الامبراطورة والنمر

Part 22

كان كرم يجلس مع نوح وباسل في المكتب يتحدثون عن المهمة القادمة ولما تغير معاد تسليم الشحنة وفجأة سمعو صراخ نور القادم من حجرة حور المقابلة لهم وهي تصيح

نور ب صراخ : حور فاقت يا كرم حور فاقت

لم ينتظر ثانية أخري وركض الي غرفة معشوقته وخلفه نوح وباسل فتح الباب بسرعة ودلف الي الغرفة وجد نور ونجمة كل منهما تجلس جوارها من جانب ونجمة تقبل يدها ب فرحة ونور تمسح على شعرها ب حنان ودموعهما تنزل ب غزارة ويعلو وجوههم ابتسامة

نور ب ابتسامة ولكن دموعها مازالت تنهمر : حور فاقت ونادت عليا يا كرم ..... اتصل ب الدكتور بتاعها بسرعة يجي

نظر لها كرم ب ضياع عقله لا يكاد يصدق ما يحدث معه هل معشوقته افاقت بعد كل تلك السنين وأخيرا اشتاق ل رؤية ابتسامتها الجميلة التي تنسيه غضبه اشتاق ل عينيها التي يصبح تائه فيها اشتاق ل صوتها الحنون اشتاق لكل شيء فيها انتشله من افكاره تلك صوت معشوقته وهي تردف ب صوت ضعيف هامس يكاد يكون مسموع

حور ب همس ضعيف : كرم ... ف .... فين

اقترب منها ب لهفة وهو يردف

كرم ب لهفة : انا هنا يا حوريتي

حور ب همس : خليك جمبي يا كرم متبعدش عني

كرم ب حب : مقدرش ابعد عنك يا حوريتي ده انتي روحي اللي ما صدقت إنها رجعتلي ولا يمكن افرط فيكي تاني

نور ب حنان وهي تمسح على شعرها : مش كرم بس اللي جمبك احنا كمان معاكي يا حورية

حور ب همس ودموع : سامحيني يا نوري ..... سامحيني على الوجع اللي سببتهولك يا توامي ...... كنت حاسة ب وجعك دايما بس مقدرتش ارجعلك واعرض حياتك ل الخطر ..... خوفت عليكي يا نوري

نور ب دموع : مسمحاكي يا حورية مسمحاكي يا قلبي

نظرت حور إلي نجمة التي كانت تبكي ب شدة وهي تمسك يدها

حور ب همس ودموع : نجمتي الحلوة متعيطيش انا جمبك أهو

نجمة ب بكاء : متسبنيش تاني يا حوري

حور ب همس ودموع : عمري ما هسيبكو تاني ابدا يا نجمتي ..... انا رجعت وهصلح كل حاجة

نور ب ابتسامة وهي تمسح دموع حور : لا اسمها هنصلح كل حاجة احنا التلاتة سوا صح يا نجمتي

نجمة ب ابتسامة وهي تمسح دموعها : صح يا نوري

واحنا ملناش دور معاكو اردف بها نوح وباسل

حور ب تساؤل : مين دول يا نوري

باسل ب تذمر : انتو جايبنا نتهزق هنا يا جدعان ازاي متعرفناش

نوح ب غيظ : هتعرفنا منين يا أهبل وهي في غيبوبة من خمس سنين

باسل ب تذمر : ولو ولو لازم تعرفني