بطلنا اسم النبي حارسه وصاينه راجل مبيحبش الكلام كتير بس عنده اخ فرفوش هتنبسطه منه طول الرواية واخته برضو عسل البطلة فرفوشة وعندها اخ عسل برضو والعلتين اغنيا واسيبكم مع الرواية
تنويه اول مرة اكتب رأيكم
قلمي /روان عادل
ايمان قامت : طيب .. نستأذن احنا بقى ميرفت : استني يا ايمان والله ما انتوا ماشيين ايمان : لأ احنا اصلا اتأخرنا .. وكمان علشان تحلوا مشاكلكوا ولما الدنيا تهدأ نبقى نيجي ميرفت : لأ ما هي الدنيا هادية اهي اقعدي ... انا اصلا كنت عايزاكي في كلام بعد الاكل .. اقعدوا بقى يا جماعة (قعدوا ) ************************************** فوق في الاوضة عند اروى و سيف سيف : انتي هبلة يا اروى تنزلي بالـ انتي لابساه ده اروى : في ايه يا بيبي .. كنت عطشانة فنزلت علشان اجيب مية .. انت بتغير عليا سيف : اروى انت عارفة كويس اني مش بغير عليكي ولا حاجة ... و ان جوازنا هيكون على ورق بس ... فبلاش التصرفات دي اكيد مش هتغريني يعني اروى قربت منه قعدت تلعب في لياقة القميص اروى : و فيها ايه يا بيبي لما يبقى على الورق والحقيقة سيف نزل ايديها من عليه : اروى للمرة التانية بقولك اوعك تكوني مفكرة انك كده بتغريني بالعكس انتي بتخليني اقرف منك اروى : طيب يا سيفو انت حر ... بس انا بقى جعانة وعايزة اكل معاكوا تحت ( وحطت ايديها على بطنها ) وكمان النونو بتاعنا جعان سيف : اخلصي البسي حاجة ... وانا مستنيكي بره بعدها بدقايق كانت بتفتح الباب : يلا يا سيف انا لبست (سيف كان نازل والمفروض هي وراه اول ما وصلوا عند السلم فوق انجيچته ) زينة شافتهم و هم نازلين زينة لمريم : الحيوانة دي برده مصرة تستفزني مريم : هى مي .. ومكملتش و باصت على السلم لاقتهم نازلين مريم لزينة : هي البت دي معندهاش دم سيف : اروى هتاكل معانا ميرفت : تآنس يا ابني ... يا عطيات عطيات جت عطيات : تحت امرك ميرفت : هاتي طبق لاروى عطيات : حاضر يا هانم ادهم قام واخد طبقه و قعد جنب احمد علشان واروى قعدت مكانه عطيات جابت الطبق حطته لاروى اروى اخدت حتة من الفراخ بتاعتها : خد يا بيبي كل دي من ايدي ز
ينة لمريم و سارة : انا غلطانة اني سبتها مريم : اهدي .. موقفك هيبقى وحش زينة : اااه اصلا مليش دعوة بيهم .. انا مالي يكش يولعوا الاتنين زينة بصت لسيف بنظرات غيط و غيره وسيف لاحظها سيف : شكرا باكل يا اروى كليها انتي اروي : لأ يا بيبي مقدرش اكل غير اما انت تاكل من ايدي الاول زينة بهمس وتقليد لاروي : لأ يا بيبي مقدرش اكل غير اما انت تاكل ... عنك ماكلتي يا شيخة ... يكش تطفحيه سارة : احنا قولنا ايه ... ريلاكس زينة : بلا ريلاكس بلا نيلة ... حرقت دمي البعيدة سيف بص لزينة لاقاها شوية وهتقوم تموتهم فحب انه يهديها مهما كان برده هو بيحبها وهي تحملت كتير سيف : خلاص بقى يا اروى قولت مش عايز اروى اتحرجت من سيف : اوك يا بيبي مريم : ايه رأيك يا بت يا زينة انتي وسارة تباتوا عندي النهاردة ونطلع على جتتها القديم و الجديد اصلا انا مش طيقاها من ساعة اما جَت سارة : بابا و ماما مش هيوافقوا مريم فهمت انها قصدها على ايمان و محمود : لا ان كان على اونكل و طنط هخلي بابي يكلمهم هيوافقوا زينة مكنتش مركزة معاهم كانت مركزة على اللي قاعدة قدام سارة مريم : زينة .. انتي مش معانا ولا ايه زينة : ايه ... لأ معاكوا مريم : كنت بقول لو تباتي معايا انتي و البت سارة وهي فرصة نبهدل امها زينة : يا ريت يا اختي يا مين يمكني منها الت دي وانا اموتهالكوا هنا مريم : احم ... بابي كنت بقول لو ينفع سارة و زينة يباتوا معايا النهاردة علشان هم واحشيني اووي ادهم في نفسه : وانا كمان والله اووي ... واحشيني اووي محمد : انتي بتستأذني ده البيت بيتهم .. اكيد ينفع ... بس ده بعد اذن اونكل محمود محمود : انا معنديش مانع لو هم موافقين ... مع اني اظن انهم متفقين اصلا الكل ضحك الا سيف لان هو متوتر من اللي زينة هتعمله مع اروى اروى موجهة كلامها لزينة : خير بتشبهي عليا يا انسة ... اصلك بصالي من ساعة اما قعدت زينة : اااه .. الحقيقة اروى : ممكن تكوني شوفتيني في مول او كده زينة : لأ ... مش في مول ... تقريبا في المستشفى كان عضمك متكسر .. مش فاكرة بالظبط ادهم لاحمد بهمس : الحق اختك يا معلم شلفت البت احمد : احسن تستاهل دي استفزتني انا شخصياً اروى : هههه ... انا لا ياحبيبتي اكيد مش انا زينة : انا بقول بشبه مش اكتر زينة في سرها : حبك برص يا مايعة سيف في سره : اهووه ابتدينا يا زينة ... ربنا يسترها (خلصوا اكل وراحوا قعدوا في الصالون ميرفت استأذنت تخش المطبخ وغمزت لايمان تخش وراها المطبخ ودخلت وراها وسيف و محمود ومحمد بيتكلموا في الشغل ودخل معاهم في الكلام ادهم واحمد اصلهم بقوا شاطرين اووي في الشغل و اروى كل شوية تتلزق في سيف ) زينة لمريم : انا هقوم اقعد جنب البت دي اديها في جنبها اخليها تلم نفسها مريم وهي بتاكل طبق الحلو : بس براحة عليها يا زينة .. البنية حامل زينة : عينيا زينة زينة قامت وراحت عند اروى : ممكن اقعد جانبك يا اروى اصلي مش مرتاحة هنا اروى : ليه ما المكان واسع اهووه زينة : مش عارفة مش مرتاحة اروى باحراج : خلاص تعالي اقعدي كانت بتوسعلها تقعد جنبها من الناحية اللي سيف مش قاعد فيها زينة : لا وسعي اقعد جنب سيف علشان عايزة اتكلم معاهم في الشغل اروى بشبه مزح : لا سيف حبيبي محدش يقعد جانبه غيري زينة بفرسة : متخفيش ياختي محدش هياكل منه حتة ... وسعي بقى وقامت قاعدة مابينهم اروى : ااه سيف بص زينة بلطف مصطنع : سوري ياروحي ...بس انا قولت وسعي وانتي اللي عملتي فيلم هندي .. عشيقي سيف لف وشه وضحك بصمت وكمل كلام معاهم وزينة كمان بدأت تتكلم معاهم في الشغل ميرفت و ايمان طلعوا من المطبخ بعد ما ميرفت حكت لها عن اروى وسيف ايمان : مش يلا ولا ايه محمود : يلا ... عن اذنك يا محمد محمد : ما انتو قاعدين محمود : لا معلش نستأذن احنا .. سلام محمد : مع السلامة ايمان : يلا يا احمد علشان تاخد هدوم لزينة و سارة احمد : حاضر يا ماما و روحوا سيف : يلا يا اروى علشان ترتاحي اروى : يلا يا بيبي اصلي تعبت اووي النهاردة سيف كان هياخدها من ايديها علشان يطلعها اوضتها زينة : تعالي يا حبيبتي انا اطلعك اروى : لا يا حبيبتي سيف موجود ... شكرا يا .. يا طنط زينة : طنط .. شكرا لذوقك يا محترمة ... على عموم انا اصغر منك بكتير يعني انا اللي اقولك يا طنط اروى : انتي جاية تهزقينا في بيتنا يا بت زينة : لو انتي ملاحظه انتي اللي بتهزقيني .. يلا يا سارة ميرفت : استني يا زينة انتي راحة فين زينة : مروحة يا طنط انا اسفة مش هقدر اقعد اكتر من كده ميرفت : استني يا بنتي ده بيتك .. ده هي اللي ضيفة عندك زينة : لأ يا طنط ده مش بيتي وانا مش متربية اني اهزق حد قدام الكبار .. دي مش تربيتي اروى : تربية ايه يا بيئة .. هو انتي متربية سيف بزعيق: اطلعي على فوق يا اروى اروى : مش طالعة يا سيف سيف بتزعيق : اطلعي فوق ... مش سيف المرشدي اللي يتقاله لأ اروى اخدت نفسها وطلعت فوق وهي بتبص لزينة نظرات نظرات حقد وغل وزينة بترقص لها حواجبها و بتبتسم لها ابتسامة مستفزة (عذرا يا ادم ان غيرة اذا تملكت من حواء فانها تثور وتتحول من ملاك الى شيطان فاحذر حواء اذا غارت) اروى في نفسها : والله ما عرف زين حب فيكي ايه اصلا مريم : عيب كده والله يا سيف احرجتنا قدام الناس و كل شوية بيبي ومش بيبي .. دي اروى دي ولا بلوة .. متقولك كلمة يا بابا محمد : مريم يا حبيبتي خدي صحابك واطلعي اوضتك مريم : حاضر يا بابا .. يلا يا زينة يلا يا سارة زينة : انا اسفة يا مريم انا مش هقدر اقعد هنا ثانية واحدة محمد : احنا اسفين ليكي يا بنتي معلش زينة : متعتزرش يا اونكل انت زي بابا محمد : كلك ذوق يا بنتي .. يلا اطلعوا الاوضة مريم اخدتهم وطلعوا فوق *************************************** في اوضة مريم مريم : عفارم عليكي يا زيزي زينة : عيب عليكي هو انا اي حد سارة : ده انتي مصيبة .. ده انتي اللي غلطانة ولبستيها للبت زينة : يا بنتي ده انا زينة الالفي ... اللي محدش يتوقعني ضحكوا كلهم مريم : عيطي يا زينة زينة : اعيط ليه ان شاء الله مريم : عيطي يا زينة زينة دخلت في حضن مريم وقعدت عيط وكأنها معيطتش من ساعة اما اتولدت سارة : انتو قلبتوها غم كده ليه مريم : سيبيها يا سارة .. هتفضل كتمة في نفسها .. دي صحبتي وانا عارفاها مريم مكنتش متوقعة ان زينة هتعيط ياما اووي كده لدجة ان مريم و سارة عينيهم بدأت تدمع على عياطها ************************************ في فيلا الالفي وصلوا الفيلا ايمان : هطلع اجيب الهدوم و انزل يا احمد احمد : ماشي يا ماما ايمان طلعت جابت الهدوم ونزلت ايمان : خد يا حبيبي الهدوم اهي احمد : تسلم ايدك يا ست الكل محمود : متتأخرش علشان عايزك في شغل ... وهات الواد ادهم معاك احمد: حاضر .. سلام يا ماما .. سلام يا بابا واخد العربية و مشى ************************************** عند اروى في الاوضة اروى : الوو يا زين زين : ايه الاخبار عندك اروى : البت اللي انت بتحبها دي مستفزة زين : اوعك تلمسيها او تعملي لها حاجة .... بعدين انتي قابلتيها فين اروى : عيلتها كانوا معزومين و البت اللي اسمها مريم اخت سيف مسكت فيها هي وبت كمان يباتوا معانا النهارده زين : اممم ... اياكي تقربلها فاهمة ... هدفنك مكانك اروى : متخفش عليها اووي مش هاكلها يعني زين : لو مخفتش عليها اخاف عليكي مثلا ... انا قولت كلمة ولو عملتي لها حاجة والله ما هرحمك اروى : مش هعملها حاجة زين : سلام ..... وقفل حتى مستناهاش ترد اروى : سلا.... ( تيت تيت تيت ) اروى : ييه هي الناس كلها مش طيقاني النهارده ليه *********************************** عند زين : زين اشمعنى دي يا زين اللي بتعمل ده كله علشانها زين : حبيتها يا بت يا ميار لدرجة اني بعدت عن كل اللي اعرفهم علشانها و كل اما ابقى مع واحدة غيرها بحس اني كده بخونها وبزعل من نفسي اووي ميار : وهي مش حاسة بيك يبقى ايه لازمة ده كله زين : قريب هتحس بيا ... قريب *************************************** في فيلا المرشدي محمد : سيف يا بني مش هينفع اللي اروى بتعمله ده سيف : انا اسف نيابة عنها .. بس هعمل ايه يا بابا هي حامل وانا مش عايز اعملها حاجة علشان البيبي ميرفت : وانت ايش عرفك ان ده ابنك .. لازم نعمل لها تحاليل علشان نعرف محمد : امك معاها حق يا سيف بكرة تاخدها مستشفى المرشدي .. وانا هنبه عليهم محدش يطلع اي خبر بره سيف : حاضر ... انا هطلع لها اعرفها غلطها و هقولها تجهز نفسها بكرة ... عن اذنكوا ميرفت و محمد : اذنك معاك يا ابني ************************************** عند اروى الباب خبط اروى : اتفضل سيف : اللي انتي عاملتيه النهارده لو اتكرر هيكون ليا كلام تاني اروى : انا عملت ايه لكل ده يعني يا سيف سيف : قعدتي تهزيقي في البنت من غير اي سبب .. استني و قال ايه بيتك .. بيت مين يا عسل .. انتي اصلا ضيفة اروى : مش قصدي يا بيبي هي اللي استفزتني سيف : تعرفي لو سمعت كلمة بيبي او سيفو دي منك قسما بالله هزعلك اروى : انت قلبت عليا يا سيف سيف : وانا من امتى مش قالب عليكي اروى : حاضر يا سيف سيف : جهزي نفسك بكرة هنروح نحلل اروى بتوتر : نحلل .. نحلل ليه سيف : انتي شايفة نفسك ايه ... انا ايش عرفني انك حامل مني .. هنحلل تحليل DNA اروى : انت مش واثق فيا يا سيف سيف : انا اثق فيكي ليه ... انتي ناسية انتي مين ... وبعدين لو انتي واثقة من نفسك هتحللي اروى : واثقة من نفسي طبعا سيف : جهزي نفسك بكرة وخرج اروى : يا نهار اسود .. انا لازم اتصل بزين ومسكت موبايلها واتصلت بزين *************************************** احمد وصل الفيلا عند مريم وخبط على الباب ميرفت : افتحي يا عطيات عطيات : حاضر يا هانم وفتحت الباب احمد : مساء الفل يا تيتو عطيات : مساء الخير يا احمد بيه .. اتفضل ميرفت : مين يا عطيات احمد : ده انا يا طنط ميرفت : تعالى يا احمد .. اتفضل احمد : يزيد فضلك ودخل احمد : انا جبت اللبس للبنات ميرفت : طلعوا لهم يا ابني احمد : عيوني احمد طلع اوضة مريم خبط على الباب مريم : مين احمد : احم ... انا مريم : تعالى يا احمد احمد دخل احمد : الهدوم اهي زينة : شكرا يا ابو حميد احمد و هو مركز على مريم : ده انا اللي شكرا اووي .. شكرا اووي زينة : ههههه .. طيب يا اخويا يلا ... المركب اللي تودي احمد : كده يا زينة .. ماشي احمد وهو بيقفل الباب : سلام يا روما .. سلام يا سوسو ادهم وهو نازل لمح ادهم طالع من اوضته احمد : انت ياض يا ادهم ادهم : يخربيتك ... فجعتني ... انت ليه مصمم متشفش عيال اخوك احمد : ليه هو انا عملتلك ايه ادهم : كل شوية تفجعني .. لحد ما هتقطعلي الخلفة احمد : مش وقته يا اخويا خلفة ...ابويا عوزني و عايزك ادهم : ليه احمد : مش عارف قالي وانت جاي هات معاك ادهم ادهم : اسبقني وانا جاي وراك احمد : طيب متتأخرش و نزل احمد : سلام يا اونكل .. سلام يا طنط ميرفت : ما تقعد شوية احمد : لا .. علشان بابا عاوزني محمد : طيب .. يلا يا اخويا مع السلامة احمد : ماشي اهووه ... متزقش ومشى محمد : نفس لامضة الواد ادهم ... هيجلطوني الاتنين ميرفت : ليه كده يا محمد تكلمه كده محمد : متشغليش بالك انتي بيهم .... الا بقولك ميرفت وهي بتعمل حاجة بإبرة التريكو : امممم محمد قرب منها : انتي بتعملى ايه ميرفت : بعمل چاكيت لابن سيف علشان لما يجي يلبسوه محمد : طب .. ما تسيبك من ابن سيف وركزي مع جده ميرفت باحراج : الله ... عيب يا محمد في ضيوف في البيت ... و بعدين العيال موجدين يشوفونا يقولوا ايه محمد : هيقولوا واحد و مراته هيقولوا ايه يعني وقرب منها اكتر ميرفت : ييه .. بس بقى ادهم : لأ بقى ده انا اللي متخصص اداب ... متسيطر على مشاعرك الجياشة دي يا محمد بيه ... عيب كده والله محمد : ااه يا وسخ ... غور من وشي ادهم : غاير يا اخويا .. بس كنت بقولك انا رايح عند اونكل محمود عايزني محمد : يلا في داهية انت والبلوة التاني اللي سبقك ادهم وهو خارج : متشكر يا حج والله مش عارف اقول ايه *************************************** في اوضة مريم مريم : هسيبكوا تغيروا هدومكم انا بقى زينة : ماشي يا ميرو مريم خرجت وقفلت الباب زينة اخدت هدومها ودخلت الحمام تغير و سارة غيرت في الاوضة ************************************** في اوضة اروى اروى : الووو يا زين زين : ايوة ... في ايه اروى : سيف بيقولي بكرة هحلل تحليل DNA زين : اكيد كان هقولك كده يا متخلفة .. انتي عارفتي انهي مستشفى هتروحوا اروى : لأ زين : طيب اول اما تعرفي قوليلي علشان اتصرف اروى : اوك ... بس انا خايفة احسن يعرف اني مش حامل زين : متخفيش التلقيح هنعمله قرب اروى : ماكونا استنينا لما نلقحوا زين : لو استنينا كنتي لازم تبقى بطنك كبيرة وانتي مش حامل ازاي هتبقى بطنك كبيرة في المسافة دي .. وبعدين انا جايبلك بطن صناعية تبين انك حامل عقبال ما بطنك تكبر بعد التلقيح اروى : ماشي يا زين بس بسرعة في حوارالتلقيح مريم اللي كانت نازلة بس سمعت اروى بتتكلم فراحت شوف هي بتتكلم مع مين سمعت كلمت تلقيح ففتحت الباب مريم : تلقيح ايه اروى : سلام هكلمك بعدين ... تلقيح ايه اللي بتقولي عليه مريم : انا لسه سمعاكي وانتي بتقولي تقليح اروى : ااه ... انا بقول تلقيح بتاع البيبي اول اما يتولد وكده بسأل عن التلقيحات والتطعيمات علشان لما النونو يجي ... مش اكتر مريم : اااه .. تمام .. انتي عايزة حاجة اروى : لا يا روحي شكرا مريم في نفسها : طلعت روحك يا بعيدة اروى حط ايديها على بطنها : عمتو بتسأل انت عايز حاجة عمتو سو سو كيوت مريم ابتسمت لها ابتسامة صفرا : طبعا حبيب عمتو .. انا همشي ... سلام اروى : سلام اروى قفلت الباب وراها بعد ماحطت ايديها على قلبها اروى في نفسها : قلبي كان هيقف اروى اتصلت تاني على زين زين : في حد دخل عليكي اروى : ااه .. اخت زين زين : حرصي من البت دي ... البت دي مش هبلة اروى : حاضر زين : سلام اروى : سلام *************************************** في فيلا الالفي ( في مكتب محمود ) محمود : عفارم عليكوا اتعلمتوا الشغل بسرعة ... لأ وبقيتوا شاطرين فيه كمان ادهم : الله يخليك يا اونكل احمد : مجهودك يا بابا و الله محمود : ناخد بريك بقى ونتعشا مع بعض ادهم : اهووو هو ده الكلام الصح محمود : ههههه ... تعالوا يلا ادهم لاحمد هم مشيين ورا محمود : والله انت ابوك عسل عن ابويا يا شيخ احمد لادهم : انت هتقر محمود : سمعتكوا على فكرة .. هقول لمحمد ادهم : ده انا حتى بقول عليك عسل محمود : طب ... تعالوا بعدين نشوف الموضوع ده ... ايمان ايمان : ايوه يا محمود محمود : العشا جهز ايمان : ااه .. هخلي مديحة تحطه محمود : يلا بسرعة علشان الرجالة جاعت ايمان : حاضر وقالت لمديحة تحط الاكل على السفرة ومديحة حطت الاكل على السفرة ايمان : يلا .. الاكل اتحط محمود : جايين اهووه .. يلا يا رجالة قعدوا على السفرة ايمان : مبتاكلش ليه يا ادهم .. كل يا ابني .. هو الاكل مش عاجبك ولا ايه .. ااه معاك ماهو مش زي بتاع ماما ادهم : باكل والله يا طنط تسلم ايدك ايمان : تعيش يا ابني *************************************** في اوضة مريم مريم دخلت الاوضة لاقت زينة وسارة قعدين و زينة كانت لابسة بيجامة حلوة كانت تيشرت حمالة و فوقه چاكيت تلتين كم وفيه حزام بيتربط و تحته بنطلون البيجاما بس هي قصدت متلبس الچاكيت علشان تجنن سيف
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
مريم : ايه الحلاوة دي زينة : متبلغيش سارة : متبلغش ايه ... ده انتي حركتيني انا شخصياً زينة : ااه يا سافلة مريم : طيب ... يا اختي انتي و هي يلا ننزل نساعد ماما و عطيات و الناس اللي تحت في العشا زينة : يلا وهم نزلين كان سيف نازل هو اروى وشافها وهي نازلة هي والبنات وهم لاحظوه بس عملوا نفسهم مش واخدين بالهم سيف بهمس : ابتدينا ... صبرني يا رب اروى : بتقول حاجة يا حبيبي سيف : ها .. لا مبقولش اروى : زينة .. حبيبتي زينة راحت لها هي و مريم و سارة علشان لو اروى استفزت زينة يلحقوا يمسكوها زينة : نعم اروى : am sorry زينة : don't worry .. عن اذنك اروي : اذنك معاكي يا رووووحي مريم لسارة بهمس : حرباية ونزلوا المطبخ ميرفت : ايه القمرات دي سارة و زينة : مرسي يا يا طنط ميرفت : اطعلوا عقبال ما نجهز العشا زينة : لأ ما احنا هنساعدك ميرفت : طيب .. يا حبايبي حولوا الاطباق على السفرة زينة و مريم و سارة : عيوني و بدأوا ياخدوا الاطباق و يحولوها وسيف و اروى قاعدين في الصالون اللي في وش السفرة كل شوية زينة تيجي تحول الاطباق سيف بهمس : لأ انا كده اعصابي تتعب اروى : مالك ياسيف سيف : مليش .. مليش ميرفت طلعت من المطبخ ميرفت : مريم .. يلا روحي نادي بابا من المكتب .. يلا يا سيف هات اروى يلا علشان تكلوا سيف اخد اروى : جايين يا ماما ومريم نادت باباها وقعد على رأس الترابيزة وعلى يمينه ميرفت اللي جنبها اروى وجنب اروى سيف وعلى شمال محمد مريم اللي جنبها سارة وجنبها زينة اللي قصدت تقعد قصاد سيف وتقعد سارة قصاد اروى محمد : اومال فين ادهم ميرفت : انت نسيت ان هو و احمد راحوا عند بشمهندس محمود محمد : لأ .. مش ناسي .. بس لغاية دلوقتي مجاش ميرفت : تلاقيه كان عايزهم في حاجة مهمة زينة : متقلقش يا اونكل لان ماما مش هتسيبه من غير اكل محمد : انا مش قلقان عليه عنه ماطفح .. لا هو ولا اخوكي انا بس كنت بسأل عنه علشان ميقولش اني مبسألش اروى : الا قولي يا سيف سيف مكنش مركز معاها اصلا كان مركز على البطل الاوربي اللي قدامه اروى : سيف .. يا سيف سيف : اممم اروى : انت معايا سيف : ايه ... ااه ... معاكي عايزة ايه اروى : احنا هنحلل في انهي مستشفى سيف : وانتي عايزة تعرفي ليه ميرفت : قولها يا ابني علشان تبقى عارفة برده سيف : في مستشفى المرشدي اروى : امم .. انهي فرع سيف : احنا عايشين فين اروى : في اول مصر الجديدة سيف : يبقى في فرع اول مصر الجديدة اروى : اوك ... يا حبيبي محمد : يلا كلوا مش عايزين كلام على الاكل زينة لسارة بتقليد : يا حبيبي ... يا محن امك *********************************** توقعاتكم؟! هل زين فعلا بيحب زينة ؟! ايه رأيكوا في .. سيف ؟ زينة ؟ مريم ؟ احمد ؟ سارة ؟ ادهم ؟ اروى؟ ميار ؟ محمد ؟ ميرفت؟ ايمان ؟ محمود ؟ تصويت بليييز .. ادعموني
