عشق السيف

البارت الثالث

زينة :بابا انا كنت عايزة يكون ليا مكتب كبير في كل شركة فيها اسم الالفي
محمود :زوزو يا حبيبتي ده اكيد اللي هيحصل
زينة: لا بابتي انا عايزة يكون ليا المكاتب دي النهارده
محمود :صعب يا زوزو
زينة :هو اكيد صعب ...بس عليك مظنش
محمود: طيب هحاول وانتي المكتب ده هيكون بتاعك اي مكتب ليا في الشركات هيكون بتاعك
زينة :طب واحمد
محمود:انتي ناسية يا زوزو ان احمد ليه مكتب فكل شركة بس الشركة دي انا بعمله مكتب هيخلص بكره ان شاء الله
زينة :ان شاء الله
محمود :مقولتليش يا زوزو ...ايه اللي هب في دماغك ما انتي كنتي بتقولي انا دكتورة ازاي ابقى مهندسة
زينة :بابتي ...انا محدش يتوقعني
محمود:هههههه ....على راحتك يا بت ايمان مش عايزة تقولي بلاش
زينة :هههه ماشي يا حوده ...يعني انا بت ايمان بس
محمود: لا وبنتي طبعا واختي وكل حاجة
زينةوهي بتحضنه :حبيبي يا حوده
احمد:احم احم....يا دي العشق المفقوع
زينة :بابتي وانا حره فيه
احمد :طيب يلا بالسلامة يا ختي علشان عايز بابتك
زينة :لا يا حبيبي انت اللي يلا بالسلامة من مكتبي
احمد:مكتب مين يا روح امك
محمود :انت ياض اتلم ايه اللي بتقول عليها دي امك يا كلب
احمد :يعني انت وقفت معاها يا حوده ....ماشي
محمود:وانا من امتى وانا بقف معاك يا اهبل
احمد :معاك حق والله..ههههههه
زينة :انت اللي بتتشتم
احمد:عارف ...هههههههه
زينة :هههههه..وبتضحك
احمد:اهبل بقى تعملي ايه ههههههه
زينة ومحمود :ههههههه
محمود :ها يا احمد كنت عايز ايه
احمد :هو البريك امتى
محمود :البريك....وانت بتسأل يا موكوس عن البريك من دلوقتي
احمد:ليه هو بدري اووي
محمود :انت مش ملاحظ انك لسه جاي الشركة
احمد: هو السؤال حُرم
محمود :امشي ياض من هنا
احمد :ماشي يا اخويا متزقش
***************************************
(احمد طلع)
زينة:بابتي انا عايزة الورق اللي يخص ميتنج النهارده
محمود :في الفايل اللي قدامك
زينة :اوك يا حودة
محمود :انا خلاص مبقاش ليا مكان اروح عند محمد
زينة:هههههههههههه
(محمود طالع لاقى محمد في وشه )
محمود:خير يا محمد
محمد:مبقاش عندي مكتب
محمود :القلوب عند بعضها انا كمان مكتبي زوزو اخدته وانت مكتبك مين اخده
محمد:انا اديته لادهم ابن ال..... مكنش عايز ياخده بيقولي انا كده مبسوط عايز يصيع الكلب
محمود :طيب تعالى نروح قاعة اجتماع الشركاء نقعد فيها(راحوا القاعة زينة قعدت تقرأ الملف علشان سيف ميبقاش عارف اكتر منها كمان علشان متبقاش زي الاطرش في الزفة )

****************************************************
عند سيف
لارا :هدخل زين بيه ....اوك
سيف :اوك
زين :سيف باشا
سيف :اتفضل يازين
زين :واحشنا مبتسألش ليه
سيف :مشاغل
(طول الحديث ده وعنيهم بتبص لبعض بتحدي وغل)
****************************************************
(زينة خلصت وفهمت المشروع عايز ايه وخطر في بالها لازم تحرج سيف مرتين زي ما احرجها قالت هحرجك مره قبل الميتنج والتانية في الميتنج راحت وسألت واطأست وعرفت ان سيف عنده حد فقالت دي انسب فرصة راحت عند مكتب سيف وداخلة لكن صوت منعها)
لارا :مينفعش تخشي يا استاذة حضرت ملكيش معاد
زينة :انتي مش عارفة انا مين
لارا :لا بقى والله معرفش مين انتي يا شاطرة 
زينة :انا زينة محمود الالفى يا غندورة
لارا:احم احم احم احم.....انا متأسفة يا استاذة زينة
زينة :عادي .....وسعي بقى
لارا :بس سيف بيه عنده حد
زينة:على مسئوليتي
لارا :انا مليش دعوة ده اكل عيشي يا استاذة
زينة :متخافيش ...وسعي
(لارا وسعت لزينة زينة خبطت على الباب وسيف فكرها لارا وقالها ادخل واتفاجأ لما لقى زينة في وشه)
سيف :ايه اللي جابك هنا
زينة :عوزاك
(زين لف يشوف مين لقى واحدة جميلة وغمازاتها حلوة )
زين :اهلا انا زين.. ومد ايده يسلم
ومدت ايدها زينة :اهلا انا زينة
(وطبعا مش عايزة اقول احساس سيف خلينا ساكتين شوية احسن يهيج علينا احنا كمان )
زين :ايه الصدفة دي
(كل ده زين ماسك ايديها وسيف عينه على ايديهم)
سيف بدأ يحاول يسيطر على نفسه وهو عمال يفرك في راسه على امل انه يهدأ نفسه ....سيف :مش ناويين تشيلوا ايديكوا.... انا مكتبي مش مكان للتعارف
(زين بص على ايده وبعدها قام سحب ايده ....سيف اصلا مش بيطيق زين وكذلك زين ...بس الشغل جمعهم زين ده كان مع سيف في الجامعة وبعدها محمد ابو سيف خده خلاه مدير فرع الشركة في اسكندرية علشان كان متفوق وسيف ساعتها مكنش قال لوالده على  الموقف الزبالة اللي عمله معاه )
فلاش باااااااك
:سيف حبيبي انا جيت
سيف: ماهي وحشتيني ياروحي
ماهيتاب :وانت كمان ....بقولك النهارده في عيد ميلاد صاحبتي اروى في night club وانا عايزاك معايا
سيف :ما انتي عارفة يا ماهي اني مش بحب الاماكن دي
ماهيتاب: ما انت عارف يا سيفو ان دي صحبتي المقربة
سيف :وانا قولتلك اني مبحبش خطيبتي تخرج حتت زي دي
ماهيتاب :ما انت هتبقى معايا يا حبيبي وهتحميني
سيف :علشان خاطرك بس
ماهيتاب: يعني وافقت
سيف :طبعا يا قلبي
ماهيتاب: حبيبي يا سيفو
سيف :قلب سيفو
(راحو الnight club )
سيف : ادخلي انتي هركن العربية
ماهيتاب :اوك ياحبيبي
(سيف راح يركن العربية بس جاله اتصال مهم فراح لماهيتاب )
سيف:معلش يا قلبي ...في مشكلة مهمة في الشركة لازم امشي
ماهيتاب بزعل مصتنع :ماشي يا سيف روح شوف الشركة
سيف :متزعليش يا قلبي والله في مشكلة كبيرة
ماهيتاب :ولا يهمك يا حبيبي روح شوف الشركة دي مصحتنا ومصلحة عيالنا لما يجو
(سيف باسها من جبينها ومشى هو في السكة جاله اتصال من ابوه )
سيف :الوو
محمد:سيف يا حبيبي خليك مع خطيبتك المشكلة حلناها
سيف :طيب يا بابا
(سيف غير اتجاه العربية ورجع تاني بس يا ريته ما رجع
راح دخل الnight club سأل عن ماهيتاب الكل قاله كانت هنا بس مش عارفين هي فين سيف قلق سأل الامن بتاع المكان ووارالهم صورتها قالوله لسه طلعة مع  الوحش سيف بيسأل وحش ايه اتقاله زين ...سيف بقى مصدوم وخايف ليكون صاحب عمره طيب تعرف عنوانه الامن بصوا لبعضهم سيف طلع لكل واحد لفة فلوس للامن و الامن :العنوان....................  سيف راح العنوان شقة مفروشة في الهرم طلع الشقة وخبط)
زين بصوت عالي:ييييه .....مين الغبي اللي بيخبط دلوقتي (وفتح الباب وهو لابس شورت بس واتصدم واتوتر لما لاقى سيف )
زين بتوتر :س... سيف خير
سيف : انت ساكن هنا من امتي
زين : بقعد هنا لوحدي
سيف :مش هتدخلني ولا عندك ضيو......مكملش كلامه سمع الصوت (وشاف ماهيتاب لابسة وكأنها مش لابسة )
ماهيتاب: ايه يا حبيبي اتأخرت ل.....مكملتش كلامها لاقت سيف واقف قدام الباب
سيف :معلش اصله معاه ميتنج مع عزرائيل يا بيبي
ماهيتاب بخوف وتوتر :س...سيف متفهمش غلط انا هفهمك (طبعا رمى الدبلة في وش ماهيتاب )
سيف: الخاتم يوصلي
ماهيتاب: يا س..سيف استنى
سيف :قولت كلمة مش هكررها (ونزل اخد عربيته ومشى ومن ساعتها وسيف بقى ميحبش انه يحب ويتحب)
خلص الفلاش بااااااك
(سيف مش عارف هو عايز يبعده عن زينة ليه يمكن علشان بنت صاحب ابوووه ولا في سبب تاني)
سيف : يلا زين انت اتأخرت ...يلا بره
زين باحراج :اااه معاك حق ...باي يا سيف ..... باي يا زينة
سيف تعديلا على كلام زين : بشمهندس سيف و دكتورة زينة... ولا اقولك بلاش زينة ولا دكتورة زينة 
زين باحراااج اكتر :اااه...سلام يا بشمهندس سيف (زين طلع وزينة مصدومة من رده فعل زين وهي مبسوووطة اصلا انه خلصها من السمج اللي كان بيتكلم فكررت مش تحرجه )
سيف :خير
زينة :معاد الميتنج
سيف: كمان ساعة
(زينة سرحت في ملامحه)
سيف :يا انسة زينة ...يا انسة
زينة: ها ..ااه قولت امتى
سيف :كمان ساعة
زينة :اوك شكرا ..ااه شكرا على رد على امم..ااه زين (وابتسمت وياريتها ما ابتسمت غمازاتها دي حكاية )
سيف :لا شكر على واجب ...بس ملكيش دعوه بيه 
زينة :اوووك (وطلعت )
(ابتسم لما طلعت وبعدها فاق لنفسه وقال لنفسه جرى ايه يا سيف اومال...... بس ده مش اي حد ده سيف المرشدي محدش يدخل مكتبه غير باذنه فلازم حد يتعاقب )
سيف بزعيق :لارا ......لارا
لارا:خير يا سيف بيه..... لارا في نفسها :يا نهار اسود انا شكلي هتمرمت
سيف :زينة اللي كانت هنا دخلت ازاي
لارا: انا مكنتش هدخلها بس هي قالتلي اسم........وقطع كلامها
سيف :انتي مطرودة. .....برة
لارا: يا سيف باش....قطع كلامها
سيف:مبحبش اعيد كلامي سلمي شغلك للانسة تالا ....بره
********************************************
لارا وهي بتلم حاجاتها وبتعيط: انا غلطانة اني صدقت حد ....متخلفة يا لارا
(زينة شافتها وراحت لها )
زينة :مالك يا انسة
لارا :اتطردت وده كان ببركة حضرتك
زينة:طب لمي حاجاتك وتعالي ورايا
لارا:لا حضرتك ممكن تتاسببسلي في مشاكل
زينة:متخفيش محدش يقدر يلمسك زينة الالفي لما يتوعد لازم توفي بوعدها
لارا :تحت امرك
(زينة وهي ماشية  ومعاها لارا قبلت محمد ومحمود )
محمد:فيه ايه يا لارا بتعملي ايه مع زينة وسايية شغلك
زينة :سيف طردها وانا عجبني شغلها فقولت اخايها تشتغل معايا
محمود :بدأتي تشتغلي ومحتاجة سكرتيرة يا زوزو
زينة :اومال هنبدأ الجد بقى يا محمود بيه
محمد :ربنا يعينك يا بنتي
زينة : يارب ...عن اذنكو
محمود ومحمد:أذنك معاكي
(اخدت لارا وورتلها )
زينة :ده مكانك من النهارده
لارا : انا متشكرة ليكي يا زينة هانم
زينة :ايه زينة هانم دي ....والله اغير رأيي
لارا :لا لا لا .....اومال اقول ايه
زينة :لوحدنا قولي يا زوزو ومعانا حد قولي يا دكتورة زينة
لارا :تمام يا دكتورة زينة
زينة :طيب جهزي نفسك هتحضري معايا الميتنج النهارده
لارا :تحت امرك يا دكتورة زينة
زينة :هسيبك انا بقى
(ودخلت زينة مكتبها تجهز نفسها للميتنج )
********************************************
عند احمد اللي كان في مكتب أدهم
احمد:يابني احنا ملناش دعوه بالكلام ده
ادهم: احنا لازم نروح نقدم استقالة
احمد :وهو احنا بنروح اصلا
ادهم:هههههههه...بس لازم نقدم استقالة علشان نعرف راسنا من رجلينا منبقاش متمرمتين كده وكمان علشان نروح السيكو سيكو
احمد :ومالو طلما السيكو سيكو هيتأثر يلعن ابو اللي عايزين يشتغله ..هههههههه
ادهم: خلاص بكرة نروح الجهاز نستقيل
سيف:دول هيبوسوا ايديهم وش وضهر علشان خلصوا منكوا (وقعد على الكرسي اللي قصااااد احمد)
احمد:ليه بقى ان شاء الله و احنا الا والا
ادهم: لا يابني سيبك منه احنا احسن ضباط مخا...سيف قطع الكلام
سيف :انتو احسن ظباط ايقاع
ادهم واحمد :مااااااشي يا سيف باشا
ادهم:اتفضل بقى من مكتبي
سيف :لا والله انا اللي هموت وقعد
سيف وهو قايم يمشي : جهز نفسك الميتنج بعد ربع ساعة..اااه مبروووك على المكتب (ومشى)
احمد :يلا نروح نستنى الوفد
ادهم :يلا ....ده وفد روسي يعني هيبقى احمر على ابوه يا صواريخ
احمد:هههههه ...يلا
(كل اعضاء الشركة وصلوا الا زينة وسيف زينة كان جايبة الورق وسيف مبيحبش يجي غير في معاده بالظبط علشان مبيحبش الانتظار )
سيف دخل وزينة قابلته سيف اتصدم واتعصب لم لقى لارا جاية مع زينة
سيف بعصبية :انا مش قولتلك بره
لارا خافت وزينة حست بخوفها زينة :انت مالك ومال سكرتيرتي
سيف :دي كانت السكرتيرة بتاعتي
زينة :انت قولت ايه ....كانت يعني ملكش حق تتكلم معاها كده
سيف :والله بتتحديني يعني
زينة :اللي انت شايفوه
سيف :قبلت التحدي
زينة: نتقابل بعد الخسارة ان شاء الله
سيف :بيتهيألك ....مش سيف المرشدي الي يخسر
زينة وهي داخلة القاعة ووراها لارا: هنشوف
سيف :هنشوف
(بعدها دخل هو تالا)
محمود :يلا يا زينة الوفد وصل الشركة ثواني وهيكون في القاعة
زينة :اهوه جيت يا بابي
(الوفد دخل وكان معاه مترجمة اول ماشفت سيف اعجبت بيه )
الوفد عرض افكاره
سيف : بس احنا مش موافقين على بند العماير المتفرده
ده هيقلل من الشكل ومن الخدمات والتكلفة هتكون كبيرة لو عاملنا الخدمات دي لبرج واحد
المترجمة : وانا معاك جدا يا مستر سيف
زينة : وهو حضرتك بتشتغلي ايه
المترجمة :بترجم للشركة
زينة بغيظ: طيب ترجمي احنا اكيد مش هنسيب رأي المدير ونهتم برأيك ...لو مش عارفة تقومي بدورك انا ممكن اترجم وبعرف اتكلم روسي كويس
سيف بتريقة :ما شاء الله
زينة بصتله من تحت لفوق وبعدها قالت للمترجمة :ايه مش ناوية تترجمي ولا ايه
المترجمة :حالا
وبعدها ترجمت للوفد
( زينة بدأت تشرح الافكار اللي عندها سيف اعجب بشطارة زينة و انها فاهمة  الموضوع و كأنها حاضرة الوضوع من اوله وفاهمة الشغل كويس وبتشرح للوفد بالروسي ....اصل زوزو مخلتش المترجمة تترجم للوفد افكارها)
خلصوا الميتنج ومضوا العقود واليوم خلص وكل واحد روح بيته
***************************************في فيلا المرشدي
سيف :ازيك يا ست الكل وباس ايديها
مرڤت :الحمدلله يا حبيبي ايه اخبارالشغل معاكوا
ادهم وهو داخل من الباب :كله تمام يا(وبص ابوه موجود ولا لأ ملقهوش )يا ميڤو هانم
مرڤت :هههههه ...بتبص ابوك موجود ولا لأ
ادهم:طبعا يا ميڤو هانم ...اصلك متجوزة واحد شراني ياحجة
لاقى ابوه جاى من وراه محمد:اااه يا كلب يا ابن ال..... بقى انا شراني ...انا غلطان اني سمحتك
ادهم طلع يجري :انا هنام يا فوفو عقبال متجهزو العشا
محمد : يا ابن ال...... انت هتجلطني
ادهم :مش عاجبك طلقني
محمد :اطلع يا وسخ علشان لو مساكتك مش سايبك
ادهم: اوكى يا بيبي
محمد :انت عايز تضرب تعالى
ادهم جرى على اوضته
سيف :استأذن انا
مرڤت و محمد : اذنك معاك
محمد :هي البت مريم مبشوفهاش ليه
مرڤت: راحت لزينة البيت
محمد: دلوقتي
مرڤت : هي استأذنت مني تنام عندهم
محمد: لا عندهم شاب في البيت
مرڤت: احمد مش في البيت متقلقش
محمد: اومال فين
مرڤت: عند عمه صابر بيعلمه الشغل
محمد بصدمة :احمد ...انتي بتهزري
مرڤت: لا جد وكمان ادهم هيتعشى ويروحله
محمد : انا بحلم صح
مرڤت : هههههههه ...لا يا حبيبي
محمد: انا هطلع اغير على متجهزوا العشا يا ميڤو
مرڤت: ماشي
************************************
احمد:الووو...يا ابو الادهميد
ادهم : الووو يا ابو حميد ....المكان حلو عند عمك صابر ..هههههههه
احمد: ههههه ..حلو اوووى..هههههه
ادهم :انت ياض متلمس الوراك دي بتاعتي
محمد طالع يغير هدومه سمع ابنه بيقول الوراك دي بتاعتي فتح الباب
محمد :اااه يا ابن ال...... يا كلب ....وراك ايه يا وسخ
ادهم : وراك الفراخ يا بابا 
محمد : وراك الفراخ...... يا وسخ يا نسونجي يا زبالة
ادهم : هي الفراخ نسوان يا بابا
محمد: انت هتضحك عليا ياله
ادهم :احمد اااهوو خد كلمه وخليه يديك عمي صابر يقولك
محمد: هات يا كلب .....الووو
احمد :الووو يا اونكل
محمد :بلا اونكل وبلا زفت .... اديني عمك صابر يا كلب انت التاني
احمد :شكرا والله يا باشا ده وسام افتخر بيه ...اهوو معاك اهوووه
:الوووو
محمد :الوو ياصابر العيال كانوا بيتكلموا عن ايه
يا صابر
صابر : عملتهم فراخ وهم بيتخانوا مين ياخد الرواك مين ياخد الصدور
محمد :احم احم ..طيب سلام
صابر : سلام
محمد:خد الفون اهوو
ادهم اخد الموبيل ومثل الحزن محمد :متزعلش خلاص
ادهم: لا انا زعلان
محمد: خلاص بقى ياض
ادهم: صلحني يا محاميحو
محمد: انت عايز تضرب يعني يا وسخ
ادهم: لا على ايه الطيب احسن
محمد سابوه وراح يغير وسيف غير كان تعبان نام
***************************************
(وزينة قعدت تحكي مع مريم عن اليوم لحد ما ناموا)
مر اسبوع  والاحوال مستقرة وجه يوم التقاعد التام لمحمود ومحمد....
************************************
ادهم:طبعا يا ميڤو هانم ...اصلك متجوزة واحد شراني ياحجة 😂😂😂 ادهومي بيضحك ضحك
بليز ادعموني وصوتوا ليا