2021-05-17
මගේ සදාකාලික ප්රේමය වෙත,
ථේහ්යොනා, මම දන්නවා ඔයා ඉන්න තැනක ඉදන් මං දිහා බලාගෙන ඉන්නවා කියලා. ගොඩක් ආදරයෙන්. ඔයාට පොරොන්දුවුණා වගේම මම අන්තිමේ ලේඛිකාවක් වුණා. ඔයා මට වුණ පොරොන්දුව ඔන්න මම ඉෂ්ට කලා. ඒ වගේම එදා අපි දෙන්නා කතා වුණ විදිහටම මම අපේ කතාව ලිව්වා. ඔයා තමයි මගේ කතාවේ වීරයා. මම දන්නවා මම අපේ කතාව ලියන්න ටිකක් පරක්කු වුණා වැඩියි තමයි. ඒත්.. මට ඕනේ වුණේ ඒක මම ගොඩක් ජනප්රිය වුණාම ලියන්න. මම ඒ වෙනුවෙන් ගොඩක් මහන්සිවෙලා වැඩ කලා. ඒත් මම දන්නවා මගේ පලවෙනි පොතේ ඉදන්ම මේ තරම්ම ජනප්රිය වෙන්න හේතුව ඔයා කියලා. මම පුරුදුවුණා කතා ලියන්න ඔයා ගැන. ඔයා මගේ කතාවල හැමවෙලේම වීරයා වුණා. ඔයාගේ ඒ ආදරණීය කතා කියවන්නයි හැමෝම ආසවුණේ මම හිතන්නේ.
කොහොමහරි අන්තිමේ මම අපේ කතාව ලිව්වා. ඒ වගේම මම ලේඛිකාවක් වුණාට පස්සේ මට මෙහෙදී හම්බුණ මගේ යාළුවෙක් වුණ මිස් මින්ට චොකෝ තමයි ඒකේ පෙරවදන ලිව්වේ මං වෙනුවෙන්. එයා ඒකේ දී කියලා තියෙනවා කතාව කියවලා ඉවරවුණාට පස්සේ එයාට හිතුණා කියලා ඒ වගේ සදාකාලික ප්රේමයක් එයාටත් ලැබුණා නම් කියලා. ඒත් එයාට තේරෙන්නේ නැහැ, ඒ වගේ ආදරයක් තියෙනවා වගේ නෙවේ තිබිලා නැතිවුණාට පස්සේ කියලා. ඒත් මම දන්නවා ඔයාව මට නැතිවුණේ නැහැ ථේහ්යොනා, ඔයා හැමදාම මගේ හදවතේ ඉන්නවා.
ඒත්.. ඒත්... හ්ම්ම්...
අපි දෙන්නා කතා වුණ විදිහටම මම සෝල්වලින් ගෙදරක් ගත්තා. මම කලින් ජීවත්වුණ පැත්තෙන් නෙවේ.. වෙන පැත්තකින්. අපි දෙන්නටම නිදහසේ ජීවත්වෙන්න පුලුවන් කියලා හිතෙන තැනකින්. ඒ වගේ මම ඔයාවත් පරිස්සමට තිබ්බා මගේ ගෙදර ලස්සන තැනකින්. ඒ ගෙදරට එහා පැත්තේ ගෙදර ඉන්නේ හරිම හොඳ අජුම්මා කෙනෙක්. එයා මට හැමවෙලේම කෑම හදලා දෙනවා. ඒත් පස්සේ මම දැනගත්තා එයාගේ හිතේ තියෙන්නේ වෙන අදහසක් කියලා. එයාගේ පුතාව මට බන්දලා දෙන්නයි එයාගේ උවමනාව. ඒත් මම එයාට කිව්වා , මට කෙනෙක් ඉන්නවා කියලා. එදායින් පස්සේ එයාගෙයි මගෙයි වැඩි ඇයි හොදැයියක් නැහැ. මොකද එයා දැන් මට කැමති නැහැ. මමත් එයාට කැමති නැහැ. ඒකට කමක් නැහැ.. ඒ ගැන මම වදවෙන්නේ නැහැ.
YOU ARE READING
𝐌𝐲 𝐄𝐭𝐞𝐫𝐧𝐚𝐥 𝐋𝐨𝐯𝐞 [𝙾𝚗𝚎𝚂𝚑𝚘𝚝] ✓
Fanfiction𝐌𝐲 𝐄𝐭𝐞𝐫𝐧𝐚𝐥 𝐋𝐨𝐯𝐞 'මගේ හඳවතේ ඇය ගැන ඉපදුණු ඒ ප්රේමය, මගේ ජීවිතය පවතින තාක්කල්ම ඇය කෙරෙහි පමණක් ඇතිවුණ 'සදාකාලික ප්රේමයක්' බව මම දනිමි. ලෝකයම එරෙහි වුණත් මගේ හදවතේ ඉපදුණු මේ හැඟීම මරා දැමීමට මට නොහැක්කේ එබැවිනි. මම දන්නා බැවින්... මේ සස...