...Aarav toh bhai doob gaya apne hi khaayalo ki duniya me.
Woh janta toh tha aisa kuch ho sakta hai par iss baat ke liye ready nhi tha ki aisa kuch itni jaldi hoga.
Aarav ne yeh saari baat Pankaj ko batayi...
Pankaj: tu dekh yar in sabke baare me jayada mat soch. har kisi ki apni life hai aur agar samne wala khush hai toh tu bhi khush reh...samja
Aarav: theek hai yaar! bye
[Call disconnects]
Chalo humare Aarav ki kismat upar wale ne kaafi fursat se likhi hai.
Ab Aarav ne socha ki chalo kum se kum Mehak toh khush hai bas woh humesha khush hi rahe...
Aur Aarav ne wapas se apna focus rakha apne kaam pe.
Aarav aur Ronit ne ab apne college ka music band bhi join kar liya tha.
Aapko bata du ki...
Aarav aur Ronit ek sath ek hi college me the. Jabki Pankaj Bangalore chala gaya tha apni MBBS ke liye.
Toh college sabki life ka important part hota hai...Chaliye Aarav ki college life pe bhi ek nazar daalte hain...Kyunki iske baad Mehak aur Aarav ka chapter wapas shuru hone wala tha jiski umeed Aarav ko bhi nahi thi.
14 Feb 2020, Valentines Day, Chattrapati Shivaji College of Sciences
11:20AM
Aarav aur Ronit apne music band ki practice ke baad playing area ki taraf jaa rahe the.
Ab Ronit ko college bas isiliye aana tha kyunki waha usko khoosurat ladkiya dekhni thi. Aisi hi kuch ladkiya uski list me thi jinko woh roz gurtaa tha aur apni aankhein sekta tha...
Ab yaha maze ki baat yeh hui ki Aarav ka high school ka ek dost Sunny jisne Higher Secondary 12th class me drop kiya tha usne admission le li same college me jaha Aarav tha.
Aur Sunny ne Aarav ko dekha aur uske paas aaya
Sunny: Tu idhar hai...
Ronit (Aarav se) : yeh item kon hai
Aarav: Yeh mere sath tha high school me phir yeh 11th 12th me kahi aur nikal gaya...aur Sunny yeh hai Ronit mere sath Higher Secondary me tha same batch.
Sunny: Yaar Aarav tu 10th ke baad bhul hi gaya hume ...na toh tu call karta hai aur na message. Tereko Instagram pe bhi kitne message karta hu bada kum jawaab deta hai tu.
Aarav: yaar me social media pe bas apne project ke baare me updates deta hu baaki jayada active ni rehta...aur jab se apna band start kiya hai humne utna time hi nhi milta yaar ...har din practice, practice aur practice.
Sunny: Acha waise tere medical subjects the toh abi kya kar rhaa hai usme tu
Aarav: Biotechnology kar raha hu filhaal.
Sunny: chal badiya! meri class ka time ho raha hai me nikalta hu tu aisa kar mereko apna number message kar de insta pe.
Aarav: han pakka!
Sunny: chal bye phir! milte hain
Aarav: okay...
Aaj Valentines day tha, aaj sab log khush the relationship wale bhi aur single bhi...relationship wale isiliye khush the kyunki ab aaj ke din unki saari kaamnayein puri hongi aur singles unko dekh ke khush ho rahe the...
Yeh sab dekh ke shayad ek hi insaan aisa tha college me jo khush toh dur ki baat hai par udaas tha...aur woh tha apna Aarav.
Ronit: kya hua! aisa muh kyu latkaaya hai tune?
Aarav: kuch nhi yar bas acha feel nhi ho raha.
Ronit: abey tu phirse uss Mehak ke baare me soch raha hai na...abey dimaag me ek baat daal le...woh apni life me khush hai aaj Valentines day hai apne boyfriend ke sath hogi usko pyar karegi...aur tere pass koi nahi hai mereko chor ke...toh beta meri baat maan aur chal wapas band practice pe....(angrily)
Aarav: han tu chal me aata hu
Ronit: jaldi karna aur khabardaar ladki ke baare me socha toh...Yaad rakh ladki, bus aur train ek jayegi dusri aayegi...
Aarav: hmmm!
Ab Ronit ko yeh baat kon bataye ki ek baar jo pyaar ho gaya toh bhai usko bhulaana bahut mushkil hai... Aur Aarav bhi yehi soch raha tha ki kaash agar woh aur Mehak sath hothe toh baat hi kuch aur hoti.
Aarav ne apna phone nikaala aur Sunny ko apna number message kar diya. Tabhi WhatsApp pe ek group invitation aaya aur yeh group tha Aarav ke Higher Secondary Medical Batch ka.
Aarav ne bhi kar liya join.
Shaam ko Aarav park me chala gaya ghumne ki tabhi uske phone me ek message aata hai....
Sahi samjaa aapne...Yeh message kisi aur ka nahi Mehak Aggarwal ka tha.
Message: Hey Aarav! This is Mehak here.
Yeh message pad ke Aarav ka dimaag hi band pad gaya...Ab aage bahut badi cheez hone wali thi.
(To Be Continued)
Written By:
Abhishek Singh Rajput
आप पढ़ रहे हैं
First Tragedy 2 - Hindi Short Story
Short StoryNow let's find out where it goes. Welcome to First Tragedy (Part-2)
