لبسوه لبس الأشعه بعد ما شالوا ساعته وخاتمه عشان ما تاثر وخلوه يتمدد عشان يبدون.
واكس: خذ نفس الموضوع ما بيطول وانا معك اتفقنا؟.
ماجد وهو ياخذ نفس: أتفقنا.
بدت الأصوات المزعجه تعلى وتكلم ماجد: ما توقعت تكون كذا مرعبه...
واكس: فالبدايه إي بعدين تعودت عليها.
ماجد: سويتيها من قبل؟
واكس: عد وأغلط، كان عندي برست كانسر واشعه لين تطلع روحك.
ماجد بخوف: بس انا مو زيك صح!
واكس وهو يطمنه: طبعا! الفحص اللي سويته لك مبدئيا يوضح انه ورم حميد ، لكن لازم أتأكد.
لف الممرض وطالع بواكس: انت دكتور؟
ماجد وهو يتهرب من الاصوات: اي لكن دوامها برا السعوديه.
واكس: ويفترض باجازه بعد.
ابتسم ماجد : اسفين دكتوره وجده تعبناك باجازتك.
ضحك واكس: تمون، كيف تحس الحين؟
ماجد: الخوف موجود لكن خف شوي.
واكس: ما بقى كثير.
سكتوا شوي وقال ماجد: وجد عندي سؤال.
واكس: تقضل.
ماجد : كيف تعرف انك تحب.
ضحك واكس ورد ماجد : اسف بديت اعاملك كثيربست.
واكس : ضحكت لان اللي تحبها سالتني نفس السوال.
ماجد بصدمه: ايش!!
واكس : لا تتحرك من الحماس، سالتني نفس سوالك وقلت لها الوقت يثبت، وعارف اش سبب الجفا اللي صار بينكم.
ماجد بهدوء: خفت.... من لما زاد الألم وانا خايف عشت افكار سودا وما حبيت تشاركها معي.
واكس بتفهم: اسال مجرب وطبيب بعد، انك تحارب شي مثل هذا وحدك عذاب نفسي لك.
ماجد : اثر عليك؟
واكس: وجد قبل الكانسر مو وجد اللي بعده، يخليك تفكر بنظره اوسع.
سكت ماجد وكمل واكس: اعيد واكرر حالتك تختلف عني بالنسبه لك بتنبسط وتقدر قيمه كل ثانيه بالحياه.
ماجد بابتسامه: ليش ذا الفرق طيب؟
واكس بهدوء: لان اللي تحبها بتكون حولك ومعك و بتعوض كل لحظه قضيتها بعيد عنها.
