"أعطيني حريتيي...
أعطيتها لك...
أعطيني حقوقي...
أعطيتها لك...
أنت تكذب....ليس هناك أي حرية....
أنت تكذب حقوقي تتكلمون فقط بها ولكن ليست معي...."
******************
عطلة الشتا...جات والكل كان لاهي...كيما نجمة كانن تخدم في المكتبة تاعها وخطرات تروح لليسي..باش تقري تع الباك....بسك عندهم الدعم...
*************
عند نجمة: قرات غي يومين تاع الباك..بسك ديجا مستواهم مليح في لونجلي.....بعد مفاتو دوك اليومين...قبلها....رجاء راحت للألمانيا بسك جات غي عطلة وترجع...المهم اليوم الثلاثا...ناضت نجمة وجدت روحها..بغات تروح تكتب غي المكتبة تاعها وتقعد فيها تتمتع بالمنظر...
حليمة: بسم الله شمنوضك 7.00...
نجمة: بارح من العيا رقدت بكري...ونضت بكري كيما راكي تشوفي...
حليمة: مال سناي نديرلك قهوتك...
نجمة: صحة ندير خيماري....بسك باغي نروح نكمل مكتب تم...
حليمة: بصح يا بنتي راو الليل شوي سناي تلحق 7.30...
نجمة: لا باغي نروح دوك...وديجا بعت للوائل ميساج...ايا وراني رايحة بطونوبلتي...وبلاك آدم يجي بكري يوم...مال متخافيش...
حليمة: صحة دوك نوجدلك ونجي....
نجمةلبست هكا:
بعد موجدت روحها....ركبت في طونبلتها وراحت.....
وصلت حبت تحل الباب بصح قدام الباب كان قاعد فيها واحد...
نجمة: بسم الله ...شكون انت؟؟؟
***: ربي يعيشك متضربينيش ربي يعيشك...(خايفة....)
نجمة: متخافيش (حسبتك طفل بينها وبين روحها) متخافيش مغاديش نضربك ...دخلي معايا لهنا راو البرد لهنا...
****: لا لا كون تضربيني همالكي....
نجمة: والله منديرلك حاجة هيا رواحي معاها....
دخلت معاها كانت طفلة قصيرة وتبان صغيرة شوي....
نجمة: قعدي هنا نجيبلك كاش حاجة تشربيها...
****: هزت براصها...وقعدت تشوف في البلاصة...
نجمة:هاني جيت....هاكي تشربي...
****: سمحيلي كي أزعجتك...
نجمة: لالا مدرتيلي والو...
****: قعدت تشرب حتى ناضت تعيط....همالكي همالكي قولهم ميضربونيش همالكي....
نجمة: متخافيش متخافيش ....مغاديش نضربك....هاكي شربي الما....
تشرب الما وترجف....قانلها نجمة: وش إسمك؟؟
إخلاص: أسمي إخلاص....
نجمة: انا إسمي نجمة...تقدري تقعدي هنا نورمال...دوك يفتحو الحوانت نروحو نفطرو صحة...
هزت راصها إخلاص....
إخلاص: طاطا نجمة....م ع ل ي ش داخت الطفلة....
نجمة: ياربي نديها للسبيطار ....
داتها للسبيطار.....وعيطت للوائل..
وائل: بصح علاه كانت خايفة...
نجمة: مشعارف بضح نظن كايم حاجة...وتبان قد أسماء....
وائل: مزية لنوضتيني.....باش نجي...
نجمة: معرفتش لمن نعيط عيطلتك...سمحلي نوضتك...
وائل: لا نورمال ديجا كنت ندير السبور...
الطبيب: سمحولي بصح نتوما والديها؟؟
نجمة: لا ...الطفلة صباح كي رحت نفتح في المكتبة تاعي لقيتهل ترجف وخايفة....
الطبيب: مممم معندهاش والديها...
وائل: قاتلك بلي صابتها...
الطبيب: صحة كي معندها حتى واحد...الطفلة راي متعرضة للعنف بزاففف...وكي قعدت نشوف فيها قعدت تهترف...وتقول " متضربنيش مدرت والو..."
نجمة: صحة...وحنا دوط وش المطلوب...
الطبيب: انا درت لعليا...دوك تفطن المطلوب منك انك تتهلاي فيها...ولازم نعرفو شكون والديهل بلاك راهم يعنفوها..لازم على لابوليس تتصرف...
نجمة: صحيت ....
قعدو يسناووو جتى فطنت إخلاص....
نجمة:إخلاص...راكي مليحة؟ ؟
إخلاص: لباس..😔 سمحيلي قلقتك عليا...
نجمة: لا متقوليهاش...هيا نوصي تروحي معايا للدار...
إخلاص: لالا دوك نروح للكاش بلاصة...
نجمة: هيا علابالي معندكش لمن تروحي...تقدري يخي تمشي؟؟؟
إخلاص: ايه برك عاونوني....
عاونوها وخرجوهاشراولها الدوا....وداتها نجمة للدارها....
حليمة: ياربي مسكينة....روحي شريلها كشا حوايج...
نجمة: لازم نبقى معاها باش نفهم منها وشبيها....ورحي نتي شريلها..
راحت ماني حليمة وقعدن معاها نجمة.....
كانت إخلاص راقدة حتى قعدت تبكي...: همالك والله منعاود...منروحش نقرى صاي نقعد في الدار....
مجمة: إخلاص إخلاص...ختي راني هنا ....هاكي شربي الما....
شربت الما وناضت....نجمة: تقدريلي تحكيلي؟؟
إخلاص: منقدرش...نخاف يضربني...
نجمة:شكون ليضربك..
إخلاص: بابا...وماما يضربوني...
نجمة: خلاص ميضربوكش راكي عندي واحد ميقدر يآذيك....
إخلاص: منيش باغي تحصلي...
نجمة متخافيش...برك حكيلي وش بيك...صحة كي تتحسني حكيلي...
إخلاص: صحة نحكيلك...بصح متحكي لحتى حد...
نجمة: متخافيش ...سرك في بير...
رقدت إخلاص..وماني حليمة جات من المرشي.....
12.30 ناضت إخلاص وفطرت...منبعد شربتلها نجمة الدوا....
إخلاص: طاطا نجمة....سمحيلي عييتك معايا
نحمة: لا متقوليش هكا....دوك تحسنتي تقدري تحكيلي؟ ؟
إخلاص: معقدة قصتي بزافف...
نجمة: احكي...برك نحلوها مع بعض...
إخلاص: انا بابا مات كي كنت صغيرة...ماما منبعد تزوجت...ماما مقدرتش تصبر وماتت بعد متزوجت...منبعد راجل يما لكان يمثل قدام ماما يحبني..تزوج بحبيتو وداو أملاكي قاع لخلاوهملي ماما وبابا....منبعد هو وحبيبتو لكنت دايرتهم كي يما وبابا...بصح ملحوقهمش....جابو طفل صغير...بداو انا يضربوني....وكي طلعت لبباك مجبتوش بسك كنت نخدم ونقرى ونتضرب....محبتوش حبسني ذاك الراجل من القراية....بعد ما حبسني بغاو يزوجوني مي مبغيتش ...ذيك المرا دايما تضربني...يعني من صغري...بصح وصلت بيهم جرحولي ظهري كامل.....وهربت من الدار بسك متحملتش....
إخلاص تحكي وتبكي....ونجمة تان...منبعد قالت إخلاص: عندي 20 سنة ومقدرتش نحامي على روحي...بابا كان دايرني أميرة عندو...وماما كي تزوجت بذاك الراجل...مكانتش تقدر تنساه...وخطرات ذاك الراجل يضربها....توحشتهم قولهم يرجعو..دايما نصلي وندعي...عييت جربت نقتل روحي بصح مقدرتش...بسك كل منبغي نديرها يما تجيني تقولي لازم تعيشي...
نحمة: سمحيلي بزافف على واش صرالك...بصح راح نعاونك...ورح نجيبلك حقك متخافيش...
إخلاص: صح؟؟
نجنة: ايه عندي بزافف صحبات يخدمو محاميات وقضية تاعك ...لازم تتحل....
إخلاص: منيش حابة نعييك...
نحمة لا متعيينيش ....متخافيش ديريني ختك....
إخلاص: صحييتي نجمة صحيتي بزافففف ...عنقتهل ومزالهم يبكوووو.....
أنت تقرأ
☄نجمة السماء⭐
Humorهايييي ....هذا أول مرة نكتب وأول مرة نفكر نكتب كورنيك ...وإن شاء الله تعجبكم ويعجبكم طريقة تعبيري🥺☄
