البارت الخامس
هذا البارت هديه الكم. عله تفاعلكم الجميل وشكرا الكم 😘😘
# احببتك رغما عني
اساور..... انهاريت من سمعت باهلي راح ينتقلون لغير بيت وزاد كرهي لمصطفى لان دمر حياتي.. دخلت لبيتهم تلكتني امه تحجي عليه لان طالعه
ام مصطفى... وين جنتي وشعندج طالعه.. تعالي هناا مو احجي وياج حقيره
ماحجيت وياهه عفتهه ودخلت جوه اجت ورايه تحجي وتغلط وصفت وياهه رجاء بعدين اجه مصطفى كال الهن عوفنهه اني اخذتهه ليش هذا الصياح
جان اعيط بي
اساور.... لا دافع عنييي ماالك حق انت سبب كلشي
ام مصطفى.... ولج ساقطه اصيحين عله ابني
اساور.... اني اشرف وحده ومحد دمرني غيركم ابنج الدمرنيييي
مااحس غير مصطفى ضربني راشدي
مصطفى.... لا ترفعين صوتج بوجه امييي
اساور..... عوفوني شتردون منييي
نزل حسين عله صوت العياط وكاللهم شبيكم مامليتو من العرك
عفتهم ورحت للمطبخ احضر الغده وابجي سمعت صوت من ورايه
حسين.... كافي تبجين
انداريت اله وكتله
اساور.... هو شبقالي غير الدموع كلشي احبه رااح
حسين..... اساور حاولي تتعلمين عله الوضع وكسبي امي و ... و زوجج
باوعت بعيونه الكلهن حزن وكتله تعبت كلهم ضلموني
حسيته ضاج جر نفس وطلع من البيت دزيت الغده وبقيت بلمطبخ ابجي لمن خلصو ونضفت ورحت لغرفتي.. للعصر سمعت حسين يسولف وي اهله ويكولهم اريد اسافر خارج العراق ابو تخبل وامه كامت تبجي رفضو بس هو اصر اله يسافر وحضر كل اموره اعرفه ميريد يبقه بلبيت واني بي
وره اربع ايام جنت بره انضف ومحد جان بلبيت بس فاطمه مرت علاء بغرفتهه.. شفت حسين اجه سلم عليه وكال
حسين..... اساور هاج هذا موبايلج جان عندي شفته بلمخزن واخذته اني باجر اسافر ابريلي الذمه
اساور.... اجمعت الدموع بعيوني وكتله ليش
حسين..... لازم هذا الشي يصير مااكدر اضل واريد اطلب منج طلب
اساور... كول
حسين...... انسيني اساور وعيشي حياتج اذا اضل كدامج ماراح تصحين عله واقعج ومصطفى رغم السوى بس خوش ولد حاولي تسامحي
اساور.... ماراح اسامح كل واحد جرحنيي كل واحد جان يوهمني بحبه وتخله عنيي
عفته ومشيت دخلت للغرف كمت ابجي حيل ليش كل الاحبهم عافوني؟ ليش كلهه تخلت عني؟
.. ثاني يوم سافر وخالتي تمرضت لان سافر تكول مدري شبي ابني اخر فتره بس مهموم.. مر شهر واني تعبت حيل كل الشغل عليه لان مرت علاء حامل.. بس اني تعودت عله الوضع بيوم جاي انضف غرفه مصطفى هو اجه دخل
اني ردت اطلع مااحب انجمع ويا بمكان واحد جان يلزم ايدي سحبتهه منه
مصطفى.... اساور بس احجي وياج
اساور.... ماكو شي احجي وياك
مصطفى.... سامحيني عفيه والله من ذاك اليوم ولليوم اني ماشفت طعم الراحه اسف ومستعد اسوي اي شي اطلبي مني بس سامحيني
اساور.... تعرف لو اكلك اكرهك هم قليل بحقك حاقده عليك اكثر من ماتتصور
مصطفى.... اسف والله اسف انتي ماتعرفيني اني شنو والله بعمري مامتقرب لهيج سوالف
اساور.... اسفه ماراح اسامحك
عفته ونزلت جوه
مصطفى..... من يوم الاخذتهه واني متعذب ردتهه بس تسامحني لان كرهت نفسي بس هي رافضه كلما اشوف حجابهه وحشمتهه بلبيت وهدوئهه اضوج وانقهر اكثر لان اخذت شرف هيج بنت بس ماراح استسلم اله اخليهه تسامحني بس يرادلهه وقت..
بيوم اجووي اهل فاطمه النه امهه وابوها واخوتهه ثنين شباب عزمهم ابوي وعزم بيت عمي يصير قريب علينه هم للغده نزلت لكيت ولد عمي بلبيت يفترون وواكفين بلمطبخ اباوع عليهه تشتغل وجانت لابسه دشداشه كلش حلوه عليهه باوعت لاخو فاطمه لان اعرفه ابو بنات لكيته يباوع عليهه بنضره ماحبيتهه صحتهه اجت عله اعصابهه ماتكدر ماتجي لان ابوي موجود وعمي استغليت الوضع وصحتهه دخلتهه للغرفه مالتهه وسديت الباب
اساور.... شكو شبيك
مصطفى.... بدلي غير هاي الدشداشه
اساور.... انت ماالك دخل بيه شالبس
مصطفى.... اساور كلت بدليهه مااطلعين بيهه افتهمتي راح اطلع واذا شفتج بيهه يصير غير حجي
عفتهه وطلعت كاعد يمهم جان اشوفهه بعدهه لابستهه رحت للمطبخ صحتهه هي اجت دخلتهه للغرفه وسديت الباب قفلتهه عليه واخذت المفتاح وره شويه صاحتني امي
ام مصطفى.... ليش حابس هاي بلغرفه خل تطلع تساعدني
مصطفى.... عوفيهه خل تتعلم حته متعاند بعد ذني بنات هواي خل يساعدنج
بقت بلغرفه لمن خلصنه غده و البيت فرغ رحت فتحت الباب جان اشوفهه تبجي
مصطفى.... يله تكدرين تطلعين
اشو هاي ركضت كبل للحمام ضحكت وصعدت فوك... بقيت اتقرب الهه عله امل تسامحني بس هي حيل بعيده عليه اصلا ماتباوع بوجهي ولا تتواجد بلمكان الاني بي بس اني اخليهه تسوي الي الاشياء الاريدهه اكل ملابس تنضيف جانت تعجبني بكل شغلهه مرتبه ونازكه. بديت انجذب الهه يعجبني هدوئهه بس اذا عصبت تصير نار
كمت بس ادخل للبيت عيني ادور عليهه جمالهه سحر كلبي... فديوم دخلت للبيت بليل ردت اصعد بس شفت غرفتهه حبيت اروح اشوفهه فتحت الباب جانت نايمه تقربت يمهه بقيت صافن بوجهه جنهه ملاك وشعرهه عله وجهه اول مره اشوفه.. جمالهه اخذ عقلي مني حاولت اوخر شعرهه واني صافن بوجهه جان تفتح عيونهه................... يتبع
