فتح عيونه ع رساله بجواله وقام بسرعه من مكانه وهو يلبس.
نزل من الدرج وكانت بوجهه.
هدى بارتباك: كيف حالك؟
ماجد بإبتسامه بارده: حمدالله.
سكتت هدى وطلعت الدرج وهي تتمنى انها ما سالته بينما ماجد طلع بسرعه يدور واكس برا لين لقاه قاعد بعيد ومعه لابتوبه.
نزل واكس جواله وهو يدخن: اجلس مافيه شي سيء .
ارتاح ماجد وجلس جنبه ووراه الاشعه: شايف الكتله اللي هنا؟ هذا هو الورم شكلها حمدالله منتظم ومو منتشره بمكان اخر مما يدل انه ورم حميد ويمديك تشيله.
تنهد ماجد براحه : حمدالله، الله يطمنك.
واكس وهو ينفث سقارته: مشكلتك بعد العمليه بحتاج علاج مكثف طبيعي عشان ما تفقد قدرتك الكامله بيدك.
عقد حواجبه ماجد: كيف يعني؟
واكس: هالورم من يومك صغير وهو فيك وجسمك نوعا ما تعود عايها لكن وانت تكبر ومع زياده حجم العضلات صارت تسبب ضغط بالتالي بديت تحس بالم فاذا شلتها بيصير مكانها مجوف لذا حتى بتطول شوي بالعلاج الطبيعي.
ماجد : وما بترجع صح؟
واكس بثقه: لا تقدر تشيل هالفكره من راسك، حاليا قرارك تشيلها وتتحمل العلاج الطبيعي او تصبر.
ماجد بعد تفكير طالع بواكس: اش رأيك انتي؟
واكس: لو هي فيني بشيلها لان فيه خطر يتطور لخبيث ولو انها نسبه بسيطه لكن وقتها بيكون علاجها صعب.
ماجد وهو ياخذ نفس: متى نسوي العمليه؟
واكس: اذا تبي اكلم لك المستشفى بامريكا ماعندي مشكله اروح معك لكن بحكم اني من عايلتك ما بقدر اسويها بس بقدر اشرف عليها.
ماجد: واثق فيك كلميهم وردي لي خبر والتكاليف علي.
واكس بإبتسامه: ما يحتاج.
ماجد : إلا يحتاج وجد ما قصرتي معي بس ما بخليك تدفعينها بعد!
واكس: مو لسواد عيونك لعيون اللي جايتك وبتلعن خيرك الحين.
ماجد بتعجب: مين؟
جاته ضربه على كتفه ولف وهو يشوف هدى معصبه: ومنطم ومسوي مجنون وما تبغى تكلمني عشان ورم حميد غبي يا غبي!
