اسيل:..متهدرش معايا
امير:...هههه 😂 وجبدلها شوكولا 🍫وهي عينيها ولاو ڨلوبة 😍 دات من عندو شوكولا وباساتو من  خدو
اسيل:.. نحبك اميري
امير:.. صغرونتي انت
راحت تاكل فالشوكولا وهو راح عند ولد عمو اسامة لي اصغر منو بشهرين ويتفرج فيها وفي تصرفاتها الطفولية فيقو من سرحتو اسامة 
اسامة:.. هههه طحتي في طفلة عمرها 10 سنين متعرف والوو من الدنيا
امير:...عشقتها من النهار لي ولدت فيه وحلفت ما تكون كان ليا وملكي
اسامة:...مهوووس
امير:...بيها وخزر فيه ونص عين 😒 وهدر ونتا واش مدخلك نحبها نعشقها اصلا ليووم رحت لليسي صحبتك نهار كامل تسقسي عليك

اسامة:...بففف لسقة الطفلة هذيك
امير:..  هههه واحد ما قالك خرج معاها
اسامة:..حبيت نفوت لوقت
امير:.. ياخي حصلت
اسامة:...هههه متخافش نتخلص منها وانت واش درتي معا لينا
امير:...متفكرنيش محبتش تفهم بلي منحبهاش وتضل تدور بيا
اسامة:...ملا باغي نقوللك انو جدي عارض عشيرة بن مالك للعشاء وهي راهي حفيدتهم
امير:...متفكرنيش
اسيل:..اميرييي
امير:.. يا روح اميرك
اسامة:..راني مونك حنانة
امير:...بلع واش بيك يا روحي وواش بيها حالتك بشوكولا
اسيل:..هيا اغسلي
امير:...طلباتك اوامر
راح غسللها وهي راحت تراجع دروسها وهو طلع يرقد

يتبع...