#عاشقة الصمت
اساور.... كملت تنضيف ورحت لغرفتي ارتاح اندك الباب
اساور... تفضل
مصطفى... ممكن ادخل
اسالور.... لبست حجابي وعدلت كعدتي صح اني لسه اخاف انجمع ويا بمكان بس اريد اتعود انسى هذا الخوف وكتله تعال
مصطفى... دخل وسد الباب اريد احجي وياج
اساور... اي عادي
مصطفى.... اساور تدرين بيه احبج ومستحيل اسوي شي ياذيج مااريد هذا الخوف بعيونج
اساور.... صدكني جاي احاول
مصطفى.... تدرين ليش اجيت.. اريد اتعرف عليج اريد اعرف كلشي عنج قبل واني هم احجيلج عني
اساور.... مااكدر اتاذه اذا اذكر قبل
مصطفى.... ميخالف حته نكدر نجاوز مرحله
اساور.... اوك احجيلك عن اهلي عن دلالي عن حلمي الراح جريت نفس وبديت اسولف اله عن قبل ومواقف وي اهلي ساعد ابجي وساعه اضحك وهو وياي ويسمعني تاثر حيل وكال
مصطفى.... اوعدج اخذج لهلج مره وثنين لمن يرضون عليج..
اساور.... مشتاقه حيل الهم... اي يله سولف انت
مصطفى.... اوك اني اسمي مصطفى...
اساور.... لاوالله خوش معلومه مااعرفهه ههههه
مصطفى.... هههههه شبيج غير مقدمه اي المهم اني عشت طفوله حلوه تدرين الجبير ومدلل احب اهلي حيل واخوتي اعتبرهم اصدقائي خاصه حسين حيل علاقتي قويه بي درست وتخرجت وهسه اشتغل ومزوج واحب مرتي
اساور.... هههههه شنو هاي مختصر
مصطفى.... شترين تعرفين يعني
اساور... يعني جنت تحب اكو بنت بحياتك ولاتكول لا لان ماكو ولد مايحب
مصطفى.... ممم اي اكو جنت احب وحده طالبه وياي بلكليه بس من طرف واحد يعني ماعندي اتصال بيهه بس حيل احبهه ومقرر اخطبهه بس جنت بعدني طالب ومامعتمد عله نفسي بعدين اسمع بيهه مخطوبه ومن منو اصوري صديقي وجان يعرف بيه احبهه
اساور.... لعد ليش
مصطفى... مااعرف غيره او شنو بس حيل تاذيت بعدهه ماحبيت ولا جربت احب بس هسه لا رجع كلبي يدك بس هلمره غير
اساور... وشنو الغير
مصطفى.... مااعرف لان مرتي وحلالي وادري بيج انتي الي.
اساور... تتوقع يجي يوم واصير مرتك من صدك
مصطفى... طبعا لان ماراح اعوفج وحته لو تخلص عشرتنه نضرات هم قابل وهسه كوليلي وانتي هم حبيتي
اساور.... سكتت وكتله لا بعدني صغيره
مصطفى... همزين ههههه
اساور... بقينه نسولف ماحسينه حته بلوقت لمن نعست ونمت.. كعدت الصبح حضرت الريوك جانت هند واكفه يمي وفاطمه اجه مصطفى سلم باوعت اله ضحكت تقرب عليه كتله شلون البارحه نمت ماادري بنفسي
مصطفى... اي اني اسولف اباوع عليج غافيه عفتج وطلعت
كاعد نسولف جان خاله تعيط بيه
ام مصطفى.... ماخلص الضحك ولسوالف يله البيت وصخ
اساور... اي خاله عفته ومشيت واسمعه يحجي وياهه
بقيت انضف لمن تعبت وصعدت لغرفه مصطفى نضفتهه دخل هو تفاجئ لكاني بلغرفه
اساور... اسفه بس جاي انضف
سكت ومبين ضايج كتله شبيك ليش ضايج جان يعيط
مصطفى.. هو اليبقى بلبيت يضل مرتاااح انعل ابو اليضل هناا
اخذ موبايله ولسويج ونزل اني ضجت ليش يصيح بوجهي شعليه اني للغده اجه واني ماباوعت بوجهه يحجي مااحجي ويا لمن خلصت ورحت لغرفتي اجه كعد يمي
مصطفى... اسف لان صيحت بوجهج بس مااقصد اني ضايج من امي
اساور... عادي ماصار شي وبعدين لاتتعارك وياهم عله مودي اني تعودت
مصطفى.... شلون واني اشوفج بس الشغل عليج وجاي تتعبين شبيهن هنه مو هم بنات
اساور.... ميخالف.. وبعدين انت كلش تخوف من تضوج
مصطفى... صدك خفتي مني
اساور.... اني دائما اخاف منك
لزم ايدي ردت اجرهه لزمهه قوي
مصطفى.... مااريدج تخافين مني انتي روحي تعرفين شنوو روحي.. دنكت بست ايدهه وطلعت
اساور... بقيت صافنه عليه شلون ضاج.. بديت احبه واتعلق بي بس هند ورجاء مايعوفني يحيرن شيسوون وبيوم كالو حسين راح يجي هو وزوجته فرحو وكامن البنات نضفن غرفته ونخبصو مستعدين بعد اربع ايام ويجي واني تعبت من الشغل حيل نمت مااحس بنفسي كعدت الباب يندك حيل فتحت مصطفى بس ضايجه لزمني من ايدي وكال تعالي اريد احجي وياج فوك جريت ايدي وكتله شبيك كال عندي سالفه مااريد احجي جوه امشي صعدي اني خفت وصعدت دخل وسد الباب اباوع للجربايه كلهه اوراق
مصطفى..... شنو هذا اساور
باوعت هاي رسائلي لحسين اجمدت بمكاني كتله.. شجابهن الك
مصطفى.... همج شجاااابهن احجي صدك هذا الحجي صدك هنه الج
بقين ساكته ولدموع بعيني ضل يعيط احجيييي تحبين حسين تحبييين اخووووي
كتله بس خل افهمك
مصطفى... شتفهميني كعد عله الجربايه ولزم الرسائل واني اكول شبي حسين انكلب عليه شبي غير كل حياته
ضل يبجي ويكول احجي ليش من سالتج ماكلتي
اساور.... شتريدني اكول اصلا اني نسيته والله ماافكر بي
مصطفى.... يعني جنتي تحبي تحبييييي وضل يكسر بلغرفه كسر المرايا كسر كلشي خفت منه حيل..
مصطفى..... اني غبي وماعرفت افسر غضب اخوي شاسوي هسه كولي.. زين بعدج تحبي
اساور... لا طبعا
مصطفى... واذا اجه ماتحنين
اساور... لاتحجي وياي هيج كتلك مااحبه نسيته ضليت ابجي وهو مكابل الرسائل ويبجي شوفي شكاتبه هنا حبيبي حسوني احبك للموت وهاي شوفي انت روحي وعمري شلون مااحبك..
اخذت ارسائل منه وشككتهن كتله هذاا ماضي وانتهى تعرف شنوو راااح
مصطفى.... من صاحبي اخذ وحده جنت احبهه من طرف واحد وتاذيت كلش طلعت اني داخل بنص ثنين ومدمر حبهم
اساور.... الضروف جبرتنه نعيش هيج... كول للوصل الرسائل الك خل يبطل ولا يضل يعيد بلسالفه لا تكبر بعدين.. عفته وطلعت بقيت ابجي ماكدرت انام ثاني يوم اباوع نضرات هند ورجاء الي والحجي يسمعني
هند.... رجاء طلعو لافين مو بس عله واحد عله ثنين
رجاء... اي الله لاينطي كلما يخرب بين الاخوان ويبعدهم عله مود شهواتهم
اختنكت كلش من حجيهن بس الدموع تنزل مني مصطفى ماشفته اليوم كل مانزل ولا راح للشغل ولا اكل لليل هم ماتعشه خلصت شغل وسويت عشه اله واخذته دخلت لكيته كاعد عله الجربايه ويدخن
اساور.... كافي بس ادخن هاك اتعشه اكل شويه مايصير اضل بدون..... قاطعني
مصطفى..... جان يكولج احبج.. يتغزل بيج.. تحلمون بزواج وعائله.....
اساور... كافي مصطفى والله كتلك ماكو شي كلشي انتهى
مصطفى.... شكد مدة علاقتكم
اساور.... كاااافييي شبيك.. كعدت بلكاع ابجي كافي لاادمرني بعد والله مااتحمل ليش اني حياتي هيج
انزل يمي ولزم ايدي وكال
مصطفى.... انتي الي بس اني ماراح اعوفج اني اني اعشقج اكثر والله
سحبت ايدي حيل وطلعت مبين ماجاي يستوعب شي عفته يرتاح... مر يومين ومصطفى لايحجي وياي ولا ياكل بس يطلع لشغل ويرجع ينام حيل ضجت عليه واشتاقيتله اشتاقيت لسوالفه وياي ومن يشاقه كاعد نحضر للغده وكالو اجه حسين كلهه طلعت تشوفه بس اني بقيت بلمطبخ اجه مصطفى باوع عليه شفته حيل ضايج ولدموع بعينه........ يتبع
لاتنسون 👈⭐
