الامبراطورة والنمر

Part 1

فى صعيد مصر
فى قصر عائلة الحديدى
رقية : همى يابت انتى وهى نوح وباسل عينزلو ولسة الوكل ماخلصش
نرمين : خمس دجايج والوكل يبجى جاهز ياخيتى
مريم : اهدى شوية يا رجية انتى عارفة إن نوح يوم اجازته بيصحى متأخر معيحصولش حاجة لو اتاخرنا هبابة
أمنية : مريم بتتكلم صوح يارجية نوح معيجولش حاجة لو اتاخرنا
رقية : ومعيحصولش حاجة لو متاخرناش بردو همى انتى وهى واكتمو
صمتت الفتيات واكملو عمل الطعام وبعد دقائق انهو الطعام ووضعوه على السفرة فى نفس وقت نزول نوح وباسل
نوح وباسل : صباح الخير
البنات : صباح النور
جلسو وفطرو وبعد أن أنهى نوح طعامه اردف
نوح : باسل يلا علشان عندينا شغل فى الشركة
باسل : حاضر يا خوى
مريم : مش انتو النهاردة اجازة
باسل : كنا اجازة بس فى شغل مهم ومعينفعش يتأخر اكتر من اكده فلازم نروح
نرمين : تروحو وتيجو بالسلامة
أمنية : نوح
نوح : عايزة ايه يا أمنية
أمنية : كنت عايزة فلوس علشان هنزل مع صاحبتى نجيب هدوم
نوح : اطلعى اوضتى وخدى اللى انتى عايزاه من الدرج
أمنية بفرحة : تسلملى ياخوى
نوح : عايزين حاجة يا بنات
رقية : تعيش ياخوى معاوزينش حاجة
نوح : تمام لو عوزتو حاجة اتصلو عليا
البنات : تعيش ياخوى
خرج نوح وباسل من القصر إلى الشركة وبعدهم بقليل أمنية وبقيت الفتيات فى المنزل
♡♡♡♡♡♡♡♡♡♡♡♡♡♡♡♡
فى مبنى المخابرات العامة المصرية
يدخل النمر والعقرب إلى مكتب اللواء كمال النجار  ( والد نور ونجمة )
اللواء : أهلا ب النمر والعقرب
الاثنين : أهلا بيك ياباشا ... عايزنا فى ايه
اللواء : محمد السيوفى
عند ذكر اسمه لمعت عيناهم وظهرت ابتسامة خبث على وجوههم
اللواء : شكل ليكم تار عنده
النمر : صح يافندم
اللواء : نتكلم فى الجد بقى .... المهمة دى انتو مش لوحدكم فيها
العقرب : مين اللى هيبقى معانا يافندم
اللواء : الامبراطورة والافعى
قبل أن ينطق الشباب بحرف اقتحمت المكان فتاة ترتدى قناع على وجهها وتمسك ب سكينة واتجهت إلى اللواء ووضعت السكينة على رقبته
الفتاة بغضب : انا تعمل فيا كده ياكمال يانجار
كمال بهدوء : أهدى يا امبراطورة
الامبراطورة بغضب : ما تقوليش أهدى
دخلت فتاة أخرى ترتدى قناع
الفتاة ببرود : اومال يقولك ايه اتعصبى
الامبراطورة بغضب : افعيييييي اسكتى بدل ما اجيلك
الأفعى ببرود : هتعملى ايه يعنى هترفعى عليا السكينة انا كمان
كمال بهدوء : اقعدو علشان فى مهمة جديدة
الأفعى ببرود : قعدت قول اللى عندك
كمال : هقول ازاى والهانم حطة السكينة على رقبتى
الأفعى ببرود : اقعدى يا امبراطورة
الامبراطورة بغضب : مش هقعد هقتله يعنى هقتله
الأفعى ببرود : تقتليه انتى ليه وتخشى السجن كلمى ماما وقوليلها على البت المايصة بتاعت ألمانيا وهى هتقوم بالواجب وزيادة
الامبراطورة باقتناع : تصدقى فكرة .... شكلك هتبات على الكنبة النهاردة ياحاج
ذهبت وجلست بكل برود ولا كأنها كانت هتقتل شخص دلوقتى
كمال بهدوء : المهمة دى هتضم أكبر فرق فى المخابرات النمر والعقرب والامبراطورة والافعى والاسد والقناص والنانو واللهيب والذئب
الامبراطورة ب استهزاء : ليه راحين نحرر القدس
كمال : بلاش تستهزاى ب المهمة انتو راحين تقبضو على أكبر زعيم مافيا فى الوطن العربى محمد السيوفى
الأفعى بشر : جه ل قضاه ابن السيوفى
الامبراطورة بشر : والمرادى محدش هيمنعنا عنه
العقرب بجدية : مين هيبقى القائد
كمال : انتو اللى هتحددو القائد
الجميع : تمام يافندم
الامبراطورة : فين بقيت الفريق
دخل في هذه اللحظة ثلاث شباب وبنتين والبنات ترتدى أقنعة وتقدم شاب منهم وذهب إلى الأفعى وقبل يدها ثم اتجه إلى الامبراطورة وقبل يدها واحتضنها
الشاب : احنا موجودين ياحبيبتى بس كان عندنا مهمة
الامبراطورة بحب : وحشتنى يا ذئب
الذئب : وانتى اكتر يا قلب الذئب
النانو : واحنا فين من الاحضان والبوس ده يا امبراطورة
الامبراطورة : انتو فى القلب ياحب
اللهيب : وانا القطة كلتنى ولا ايه
الأفعى : احنا مش لسة سايبينك امبارح ياكلب البحر
اللهيب : تصدقى صح
القناص : احنا جايين ل شغل مش ل حب واحضان ياعم الذئب
الاسد : لما نخرج نبقى نحب براحتنا
كمال : عندكو معسكر تدريبي في سيناء وهتتحركو بكرة الساعة 5 الصبح
الجميع : تمام يا فندم
الذئب بتذمر : ياحاج انا عايز اشوف امى حرام عليك
كمال : اخرس يا حيوان .... انا عندى اجتماع مع الوزير هروح دلوقتى واتعرفو على بعض ومن غير الأقنعة مفهوم
الجميع : مفهوم يافندم
خرج كمال من المكتب وخلعت الفتيات الأقنعة وظهرت وجوههم الملائكية التى سحرت الجميع
النمر : نوح الحديدى 28 سنة ولقبى النمر
الامبراطورة : نور النجار 24 سنة ولقبى الامبراطورة
العقرب : باسل الحديدى 27 سنة ولقبى العقرب
الأفعى : نجمة النجار 24 سنة لقبى الأفعى
الذئب : ياسين النجار 25 سنة لقبى الذئب
الاسد : معتز العتال 27 سنة لقبى الاسد
القناص : عيسى النجار 27 سنة لقبى القناص
النانو : أروى على 24 سنة لقبى النانو
اللهيب : روميساء النجار 24 سنة ولقبى اللهيب
باسل : هو انتو قرايب اللواء كمال
نور : ايوة انا ونجمة وياسين اخوات ونبقى ولاده اما عيسى وروميساء يبقو ولاد عمنا ومتفكرش إن احنا هنا بالواسطة لأن احنا لو عايزين واسطة مكناش خفينا وشنا ب الأقنعة
باسل : انا بسال عادى مش قصدي حاجة
نجمة ببرود : ياسين اختك اول مادخلت كان معاها سكينة وعايزة تموت أبوك
ياسين بصدمة : عايزة تموتى ابوكى يا نور
نور بغضب : انت عايزنى اصحى من النوم الاقى واحد جاى متقدملى وابوك موافق واعمل ايه
روميساء بسخرية : تقتليه طبعاً
معتز متجاهل : يلا نمشى علشان نجهز شنطنا
باسل : هتعمل ايه ياعم نوح مش هنلحق نروح الصعيد ونيجى فى الوقت القصير ده
نوح : هنتصل نعرفهم إن احنا هنسافر ونروح على البيت اللى هنا نجهز شنطنا ونروح
نور : شباب هتباتو عندنا ونتحرك الصبح سوا والكلام للجميع ومفيش نقاش
نوح : مش هينفع
نجمة ببرود : اسمعو الكلام قبل ما تقلب على الوش التانى
أروى : انا فى البيت ابقو تعالو ورايا
عيسى : خدينى معاكى يا رورو
معتز : وانا كمان
وخرجو ثلاثتهم متجهين إلى منزل نور
ياسين : مش هتروحى معاهم يا روميساء
روميساء : انا هركب مع نورى
نور : فين عربيتك ياهانم
روميساء : فى التوكيل بتتصلح
نجمة بزهق : انتى كل يومين تعملى حادثة ارحمى شوية يا اختى
نور : يلا بينا ومفيش نقاش
خرجت نور والجميع ورائها متجهين ل منزل نور
♡♡♡♡♡♡♡♡♡♡♡♡♡
كده البارت خلص
هل مهمة الشباب هتنجح ؟
ليه نور ونجمة بيكرهو محمد السيوفى ؟
ايه هو التار اللى ل نوح وباسل عند محمد السيوفى ؟
يلا سلاااااااام