عشق السيف

البارت السادس

سيف اتصدم من الرسالة اللي وصلتله
سيف بعت رسالة للرقم (وانا ايه دخلي )
بعد شوية جاتله رسالة (ايه وانت دخلك ايه دي ده انت بابي بتاع البيبي )
سيف اتصدم ...عرق ..وشه جاب الالوان ازاي ده حصل
فلاش بااااك
سيف خرج من عند ماهيتاب و زين متعصب رجع البار وسهر وفي واحدة قربت منه
:سيف ازيك
سيف : اهلا ازيك يا اروى عاملة ايه
اروى : تمام ...بس انت ايه اللي جابك هنا ده انت ملكش في جو الـ night club
سيف: يعني امشي
اروى بتسرع :لا لا لا ده انت نورت حتى .... اهلا بيك في عيد ميلادي
سيف : اعذريني بقى مجبتش هدية
اروى : انت الهدية يا سيف ...ده انا مصدقتش لما قالولي انك كنت هنا من شوية .... بعدين فين ماهي
سيف : انا وماهي فركشنا
اروى بابتسامة بانت على وشها : احسن اصلا دي متستهلكش
سيف : دي صحبتك
اروى : صحبتي ايه دي بتتلزق فيا .... سيبك منها دلوقتي تعالى نرقص
سيف كان لسه هيعترض فسحبته من ايديها بدأوا يرقصوا وكانت بتتعمد تتلزق فيه وبعدها خلصوا رقص
اروى : امسك يا سيف اشرب الكاس ده
سيف : مش بشربه
اروى : دوقه حتى ده طعمه حلو .... يلا عشان خاطري
سيف اخد منها الكاس : اوك
سيف شرب الكاس واروى قعدت تديله في كاسات لحد ما سكر وبقت حالته زفت وبعدها كل واحد طلع بره على اساس انه  يروح
اروى : انت هتسوق وانت سكران كده يا سيف
سيف : ااه .. اومال اروح ازاي
اروى : تعالى يا سيف بات عندي النهارده وخلاص
سيف : لا مش هينفع اهلك يقولوا ايه
اروى : مفيش حاجة وبعدين اهلى مسافرين
اروى اخدته وركبوا عربيتها واخدته على بيتها وحصل اللي حصل
.....في الصبح
سيف صحى لقى نفسه مش في بيته وكمان مش لابس واروى اللي نايمة جانبه وفي نفس حالته  سيف وهو بيفتكر حصل ايه امبارح وبيحط ايده على وشه بعد ما افتكر
اروى صحت : صباح الخير يا بيبي
سيف : انتي مش مدركة حجم الكارثة اللي حصلت
اروى بلا مبالاة : كارثة ... حصل ايه لكل ده
سيف بصدمة : حصل ايه لكل ده ... انتي هبلة
اروى : بس بحبك ...وقربت منه وباسته من خده
سيف وهو بيبعدها عنه وبيضربها على وشها قلم : انتي مجنونة اياكي تقربي مني
سيف قام ولبس هدومه وكل ده تحت صدمة اروى وسيف ركب تاكسي وراح البار جاب عربيته وروح
فلاش باااك خلص
سيف بعتلها رسالة ( ده مش ابني اكيد يا وسخة شوفي حد وسخ غلطي معاه وهتلبسني نتيجة غلطكوا يا ****)
سيف وهو راجع الجناح بتاعه قابل احمد وسيف ولاحظه انه مش طبيعي
احمد : يا معلم بص كده على اخوك ... فيه حاجة غريبة
ادهم : معاك حق
احمد : سيف مالك
سيف : تعالوا على جناحي ... فورا
ادهم و احمد مشوا وراه وهم مش فاهمين حاجة وصلوا الجناح
احمد : فيه ايه يا بووس
سيف : انا شكلي كده هيبقى عندي ابن قريب
ادهم : الف الف مبروك يا سيف ها قررت تتجوز مين اكيد زينة اصل سااارة صغيرة عليك
احمد : وانت ايه اللي عرفك انها صغيرة عليه يا ادهم باشا بقى
ادهم : انت تسكت علشان ارضى اجوزك اختي
احمد : اذا كان كده ... معلش
ادهم : يا عم مضيعش فرحتنا ... الف مبروك يا ابو نسب
احمد وادهم حضنوا بعض
سيف بعصبية : خلصتوا ...اسمعوني بقى
احمد و ادهم بصوا بعض وقالوا : احم .... سامعينك
سيف : احم ...وحكى لهم اللي حصل والرسالة
ادهم و احمد بصوا لبعض وبعد كده بصوا له : يا نهار اسود
ادهم : سيف وانت مقلتلناش ليه لما رجعت وحكيت لنا عن زين و ماهيتاب كنا عارفنا نتصرف
سيف : اقول لكم ايه روحت غلط مع واحده ... وبعدين انا ايه عرفني انها حملت لسه عارف النهاردة
احمد : وانت ايه عرفك انها حامل منك وهو زي ما انت بتقول مش كويسة ..ممكن تكون حامل من حد تاني
ادهم : امك مش لازم تعرف
سيف : انا معدش يهمني ...خلاص
احمد : طيب نام انت دلوقتي .. والصبح يحلها الحَلَّال
سيف : انتوا كنتوا رايحين فين
ادهم : كنا هناكل .. بس دلوقتي نفسنا اتسدت
احمد وادهم : نسيبك تنام شوية
سيف هز راسه : تمام
سيف غير وحط راسه على المخدة على امل انه ينام
***************************************
عند احمد وادهم (في الجناح)
احمد : والله اخوك ده شكل حد عامله عمل يطلع من حاجة يخش في حاجة لسه سايب خطيبته من تلات شهور وبعدها واحدة تطلع حامل منه
ادهم : والله معاك حق .. يلا نام والصبح ربنا يحلها
احمد : تصبح على خير
ادهم : وانت من اهله
**************************************
في جناح البنات
سارة وهي نايمة على سريرها ومريم نايمة على سريرها  : بت يا مريم
مريم : ده انتي خدتي عليا خالص ... اتنيلي يا زفتة عايزة ايه
سارة : انا خايفة
مريم : من ايه بقى ان شاء الله
سارة : انتي مش سامعة الصوت
مريم : صوت ايه .... متخوفينيش معا.. قبل اما تكمل
مريم سكتت للحظة وسمعت صوت حد بيقول بطريقة مخيفة : مريم ... سارة ومرة واحدة النور قطع
مريم نطت على سرير سارة و بصوا لبعض وفي نفس واحد : اعااعااعااااعاااا
احمد وادهم صحوا على صويتهم وجروا على جناحهم
احمد و ادهم : في ايه يا بنا...قبل اما يكملوا
سمعوا صوت حد بيقول بطريقة مخيفة : مرحب مرحب بالضيوف
احمد وادهم : اعااعاعاعاااا
وجريوا على سرير سارة
سارة بخوف : انا بقول نطلع بره
احمد وهو بيشغل كشاف موبايله : وانا كمان
وهم طالعين بره سمعوا نفس الصوت : انتوا رايحين على فين يا حلوين ... ههههه
الاربعة : اعااعااعااااعاااا
سيف سمع صوتهم طلع يشوف في ايه الاربعة واقفين بيموتوا على نفسهم من الخوف
سيف : في ايه بتصوتوا ليه
ادهم : ف ..في حد جوة
سيف : مين ده
احمد : ش ..شبح
مريم بتذكر : يالهوي زينة جوة ليكون عملها حاجة
سيف بسرعة  دخل لقى مفيش نور بس لقى موبايل مريم على ارض شغل الكشاف لقى حد حاطط ملاية بيضة وواقف بضهره بس الظاهر الملايةوقعة لقدام شوية ورجله باينة وباين اووي انها رجل ست سيف من غير تفكير عرف انها زينة سيف في نفسه : مفيش مانع اسايرك في اللعبة يا زيزي ... زينة لاحظة وجود كشاف فلفت والملاية مكنتش تقيلة اووي كانت خفيفة يعني كان سهل اووي تعرف مين اللي واقف
زينة في نفسها : سيف ... ده اللعبة هتحلو اووي
زينة بصوت مخيف : مرحب بالضيوف
سيف وهو بيقد على السرير : مرحب بيك يا شبح بيه
زينة في نفسها : ازاي مخفش ده انا اللي بعمل المقلب خوفت
زينة بصوت مخيف : انت مش خايف مني
سيف : هو في حد يخاف من مخلوقات ربنا خلقها ده حتى عيبة
وقام شد من عليها الملاية : مش كده ولا ايه يا زيزي هانم
زينة بابتسامة سذاجة : والله معرف انك جاي وطلعت تجري على برة
مريم وهي بتحضن زينة : حصلك حاجة الشبح  عملك حاجة
سيف من ورا زينة : بقى انتوا يا رجالة تخافوا من مقلب زي ده ... رجالة ورق صحيح
احمد : مقلب ايه
سيف : الست زينة عاملة فيكوا مقلب
مريم وهي بتبعد زينة عن حضنها : بقى كده يا زوزو ...انا زعلانة منك
احمد بص لزينة : بقى بتعملى مقلب
زينة بتغيير للموضوع : مقلب مقلب .. اووه ... اووه ... ههههههههه .... انتو بتبصوا لي كده ليه 
احمد و ادهم وهم بيشمروا كمهم و بيقربوا عليها وهي بتبعد : بنشبه عليكي
احمد لادهم : السووود عيونه
ادهم لاحمد : ياولا
احمد لادهم : السوووود عيونه
سيف هو بيسحب زينة ورا ضهره : متغير الاغنية يا وحش الكون منك ليه  ... اصل الصبح اثرها نور على وشكوا وما زال منور
احمد و ادهم : احم احم احم
سيف : ايه جالكوا برد من الوقفة ...يلا كل واحد على جناحه
كل واحد راح على جناحه ماعدا زينة
سيف : هي عجبتك الوقفة ورا ضهري ولا البرفيوم بتاعي عجبك ولا ايه
زينة : ها ...لا بس خايفة اخش الجناح المفتريين اللي جوه مش هيسيبوني
سيف : اطلعى على اوضتك ... مش انتي اوضتك فوق وهم نايمين تحت
زينة : ااه ... بس انا هأمن الشر واتمشى لحد الصبح متشغلش بالك ... روح نام انت
سيف : لا والله .... اسيبك وافرضي حد عملك حاجة
زينة : انت خايف عليا
سيف : مش بالظبط كده ... انا ولدي وصاني عليكوا فاكيد عايز اكون عند حسن ظنه
زينة في نفسها : عديم الزوق انا مش عارفة حبيتك على ايه
زينة : والدك .... طيب روح نام يا سيف
سيف : قولت لأ
بدأوا يتمشوا
زينة : شكرا لانك حامتني من الواد احمد اصله شراني
سيف : هههه ... بيهزوا معاكي انتي صدقتي انهم هيضربوكي بجد ...ههههه
زينة : طب ما انت بتضحك اهووه زينا ليه على طول ساكت و مبتضحكش ... طب والله ضحكتك حلوة
سيف : انا واحد مبحبش اضيع وقتي في الكلام الاهم الفعل
زينة : بتقول حكم و مواعظ و الله
سيف : هههههه ... مش للدرجة دي يعني
زينة : تعالى نكمل كلام الصبح
سيف سكت لحظة وفهم : اممم .. اوك
زينة : تعالى الاول بس كده نجيب عصير من عند المطبخ بتاع الفندق  وبعدها نكمل الكلام
سيف : تمام
جابوا العصير
زينة : قولي بقى ... ايه اكتر اكلة بتحبها
سيف : امممم ... ممكن نقول الفراخ
زينة بتعجب : مش معقول ... دي نفس اكلتي المفضلة
سيف : يا محاسن الصدف
زينة : طيب ممكن اسأل سؤال بس متتعصبش
سيف : اتعصب ... هو انا بتعصب اصلا ده علطوا ريلاس
زينة : ده انت علطول ريلاس ... و مش بتتعصب خالص خالص ... انا اللي بظلمك ديما 
سيف : ههههههه ... قولي مش هتعصب
زينة : انت ليه بتخاف من البحر
سيف : ممكن منتكلمش عن الموضوع ده ... بليز
زينة بتفهم : تمام على راحتك ... انا هروح انام زمانهم ناموا
سيف : والله حرام ... بقى في حد بيخاف من مريم اختي الهبلة
زينة : انت شكلك مجربتش عصبيتها ...كمان مش مريم لوحدها دي سارة كمان يعني لو كنت روحت كان زمانكم شايليني على نقالة دي اختك دي استغفر الله العظيم انا مش عارفة مستحملها ازاي بوريه منها بوريه
سيف : هههههه... طيب تعالي اوصلك الجناح
وصلها الجناح
سيف : تصبحي على خير
زينة : وانت من اهله
زينة طلعت تنام وسيف فضل يتمشى لحد ما الصبح طلع عليه بيفكر لو حقيقي بيحب زينة طيب هيعمل ايه في المصيبة اللي حلت على راسه و لو فعلا الولد ابنه هيعمل ايه وقرر قرار انه هيبعد نفسه عن زينة علشان ميعذبهاش معاه و فكر ان كده راحة له وراحة لها ......
ولكن عفوا يا ادم انما راحتك في قرب حواء و شقائك في بعدها
***************************************
سيف رجع جناحه و غير هدومه
وطلع يجرى شوية وهو بيجري قابل زينة كانت بتجري هي كمان
زينة : سيف ... ازيك
معطهاش اي اهتمام و فضل يجري
زينة : ده ماله ده
زين : زينة ... صدفة هايلة
زينة : زين اهلا .. بس للاسف مش هقدر احكي معاك .. معنديش وقت
وكانت هتجري لولا اللي سمعته منه
زين : حبيب القلب هيبقى بابا قريب
زينة وقفت
زين : وقفتي يعني يا حلوة
زينة بشمئزاز : قصدك مين
زين : حبيب القلب ... سيف المرشدي
زينة : انت متخلف يا هبل انت
زين : شرسة بس حلوة 
وسابته ومشت رجعت الجناح
دخلت متعصبة و رزعت الباب و طلعت على اوضتها
مريم و سارة : مالها دي
و طلعوا لفوق
مريم : مالك يا زوزو
زينة وهي منهارة من العياط : ا..اخو..كي
سارة وهي بتهديها : اهدي و فهمينا
مريم : اهدي يا زينة وفهمينا مالو سيف
زينة و هي بدأت تهدا : اخوكي هيبقى اب
مريم بصدمة حقيقية : ايه اللي بتقوليه ده يا زينة
زينة : ده اللي زين قالهولي
مريم : وانتي صدقتيه
زينة : اخوكي اثبتلي ... قبل اما اشوف زين شوفت سيف اخوكي وقولته ازيك معطنيش اي اهتمام وبعدها قبلت زين وقالي اللي قولتهولك
مريم : ههههههه .... هو ده الاثبات اللي عندك ...ههههههه ...يا شيخة خوفتيني
زينة : مريم يعني اخوكي مش هيبقى بابا
مريم : لا اكيد وبعدين يا هبلة سيف مش متجوز
زينة : مش يمكن يكون عمل حاجة غلط
مريم : لا سيف اخويا محترم عمره ما يعملها
سارة : وانتي بتبرري بايه بقى يا ست مريم انه ميدهاش اي اهتمام
مريم : بصي يا سوسو بقى سيف اخويا ده محدش يفهمه ولا يفهم عايز ايه بس طيب و محترم ممكن وبعدين ممكن ميكونش سمعها لانه بيحوط الاير بودز  بتاعته او السماعات الرياضية و بيسمع اغاني حماس وهو بيعمل رياضة
زينة : بس اخوكي مكنش لابس اي سماعات
مريم : ممكن ما اخدش باله
سارة : صح يا زوزو .. مرمر معاها حق
مريم : مرمر ..بيئة زي ادهم اخويا بالظبط يلا على رأي المثل اتلم تنتون على تنتن واحد نتن واحد نتن والتاني انتن ... والله لايقين على بعض يا سوسو والله
سارة : انا نتنة يا مريم ماشي
مريم : لا يا قلبي انتي الانتن ... هههههه ... يلا يكش تولوا اعجابكوا ده
سارة : انا قولتلك على حاجة هتفضحيني
زينة : الله الله ... بقى بتحكوا من ورايا ... واخدتو على بعض ..سوسو ...و مرمر
مريم : اصل الهانم معجبة بأخويا ...ههههه
زينة : يا ماشاء الله والله يا نعمة الاختيار
سارة : بس بقى ... الله
زينة ومريم : ههههههههه
زينة : يلا يا ختي انتي و هي بقى علشان اغير وننزل نفطر
مريم وسارة : بس متزقيش بس
***************************************
سيف رجع جناحه بعد الجري
زين : اهلا سيف باشا
سيف : ايه اللي جابك هنا يا حيوان ... انا مش سبق وحذرتك دي حتى بصماتي على وشك
زين : انا جاي ابارك لك ... الف الف مبروك
سيف : على ايه بقى ان شاء الله
زين : انت متعرفش انك هتبقى بابا ولا ايه
سيف : اااه يا وسخ
وهجم عليه ومرمرته ضرب ادهم واحمد جُم على صوت الضرب سلكوا مابينهم
احمد : انت مابتتعلمش ولا ايه يا زين
زين : ماشي يا سيف يا مرشدي افتكر انت اللي ابتديت
واخد نفسه و مشى
ادهم : هو عملك ايه الحيوان ده يا سيف
سيف : قال ايه الوسخ جاي يباركلي اني هبقى اب
احمد : متشغلش بالك يا سيف ان شاء الله هتتحل
سيف : انتو متقولوش لاي حد ....لحد اما نشوف هنعمل
احمد وادهم : تحت امرك يا بووس
سيف : ااه ... كمان النهاردة هنمشي علشان نشوف هنعمل ايه في الموضوع وكمان في صفقة مهمة
ادهم واحمد : حاضر يا كبير تأمر بحاجة تانية
سيف : لا ... يلا روحوا انتوا ... وخدوا الباب في ايديكوا علشان اغير
احمد وادهم : حاضر
احمد وادهم راحو يشوفوا الفطار والبنات
**************************************
عند سارة ومريم
بعد ما نزلوا من عند زينة
مريم : سارة
سارة : ايه
مريم : انا طمنت زينة لكن انا مش مطمنة
سارة : يعني قصدك ان ممكن يكون سيف اخوكي هيكون فعلا اب
مريم : يخربيتك وطي صوتك تسمعنا
سارة وطت صوتها : اهووه ... طيب هنعمل ايه
مريم : بصي سيف سره مع ادهم و احمد
سارة : واحنا هنعمل ايه يعني
مريم : ما انتي لو تصبري هقولك ...انتي تحولي تخلي ادهم يتكلم و انا برده هعمل كده مع احمد
زينة : هتعملوا ايه مع احمد
مريم  بصت لسارة و اتوتروا
سارة : مفيش
زينة : مفيش ازاي انا سمعت ... وبصت لمريم ...مريم بتقول وانا هعمل كده برده مع احمد
مريم : ااه ... احنا كنا بنتفق ازاي اقول لاحمد اني بحبه
زينة بصت لسارة ومريم : مش مستريحكوا
مريم : ليه كده بس يا زوزو ده احنا طيبين حتي
زينة : اووي انتي هتقولي لي
سارة : هههههه ...طيب يلا علشان ناكل انا بطني بتصوص من الجوع
مريم وزينة : يلا
*************************************
سيف غير و راح عند البوفيه
زينة : اهووه سيف جه يلا نفطر
سيف : انا لازم امشي النهارده وانتو كمان اكيد مينفعش تفضلوا هنا لوحدكوا
مريم : خير يا سيف في ايه
سيف : علشان في صفقة مهمة ولو اخدنهاش هنخسروا كتير
زينة : هنمشوا امتى
سيف من غير ميبصلها : النهارده بليل ... جهزوا نفسكوا
سارة بهمس لمريم : هو مش مديها اي اهتمام ليه
مريم لسارة : معرفش .. بس احنا مش لازم نخليها متلاحظش الموضوع ده لحد ما نعرف الموضوع بجد ولا لأ
سارة لمريم : تمام
سيف : يلا نفطر علشان تلحقوا تجهزوا
فطروا و كل واحد راح على جناحه يحضر هدومه
************************************
توقعاتكم
مين اتصدم
مقلب مقلب ..اووه ...اووه (زينة عمرو محمد اناناسة اووي في نفسها )😂😂😂