****** هاي ان شاء الله تكونو لباس ....متنساوش كي العادة وان شاء الله تعجبكم...... *************
نروحو عند اسماء: كي دخلت قرينا اول حصة اونجلي وصراحة مكنتش حابة الاستاذة تتبدل بسك استاذتي لكانت تقريني كانت بزافف كيوت وغي هي لتفهمني.....وتوقف معايا كي منكونش مليح ..صح رونق معايا لكن استاذتي السابقة احلى.... ^^دخلت الاستاذة وقاتلنا اسمها نجمة وبانتلي كيوت وبدات تفهمنا وش عندنا صح حنا تع باك....بصح قاعدة تلطف في الجو وتضحك معانا....... بعد مكملو الحصص ويعني نفس الاساتذة برك تبدلو تع الفرونسي وأونجلي.... جا وقت الاستراحة...كنت حابة نقعد مع رونق لكن شفتها مع صحباتها لوخرين ...رحت قعدت في بلاصتي لنحبها...... نروحو للنجمة: تعرفوني حنينة وقاع كملو حصصي وأخيرا بقالي برك حصة ونخرج ونرروح للمكان المفضل الجميل الحبيب ..... ^*^*^*^*^****** نروحو عن الحب وائل:(كلي شوي بغيت وائل) بعد موصلت اسماء وصحبتها ..يعني نكون صريح انا منرتاحش للديك صحبتها شوي ...المهم وصلت للشركة ودخلت للمكتب وجات السكرتيرة عطاتني العمل وبديت نخدم....فاتت ساعة ولا ساعتين ...حتى صونا تليفوني ...ومن غيرو احمد... احمد: وش برو لباس وائل: علاش تعيط دوك راني نخدم🙂😒 احمد: سبحاكش قلت نسقسي عليك وائل:كاش حمار مات؟؟ احمد: لا مزال ممت ياك؟؟ وائل:ايا روح منيش لاهي لجياحتك احمد:صحة صحة كي تخلص خدمتك بعتلي ميساج نضربو فيها دورة للحومتنا القديمة وائل:ان شاء الله اذا كتب ربي ...... بعد مكملو الهدرة وائل رجع للخدمتو ومام احمد...... في مكان آخر في ليسي بالتحديد عند اسماء....كانن قاعدة وحدها كي العادة يعني مشي حاجة جديدة عليها...حتى تجيها ليليا لهي عدوتها.. ليليا: وش اسماء راحت لتحميك ومام ديك لتقولي عليها صحبتك راهي مخلياتك وحدك اسماء: يرحم باباك روحي منيش لاهيتلك ليليا:علابالك رونق متحبكش وجامي لخممت تكون صحبتك.. اسماء:علابالك جامي خممت نأمنك روحي خرطي بعيد ليليا: اوكي بصح رح يجي ننار وتتأكدي من صحة كلامي. ...دخلو للكلاصة وبداو الحصص .....بعد مكملت نجمة حصتها...ودعت رجاء بسك رجاء تقعد حتى للعشية باش تخلص ...راحت نجمة للمكان لتحبو بزافف .. نوصفلكم المكان: جاي اخضر كامل وكلي فيه نهر ومش بعيد بزاغف على مدينة مي البلاصة تهبل(نساو نلقاو بلاصة هكا في دزاير) المكان هذا:
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
.......المكان الوحيد لتحس فيها مرتاحة....بعد ساعة وشي دقايق ...قررت ترجع للدار...... ****** مممم وهكا يكون كمل البارت تاعنا...ان شاء الله ينال اعجابكم ومتنساوش الدعم شكرا😊❤
