دخل فزاع وهو يطالع ماجد اللي عالمسكن، وقعد بهدوء قدامه ومعه الاشعه.
فزاع: ليش ما علمتنا؟
تنهد ماجد: ما كنت بحمل احد همي، والورم حميد.
فزاع وهو يحاول يتمالك اعصابه: ايش ضمانتك انه حميد!
ماجد: وجد، علمتها لما جات وما قصرت ورحلتي لامريكا عساس اسويها العمليه هناك.
فزاع: وعجزت تقول لاحد فينا؟ بدل لا نوقف معك مخلينا كذا؟
ماجد : مو استنقاص منكم انت عارف ما احب اخلي احد يشيل همي ورجاءا فزاع مابي احد يدري.
فزاع: صعب.
عقد حواجبه ماجد ومد له الاشعه فزاع: صار عندك كسر بكتفك الموضوع تعقد شوي واتوقع لازم تسوي العمليه قريب.
طالع بالاشعه : وجد لازم تدري عنها الحين!
فزاع: نقدر نسويها هنا.
ماجد بخوف: لا برا فيه دكتور مختص فاورام العظام وله سمعته ويكفي وجد بتكون من الفريق الطبي هنا لا.
بدا يهديه فزاع: حاضر حاضر بكلمهم يحطون لك لفه مؤقته عشان تحميك وبكلم وجد.
طلع من عنده ودق على واكس.
: الو؟
فزاع: وصلتي؟
واكس: توني .
فزاع: الموضوع يخص ماجد.
وقف واكس مكانه : اش صار؟
حكى له فزاع ورد واكس: اقرب طياره احجز له وارسلي الاشعه ايميل الحين لكن اعطيه الاشعه بسي دي عشان يقبلها المستشفى.
فزاع: بحجز لي وله الحين.
واكس: تمام وعطني مستجدات حالته اول باول.
سكر منه فزاع وبدا يدور حجوزات.
____________________
راشد باستغراب: كيف بيسافرون اليوم؟ ماجد كويس؟
تركي بهدوء: ماجد عنده ورم حميد بكتفه.
شهق خالد واحمد اللي انصدموا وكمل تركي وهو يوجه كلامه للعيال: الموضوع بينا ولا احد يعرف من العايله كلمتنا وحده راحوا يخلصون شغله مهمه بالدوام وصل؟
راشد بعصبيه: كل من ملعون الصلايب الحقير الواطي والله لو اشوفه قسم ليندفن.
