First Tragedy 2 - Hindi Short Story

Aarav Ki Insecurities

....Jaisa ki hum jante hai ki Mehak ke pure school ke dosto ko sath dekh Aarav insecure ho jata hai aur bechaara na toh Mehak ko friendship band de paaya aur na hi diary...
Din beet gaya aur raat ka waqt aaya,
Aarav soch raha tha jo aaj hua aur usne decide kiya ki Mehak se dur hi rahe kyunki uski society alag hai aur Aarav ki alag.
Toh uske baad Aarav ne Mehak ko ignore karna shuru kar diya.
Par pyar ka kanta toh lag chuka tha par Aarav yeh man-ne ko taiyaar nahi tha.

Dekhte hi dekhte unke 12th ke exams ho gaye.

Pankaj: Dekh bhai! Aaj last exam hai, iske baad shayad tujhe apne dil ki baat kehne ka mauka na mile. Tu keh kyu ni deta usse that you like her.

Aarav: Nahi yar Pankaj...Me usko nahi keh sakta

Pankaj: Kyun itna fattu hai tu...???

Aarav: Yehi samaj le yaar...Waise bhi me uske liye kisi bhi angle se perfect nahi hu

Pankaj: Tu aisa mat soch...Meri baat maan aaj aakhri din hai exam ka...woh bhi yehi hai tu bhi yehi....Aaj bol de usse. Apni feelings batane me kyu itna darr rhaa hai tu

Aarav: Pankaj...!!! Me nahi keh sakunga yaar...tune uske hanste chehre ko theek se dekha nahi...Shayad usse kisi Aarav ki koi zaroorat nahi...Aur me bhi itni achi ladki ke layak nhi hu.

Itna keh kar Aarav chala jaata hai...
Aarav ne inn sab baato se dhyaan hataane ke liye alag alag cheeze karna shuru kar di. Aarav ko bachpan se diary likhne ki aadat thi. Aur uske sath sath ab usne music aur art ki taraf bhi interest develop kar liya.

25 January 2020

Aarav aur Ronit ne ek art club ki shuruwat ki aur uspe focus karne lage.

Aarav bhi apni feelings dil me chipaaye bas apna kaam kiye jaa raha tha...

Ronit: Waise ek baat bata ...Kaisi hai woh ladki?

Aarav: Konsi ladki?

Ronit: Arrey yar jiske liye tu kabhi gift plan karta tha kabhi surprise plan

Aarav: Arrey toh yaar woh school ki baat thi...School khatam ho gaya na kabka...Ab kya batau tereko

Ronit: Ek second. Kya bola tune school ki thi? matlab humare school ki?

Aarav: Han

Ronit: Kya han! aur tune mereko bataya nahi.

Aarav: Batane jaisa kuch tha hi nahi...

Ronit: kya matlab? tune usko bataya nhi ki tu pasand karta hai usko?

Aarav: usko kon pasand nhi karta yar...par matter yeh karta hai woh kisko pasand karti hai...aur woh me toh bilkul nahi hu

Ronit: par thi kon woh?

Aarav: Apne hi sath thi yar Mehak

Ronit: Mehak Aggarwal?

Aarav: Han yar! ek hi toh mehak thi

Ronit: bahut bada wala woh hai tu....

Aarav: kya matlab...

Ronit: Arrey yar usko itna ache se me nhi janta tha par woh Soniya unke group me hoti thi....

Aarav: wahi toh...uska group tha modern type...aur mereko dekh... me kis angle se tereko uske liye perfect dikhta hu...

Ronit: Tu uske liye kitna perfect hai uska toh mujhe pata nhi par yeh zaroor kahunga ki tu ab apne aap ko sambhalna...

Aarav: apne aap ko sambhalna matlab?

Ronit: Dekh jaise tu usko bahut like karta tha na...waise hi woh kisi aur ko like karti hai...par tu tha fattu tune usko kabhi kaha nahi par jo agla banda tha usne keh diya...aur woh ache bhale relation me hai.

Aarav: hi gayi teri bakwaas shuru...abey kabhi toh serious hua kar.

Ronit: me serious hi hu...school me aane ke maybe 1 saal baad uska relation start ho chuka tha aur yeh baat me uska group hum sab jante hain...Tu agar uss waqt mujhe bata deta toh aaj case alag hota.

Aarav: tu itna sure kaise hai ki woh relation me hai.??

Ronit: kyunki jiske sath woh relation me hai woh unhi ki gang i mean unhi ke jaan pechan ka banda hai aur usko me bhi ache se janta hu...

Aarav: tu uss ladke ko kabse janta hai

Ronit: yar mera utna baat cheet wala scene nahi hai par mereko malum hai unke baare me sab...aur aisi cheeze sabse pehle mujhe pata chalti hai...tune meri qualities ko nazar-andaaz karke galti kar di.

Aarav: Ladka kaisa hai?

Ronit: dekh bura mat manna par tere se toh acha hai aur chaalak bhi hai....par hai ek number ka ladkibaaz.

Aarav: Ladkibaaz matalb?

Ronit: yaar matlab yaar ab iss umar me apko apna jeevan sathi toh mil nahi jaata na...aur woh waise bhi timepass wale department se hai

Aarav: Toh Mehak ko bata de?

Ronit: dimaag kharab hai tera...tu batayega aur woh maan jayegi...juthe khaane hai kya tereko...

Ab yeh sunke Aarav ke neeche ki zameen maano khisak gayi ho.
Mehak Aggarwal jisko woh ignore karne ki koshish karta raha ab woh iska sukh chain lene wali thi...iska bechaare Aarav ko koi andaaza nahi tha...

(To Be Continued)

Written by
Abhishek Singh Rajput