قبل منبداو قراو وش حطيت فوق ...بزافف شابة الرواية قراوها اسمها( أحببتك أكثر مما ينبغي)...... نبداو بأسماء**** هاي انا هي اسماء هدرت خطرة برك.....انا اخت وائل والمدللة يعني الصغيرة تع الدار....في الحق منيش طوايشية هادئة ومنعزلة على الناس ...الوحيدة لكانت تعرفني مليح هي رونق...وميس تع العام ليفات مي راحت....انا كي كنت صغيرة كنت نتعرض للتنمر بسبة هدوئي..وبزافف حاجات ومنين كنت دايما لولة....حتى رونق كانت متنمرة بصح ولات صحبتي...المهم نبغي نضحك بصح غي مع الناس لنعرفهم....انا جامي لخفتومن قراية ..الباك كان سبة باش نبكي برك ..بسك للأسف رونق فضحت قاع اسراري وقاتلي ليليا بلي دايما رونق تقولنا ومهيش صحبتك عدوتك....للأسف ليليا عندها الحق وبان وجه رونق الحقيقي.... حكمت تليفوني وبديت نكتب للرونق.... " حسبتك صحبتي دخلتك للدارنا ياربي مشي غي صحبتي كنتي ختي علاه درتي هكا علاه خليتيني وثقت فيك ورحتي قلتي كل شي وخليتيني مجروحة هكا..مشي كنتي متحبيش عليا...مشي كنتي تحميني من كل شي....علاه درتي هكا....علاه ياتفو....المهم متزيدش دوري بيا متزيديش تجي من جيهتي صاي كل شي خلاص بيناتنا ماكي صحبتي ماني صحبتك صحيتي على والو وصحيتي على كا شي....الحمد لله مدرتلك والو" كتبت وش كان يلزم وبلوكيتها محيتها...قاع من حياتي عندو الصح وائل...لازم نلهى بقرايتي.... ****** صباح الخير عليكم...اوك دوك راو صباح وفي مكان ما مشي بعيد بزافف عند نجمة طبعا....كانت نجمة تحلم.....وطخخخخخ تدخل الحاجة حليمة ( جداتها) حليمة:نوضي ياعرة النسا نوضي راو الحال ياربي.... نجمة:زيديني خمس دقايق برك حليمة: ياووو راكي كبيرة شكون نتي غادي يتزوجك نوضيييي .... نجمة: هاه نضت صاي غلقي الباب نلبس... حليمة: راني خارجة نروح ونجي منلقاكش نضتي تعرفي شيصرا نجمة: صحة صحة.....خرجت ونجمة رقدت....ويعاود يرجع العسكر.....وتجيها ديراكت للراص.... نجمة: ياربييي العسكر ماني ماني الارهاب جاو....اوف ماني هذي نتي علاه علاه هكا حليمة: راهي 7:15 وينتا باغي توجدي روحك يامعوقة .... نجمة:هماني قتلك نوضيني 7.00 علاه علاه هكا تحوسيه يدير فيا تقرير حليمة: نجمة متهبلينيش يلاه نوضييي... وجدت روحها نجمة.... لبست هكا...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
....رجاء تعيط للنجمة... رجاء:نجمة مكلاه تجي تديني راو دايني لقمان... نجمة: واه كيراكي انا لباس ونتي... رجاء: سمحيلي مهم بغيت غي نقولك نجمة: اوك معليش ايا طلقي راصك... ***** نجمة: وصلت لليسي الحمدلله لحقت قبل ميغلقوه ..المدير تع ذا ليسي جايبها ورايا من عامي لول تقول نقتل جده...المهم تلاقيت رجاء عايرتها شوي على لقمان تاعها...منعبد رحنا كل وحدة للكلاصتها....بسم الله نبداو عندي زوج سوايع مع lv ...... نجمة: صباح الخير عليكم.... ليقراو تم: سلام... نجمة: كيما تعرفو عندكم تقراو على الحضارات ومهيش صاعبة يعني نبداو ....اسمعو سناو قبل منبداو ...مشي راني نلاحظ وحدة مجاتش؟؟ ليليا: يب رونق... نجمة: اه وعلاه معلابالكمش؟؟ ليليا: لا منعرفوش.... نجمة: اوكي...نبداو على بركة الله.... قعدت نشرح حتى دوممممم.....دخل واحد من دوك الحراس الحارس ذاك: سمحيلنا استاذة لكن جا واحد جديد... نجمة: نعم خليه يدخل.... ا...دخل الطفل ... نجمة: تفضل عرفنا بروحك باش نسجلك ***: أسمي علاء*** وانا جديد لهنا نجمة: اوكي تفضل علاء ...قعد ورا أسماء علاء: وين راهي؟ أسماء: رفعت يدها علاء: ثانكس ميس ***** عند وائل...اليوم نضت وكنت مصمم نكمل وش بديت بارح...دوك نخبركم... بعد محكاتلي أسماء وش دارلتها رونق....حكيت مع والدين رونق....وخبرتهم قاع على خرايبها...بسك دارت لختي حاجة لا تغتفر...المهم عيطت للسيد ناصر لهو بويها... ناصر: سلام وليدي وائل...سمحلنا على واش دارت لنتي في ختك... وائل: سماح...المهم كملتو؟؟ ناصر: يب خلاص مغاديش تدور بيها وحنا درنا لعلينا وبدلناها... وائل: اوك صحيت عمي الناصر ايا انا نخليك... ***رحت وجدت روحي باش نروح للخدمتي وصلت أسماء في طريقي وقتلها... وائل: شوفي صاي راكي تهنيتي من رونق ...اي حاجة تصرى خبريني بيها اوك أسماء: صح صحيت خويا وائل: معليش منبعد راني نجي باش تولي تقعدي تفطري في ليكول باش يساعدك الوقت وتقعدي تراجعي... أسماء: صحة باي... ******* نروحو عند نجمة: كنت نورمال نقري فيهم وعجبوني زوج متفاعلين معايا علاء الجديد...وأسماء بصح حسيت بلي عندها حاجة مع ذي رونق ....بينما انا نقري ونورمالنفهم فيهم بزافف على الحضارة المصرية....يجي عندي المستشار المستشار: سمحيلنا استاذة لكن نحتاجو أسماء*** نجمة: روحي اسماء ومطوليش بسك درس مهم... أسماء: اوكي ميس كملت نقري....عاود رجع ليا المستشار... المستشار: أستاذة معليش خمس دقايق من وقتك ولي أمر أسماء يحوس يهدر معاك نجمة: اوكي...اسمعو حاولو تفهمو السؤال لقتلو مليح وحلوه... رحت مع المستشار...دخلنا للمكتبو وائل: معليش تخلينا وحدنا أسماء... أسماء: صحة نجمة: سلام عليكم وائل: وعليكم السلام نجمة:أنعم تفضل؟؟ وائل:سمحلينا على مقاطعة الدرس...بغيت برك نقولك بلي أسماء شوي متبغيش تهدر مع الناس من غير رونق بصح رونق خلاتها يعني أسماء عندها مشاكل نفسية من لي كانت صغيرة...معليش تعاونينا باش ترجع اجتماعية وتنسى وش صرالها.. نجمة: منكذبش عليك بصح أسماء لحد الآن الله يبارك تقرى ومخصها والو يعني على حسب وش شفت في الساعة الأولى...رح ندير وش نقدر ان شاء الله ..أي شي غادي نقولكم وائل: صحيتي.... نجمة: انا نروح... ****** عند وائل: بعد مكملت نص خدمتي تفكرت لازملي شغل...ودايما تقولي اسماء انو قاع الأساتذة تع لونجلي ملاح ومتفهميش ...فبغيت نطلب منها تعاونها باش تولي نورمال...بسك ختي بزافف بعيدة على الناس وقادر ذا شي يخليها معقدة كثر كثر.... المهم رحت ودرت كل شي باش تقعد في ليسي على 12 ...منبعد طلبت منهم نشوف أستاذتها تع لونجلي.... هي في الحق بارح كانت معاها بصح مكنتش عارف بلي قاع هكا زينة وتبان حلوة...بصح قصيرة بزافففف تبان بنتي المهم بعد مهدرت معاها...عجبتني الهدرة معاها....ياربي وائل وش راك تخلط ....رجعت وتلاقيت بأحمد رحنا للحومتنا القديمة بدينا ندورو..... لقيت الجدة حليمة.... احمد: ماني ماني حليمة: رنك من نهار لرحت مزدتش جيت وذاك وائل المبعر تان مولاش يجي عندي يوم تفكرتوني... وائل:توحشناك بزافف حليمة: يتوحشكم الشر... وائل:سمحيلنا والله كانت عندنا خدمة وراكي عارفة حليمة:خلاص معليش مام انت توحشتكم دخلو تشربو فهوة... دخلنا انا واحمد شحال توحشتها....ماني حليمة هي كانت كلي جداتي...ونتفكر بلي كانت عندها طفلة صغيرة بصح مكانتش تهدر ولا تخرج بزافف.... حليمة: ايهيه وشراهي يماك وائل؟ ؟ وائل: لباس راهي غي في الدار متخرجش بزافف...وبابا قالي بلي جا عندك سملنة لفاتت حليمة:ايه جا وعايرتو وائل واحمد: 😂😂😂😂😂 حليمة: احمد غي بلع انت متهدرش قاه...قولولي كاش مراكم خاطبين؟؟ احمد: صحيح انا راني حاط عيني على وحدة بصح مزال مهدرتش معاها شوفي ذا المعوق لقدامك لمزال مشاف في حتى طفلة... حليمة: وائل الهدرة معاك منبعد...وانت شك تسنا روح خطبها خير ميدوها احمد: مزال... حليمة: ناناك لمزال منبعد نعيط للصليحة نقولها رحي خطبيلو احمد:خلاص ذي سمانة نهدر معاها ومع يما ونديك نتي تان تشوفيها حليمة: هكا نحبك...وانت ياسي وائل مينتا رك قريب تبور وائل: مزال حتى نخمم مليح حليمة:ممم نشوفوك اذا مخطبتش ومتزوجتش خليها ان ندبرلك طفلة....تفكرني في سعيد الله يرحموو. وائل واحمد: الله يرحمو حليمة: كان كيفيك ياوليدي..حتى جات عندي سماح الله يرحمها....وولا يبغيها...وولاو مع بعض..مشبعتش منهم وراحو. وائل واحمد: الله غالب مكتوب ربي...ربي يرحمهم
