البارت العاشر ولاخيرررر
#احببتك رغما عني
مصطفى...
بقت اساور كاعده بلغرفه الجوه وقافله الباب عليهه وبس تبجي لمن تتخربط و ناخذهه للمستشفى مرتين صار عدهه انهيار عصبي متقبل تاكل ومتقبل تشوفني وهذا الشي اذاني حيل من اشوفهه محتاجه واحد يمهه يواسيهه بهذا الوضع بس محد الهه اتمنى تتقبلني واكدر اوكف وياهه بيوم تخربطت واخذناهه للمستشفى طلع عدهه فقر دم لان اكلهه حيل قليل....
جابوهه من المستشفى دخلوهه غرفتهه ردت بس اشوفهه كلبي طك عليهه دخلت كالت
اساور.... شجابك اطلع مااريدك مااريد اشوفك
مصطفى.... بس احجي وياج دقيقه
اساور..... مااريد اسمعك دمرتني انت قتلت كلشي حلو بحياتي بسببك ابويه كرهني ومات وهو مامسامحني مامسامحنييي
مصطفى.... اهدئي عفيه
اساور... خلت اديهه عله اذنهه وكالت مااريد اسمعك اطلع اطلععع
مصطفى..... اوك راح اطلع بس اهدئي
طلعت صعدت لغرفتي واني كرهت حته نفسي نزعت البدي جان اشوف شكم اثر باقي بجسمي من اضافرهه بصدري وضهري فقدت بقيت اكسر بلغرفه كسرت كلشي واصيح ليشششش هيج سويت الله ياخذني وارتااح
صعدو اهلي امي تبجي وتكول يمه وليدي لاسوي هيج بروحك ماهدئت لمن حسين لزمني حيل من اديه وكعدني بلكاع
حسين.... كافي اذا سويت هيج راح اصلح شي
مصطفى.... ماتريدني يووم رجعت تكرهني رجعت ماتريد تشوفني
ام مصطفى.... حبيبي اصبر عليهه بس تهدء هسه هي ضايجه
مر خمس ايام واني ماشايفهه كلما احاول اشوفهه تعيط وتبجي وترجع تسوء حالتهه عفتهه براحتهه بس اني نار بيه اشتاقيت الهه وهي ماتطلع من غرفتهه حته البنات من يدخلن الهه ماتحجي ولا تاكل اني من اسمعهن يكولن هيج اضوج واحس ضغطي يصعد لمن وكعت مريض دخلت مستشفى كالو عندي بداية جلطه بقيت بلمستشفى يومين حالتي ماتحسنت وكلما اسئلهم عنهه ويكولون بعدهه تسوء حالتي....
اساور..... فقدت ابويه سندي وروحي انهاريت من رحت الهم ولكيت اخواني محمد وعلي من شافوني رفضو ادخل اشوف امي وابقه بلعزه مال ابويه كالو وصيه بابا ماتجين بفاتحته طردوني بس اني ماقبلت اروح بقيت اتوسل بيهم محمد طبعه صعب وهو متدين كلش من يوم الحادث مايخلي عينه بعيني ماطايقني واكثر من مره رحت لهلي وهو يرفض ادخل واخر شي منعني من فاتحة بابا كتله فدوه بس اشوف امي لا تحرموني منهه بس كالو لعمواخذهه مانريد فضايح جرني عمو واخذني للسياره من دخلت للبيت وشفت مصطفى ضجت منه وماردت اشوفه بقه يتوسل بيه بس يريد يحجي وياي واني بعدني مصدومه ماردت احجي ويا مرات يجيني شعور اريده احس نفسي محتاجه اله يبقه يمي بهاي حالتي لان اعرفه شكد يحبني بس من اذكره هو السبب اضوج وبقه وحدي مرات اسمعه من تطلع امه من غرفتي يسالهه شلونهه؟ اكلت؟ بعدهه تبجي؟
بعدين اجتي فاطمه يمي كالت مصطفى اخذو للمستشفى حسيت كلبي انعصر
