☄نجمة السماء⭐

البارت 12☄❤

"همساتي الأخيرة....
كنت لي أملا...
كنت لي ألما...
كنت لي كنزا....
كنت لي نارا...
وثقت بك...
شكرا لأنك جعلتني قوية...
شكرا لأنك علمتني شيئا كان يجب تعلمه قبل معرفتك"

          **************
عند نجمة:
ناضت صباح وكانت في قمة الفرح....تفكرت إنو خلاص حققت حلمها...تفكرت بلي ولات مديرة للمكتبة كانت حلمها من نهار لزرعو فيه باباها....تتبسم مع روحها وتحمد ربي....أول شي دارتو ناضت صلات وشكرت ربي.....منبعد وجدت دوزانها باش تروح تقري...اليوم عندهم فرض...المهم قبل متروح وصلهل ميساج من عند وائل:
صباح الخير عيوني...ان شاء الله تكوني مليح معليش نجي نوصلك لليسي مع اسماء اليوم؟؟
ردتلو: صباح النور...راني لباس...ايه نورمال...
منبعد مبعتتلو وجدت روحها ولبست هكا:

راحت عند مانها ...وشربت قهوتها...
نجمة: ماني دوك 8.30 نوضي شهرزاد تروح تبدا تخدم...راي عارفة وش دير
حليمة:ميكون غير خاطرك متخميش...تهلاي قي روحها...
جا وائل وكانت مع اسماء يضحكو ...وطبعا وائل يهدر معاها ويسقسيها.....المهم هكا....
وصلو لليسي كل واحد وين راح....
********بدا الفرض وكل واحد لاهي في ورقتو ونجمة تتفكر في روحها كي كانت تجوز الفروض وقاع.....
كملو السوايع.....ودارو الفرض....حتى قالت نجمة للبسمة: أفضل حاجة عندي نصحح الوراقي..
بسمة: 😂😂 انا كون راني صايبة نعطيهم قاع 20 بسك نكره نصحح.....
نجمة: لا عادي عالما تحسي شعور غايا...
بسمة: حقا مبروك على المكتبة الجديدة تاعك منبعد نجي نحوس على وحد الكتاب....
نجمة:وش اسمو؟ ؟
بسمة: l'appel de l'ange تع ميسو
نجمة: ايه عندي واحد منبعد نجيبهولك بزافف شابة الرواية...
********* نروحو عند وائل...
بعد ماوصلهم...كان هو تان فرحان بزافف بسك وأخيرا اعترف لي يحبها وناوي يخطبها...بصح قال حاى تخلص شوي شغلها وهكا.....راح للشركة تاعو ....
السكرتيرة: صباح الخير ميسيو وائل
وائل: سلام وش كاين؟ ؟
السكرتيرة: الفرع لكاين في إيطاليا راو قريب في الافلاس..بسك ميسيو رائد(ولد عمة وائل) راو مريض هذ اليمات بزافف عندو قريب شهر
وائل:وهذا وين تهدري؟؟
السكرتيرة: بصح هذا وين وصلنا الخبر...
وائل:خلاص خرجي ...سناي رواحي قبل روحي حجزيلي أول طيارة رايحة للايطاليا هيا خفي...
السكرتيرة: اوك
وائل بينه وبين روحه^لازم نروح للايطاليا اوما ننقذ وش راه صاري تماك....بصح لازم نخبر يما ونجمة^
بعت ميساج للنجمة وقالها.....
نجمة:اوك تهلا في روحك ....معليش تجوز عليا عشية نعطيك حاجة؟؟
وائل: دوك نكمل خدمتي نجي ليك نروحو نفطرو كيفكيف...
وبطبيعة الحال....أول طيارة تروح للايطاليا غدوا صباح 8 ....
*********
نروحو شو عند أسماء:
هاذ اليمات كي كمل عرس رجاء....لهيت بالمراجعة تع الفروض....وكي حلت نجمة المكتبة رحت باركتلها وأخيرا عرفت علاه سماتها الأمل...وكان عندها الصح....منبعد سمعت بلي وائل ونجمة يحبو بعض زدت فرحت ياعمري....ديجا يتوالمو بسك بين زوج كيوت.....
بالنسبة ليا انا وليليا رانا بزافف قراب ورتما نديرو في بروجي مع علاء...ولينا بزافف مع بعض...ووليت نحس شعور تجاه علاء مي مشي دوك باغي نعىف حقيقة هذا الشعور حتى نجيب باكي....
هذا وش صرا معايا قاع.....وتان صفيان يعني ولا صاحب علاء ....وهكا موليتش وحيدة كيما كنت....رونق جات طلبت مني السماح...صح دارتلي بزافف حاجات مشي ملاح...سمحتلها مي مزدتش هدرت معاها....كيما قالت ميس: كل شي يفوت....
حتى انو انا كنت نقول غادي نقعد وحيدة ربي بعتلي وحدين بزافف ملاح ...الحمد لله ياربي....
^ديروها قاعدة في راسكم....مهما اذوكم الناس....ربي سبحانو يبعتلنا الناس على حساب قلوبنا....الحمد لله^
**********
عند نجمة ووائل:
نجمة: سلام
وائل: سلام
نجمة: راك رايح وميننا ترجع؟؟
وائل: والله معلابالي....كي نسقم تماك الامور نرجع....
نجمة: اتهلا في روحك وعرف دايما نبغيك بزافف مطولش علينا برك...
وائل: ان شاء الله مام انا نبغيك بزافف...نتي تان نجمة علابالب بلي باغي تولي كاتبة اذا طولت ديري حلمك وحقيه غادي نكون فخور بيك....بلاك نروح ومنوليش...
نجمة: سكت برك من الهدرة الفارغة متخممش حلمي كي تجي نحقوه مع بعض...انت حزء من حياتي....
قعدو ياكلو ويهدرو حتى قاتلو: جبتلك حاجة وياويلك تنحيها...

خليها في يدك وكل متشوفها تتفكرني صحة...
خزر فيها وتبسم قالها...ياعمري شابة...
المهم كملو فطورهم راحو لبلاصتهم وقعدو يشوفو في المنظر لقدامهم....ومعنقين بعص بعني مهم كيما تع المسلسلات....
            **********
راحت نجمة للمكتبة وبدات تخدم شوي وتكتبت في نفس الوقت.....ولقات بلي كاين ناس مهتمو وتنصحهم على الكتوب نفس الشي بالنسبة للادم تعلم بلخف ومام شهرزاد ...اما سيرين فهي الشريكة فهي تعرف....
وائل....وجد روحو باش يروح....وفعد مع عايلتو السهرية....وقال ليماه...كي نجي نخطبو نجمة......
هذا وش صرا في نهارهم.....
********* الصباح.....
نجمة:ماني راني رايجة نودع وائل...متنسايش نوصي شهرزاد باس تروح للمكتبة....
راحت نجمة خرجت تجري ووصلت....ودعت وائل ومام رجاء بسك كانو رايحين في نفس النهار برك كل واحد وين.....
وائل: بلا منوصيك تهلاي في روحك متهدريش مع الرجال...قولهم مخطوبة...
نجمة: متخافش..مام انت خمم برك تشوف...
ودعو بعض...وكل واحد يخزر في لاخر تع آخر لقاء......
**************
نجمة كانت قاعدة في قاعة الاساتذة تصحح في نص الاوراق...دخلت عليهل بسمة تلهث....
نجمة: وشبيك؟؟
بسمة: شفتي الاخبار قالك طيارة لكانت رايحة للايطاليا طاحت
نجمة: وشنو؟؟؟ تكذبي....
بسمة: والله شوفي...
شافت الخبر وطاحت في لرض ...من الشوك معرفتش وش دير......
الكل انصدم من الخبر.....
زينب: ياربي وليدي😭😭
نجمة: 😶😶😶 غي مشوكية معىفت لا تبكي لا تضحك.....
*********
وش رايكم فيه..؟؟؟؟
انا حنينة شوي🙄 نحب وائل انا....
نريح صباعتيا ونزيدلكم ذاا قدرت شكرا😁😁