𝐌𝐲 𝐄𝐭𝐞𝐫𝐧𝐚𝐥 𝐋𝐨𝐯𝐞 [𝙾𝚗𝚎𝚂𝚑𝚘𝚝] ✓

Foreword

Foreword

ඔහුගේ සදාකාලික ප්‍රේමය අවසානයේ දී ඔහුටම හිමි විය.

'My Eternal Love' නමැති මේ කෘතිය ගැන පැහැදිලි මනසින් හිතලා බලද්දී, මට හිතෙනවා මේක තමයි ජීවිතයේ යථාර්තය කියලා. හැම මොහොතකම අපිට ඉෂ්ට කරගන්න බැරි හීන, ඉෂ්ට කරගන්න බැරි පොරොන්දු එක්ක අපේ ජීවිතය ගෙවුණත්, අපි කවදාවත් කැමති වෙන්නේ නැහැ අපි කියවන කතාවක, අපි බලන චිත්‍රපටියක චරිතයකට එහෙම වෙනවට.

ඒ වුණත් මේ කෘතියේදී මා මිතුරිය වන කතුවරිය, ඒ සත්‍ය වෙනස් කරන්නේ නැතුව, ඒ විදිහටම කතාවේ ලියලා තියෙන විදිහට මම කැමතියි. මොකද ඒකෙන් සිද්ධවෙන්නේ, කතාවට ලැබෙන ස්වාභාවික බව වගේම සංවේදී බව තවත් තීව්‍ර වෙන එක.

කතාවේ ප්‍රධාන වීරයාගේ චරිතය කොයි තරම් නම් මාව පෞද්ගලිකවම සංවේදී කලාද කියනවා නම්, කතාව අවසානයේ මට හිතුනේ 'ඔහුගේ සදාකාලික ප්‍රේමය' මම වුණා නම් කියලා. ඒ තරමටම කතුවරිය ඔහුගේ හැඟීම් පාඨක ජනතාවගේ හදවත් අතිශයින්ම ආමන්ත්‍රනය කරන්න පුලුවන් විදිහට ආදරණීයව රචනා කරලා තියෙනවා.

මේ කෘතියේ කතුවරිය මගේ පෞද්ගලික මිතුරියක් වෙන නිසා, මම දන්නවා මේ කතාව ඇයට කොයි තරම් නම් වැදගත්ද කියලා. මොකද කිව්වොත්, මේ කතාවේ එක වචනයක් පාසාම ඇඟේ පෞද්ගලික ජීවිතයේ එක් කාලයක දී ඇයට අත් විඳින්නට සිදුවුණු සිදුවීම් ඇතුලත් වන නිසා. මම හිතන්නේ අන්න ඒ නිසයි ඇය මේ වනවිට රචනා කරලා තියෙන අනෙක් හැම කෘතියකටම වඩා මේ කෘතිය මේ තරම් ම හදවතටම ආමන්ත්‍රණය කරන්නේ.
ඉතිං මම මේ කතාව කියවන පාඨක ජනතාව හැමෝගෙන්ම වගේ ඉල්ලනවා, කතුවරියගේ චරිතය පිලිබදව තීරණය කිරීමේ අයිතිය ඔබේ අතට ගන්න එපා කියලා.

ඉතිං එහෙනම් හැමෝම මේ පොත ආසාවෙන් කියවයි කියලා මම හිතනවා වගේම මගේ මිතුරියගේ මේ අලුත් පොතට මම සුභාශිංසන එක් කරනවා. එයා අතිශයින්ම සාර්ථක වේවායැයි ප්‍රාර්ථනා කරනවා.

ස්තූතියි!

_🐞මිස් මින්ට චොකෝ🦄_