First Tragedy 2 - Hindi Short Story

Waqt ka Sitam

...Aarav gehri soch me tha...iss baat ki khushi thi usse ki jiss ladki se beintehaa mohabbat karta hai woh khush thi bas dukh tha usse toh iss baat ka ki apne pyar ka izhaar woh kabhie kar nahi paaya.

Aarav ne phone lagaya Ronit ko aur kaha ki chal running ke liye chalte hai taaki mood fresh ho jaye.

Ronit: kya baat ho gayi aaj itni jaldi running ke liye bhula liya tune.

Aarav: kuch nahi yaar...bas ghar pe mann nhi lag raha tha toh socha chalo bahar se ho aaye...

Ronit: han yeh tune sahi kiya..waise bhi iss time kaafi soni soni kudiya aati hai running ke liye chal dono chalke aankhe sekte hain...

Aarav: chup kar yaar...har waqt ladki ladki karta rehta hai...chal paas wale park me baithte hain...

Ronit: jab bhi ladki ki baat karta hu tu ignore karta rehta hai...abey mard toh hai na tu? feelings aati hai ladki ho dekh kar yan alag case hai tu?

Aarav: tu na mera dimaag mat kharab kar

Ronit: arrey mereko toh apni tension ho rahi hai kya pata tereko aadmi pasand aate ho toh me khatre me hu na phir kya pata mujhe na dabooch le tu kahi...

Aarav: tu bakwaas band karega apni...

Ronit: aarey yar me toh bas tera mood light karne ki kosh kar rhaa tha...
waise kya hua kuch pareshaan sa lag rhaa hai tu...

Aarav: kuch nahi yar...bas aise hi

Ronit: Bata de ab kya bhai se chupaayega...waise bhi aaj kal kaafi baate chupaane lag gaya hai tu merese.

Aarav: Aisa kuch nhi hai yar...

Ronit: toh bata phir kya hua

Aarav: kuch ni...kal shaam ko park me tha me tab Mehak ka message aaya tha

Ronit: kyun? matlab tereko kyu kar rhi hai woh message

Aarav: yaar woh humare school ka group banaya hai inn logo ne mereko bhi usme add kiya tha toh waha se shayad usne mereko contact kiya...

Ronit: phir aage kya hua

Aarav: kuch ni bas thodi si baate hui...phir usne khud hi bata diya ki woh relation me hai

Ronit: kaha tha maine tereko pehle se...uska already relation hai ....Aur tu ladki ki wajah se itna kya khud ko torture kar rhaa hai...bola tha na tereko...ladki bus aur train inke peeche kabhi ni bhaagte...

Aarav: uski wajah se koi torture ni de rhaa me khudko...woh toh humesha se meri khushi ki wajah bani hai...mujhse ache se baat karti hai, care karti hai...

Ronit: aankhein khol akal ke andhe woh sabse ache se hi baat karti hai tu koi special case nhi hai...aur koi tere se 2 min ache se baat kya kar le tu mohabbat karna chalu ho jaata hai usse

Aarav: aisa nhi hai yar ...maine thodi socha tha me kuch aisa karunga.. aur toh aur maine usse jayada baat bhi nhi ki aur apne kaam me laga raha ... par dimaag me toh soch lunga ki usse koi pyar nhi mujhe par dil ka kya karu...dil bada kamzoor hai na mera ...samjega nhi...

Ronit: tere dil ko samjaane ka bhi plan hai mere pass

Aarav: Woh kya?

Ronit: woh dekh road saamne golgappe wala...chal tera mood banate hain

Aarav: chal...

Golgappe khaane ke baad dono waha se nikal gaye...aur chalne lage...

Ronit: dekh yeh jo feelings pyaar mohabbat hota hai na yeh badi kharab cheeze hote hain...insaan ko strong nahi banati usko aur kamzoor kar deti hain...aur yeh jo aaj kal ke relationships chalte hain woh bhi ek myth hai...kuch saal relation me rehne ke baad jab matlab pura hota hai phir breakup kar lenge aur phir kahenge pyaar vyaar sab bekaar ki baate hain...
Ab yeh sab karoge tum toh kaha se milega sacha pyar....aur ek baat yaad rakh sache pyar karne walo ko milta hai toh bas dukh aur takqleef... Sunn raha hai na tu

Ronit jaise hi peeche mud ke dekhta hai toh pata chalta hai Aarav waha nhi tha aur usse 150 meter ki doori pe log ikhatta hue hain...

Ronit ghabraate hue waha jaata hai logo ke beech aur dekhta hai ki mini van ka accident hua hai jisme van waha par baithe 3 logo ke sath takraa gayi ...aur unn me se ek tha Aarav....
Khoon me lipta hua usko dekh Ronit ko samaj nhi aaya ki kya karu...

Ronit ne ambulance ko phone kiya aur kisi tarah usko hospital pohunchaya.

(To Be Continued)

Written by:
ABHISHEK SINGH RAJPUT