- يا خالتي ابوس ايدك كفايه كلام في الموضوع ده
= لا مش كفايه ،وبعدين تعالي هنا هو حمزه قليل يعني ولا معيوب عشان ترفضيه؟
- يا خالتي حمزة زي اخويا وهو زينه الرجاله واحسنهم حلو كده
=لا مش اخوكي، وبعدين انتي هتلاقي فين زوج احسن من حمزه؟
-ده نصيب ،مش عارفين كل واحد فينا نصيبه فين
=ماشي يا تقى ماشي
"انا تقى عندي ٢٠ سنه في كليه التربيه ،عايشه مع خالتي من صغري بعد ما تيتا ماتت ومعدش ليا حد غيرها لاني عشت طول عمري يتيمه لان بابا مات وماما كانت لسه حامل فيا وامي ماتت بعد ما ولدتني بسنتين بسبب المرض ،حمزة ده اخويا وصاحبي مش مجرد ابن خاله عادي هو أكبر مني ب اربع سنين ،خالتي مصره على موضوع جوازنا اوي لدرجة اننا مش مصدقين ولا مقتنعين اصلا .
-بت يا تقى ،هاتيلي بصل من البلكونه
=حاضر يا خالتي
دخلت البلكونه لقيت حمزة قاعد
=ايه ده انت منزلتش الشغل انهرده ؟
- لا منزلتش ،عشان تعبت امبارح ونزلولي اجازه
=يلاهوي مالك يا حمزة ؟
- ايه يا بنتي في ايه ،هما شويه ضغط واطي مش حوار يعني
=شفت عشان انت مش بتاكل كويس زي ما خالتي بتقول
-المهم سيبك مني دلوقتي ،انت نازله الكليه امتى
=ان شاء الله بعد بكره
- طيب ربنا يوفقك يارب
=طيب اروح بقا اودي البصل لخالتي بدل ما تحمرني انا بداله
-على فكره هي بتحبك اوي يا تقى
=منا عارفة يا خويا مش مستنيه حد يقولي
-طب يلا بالسلامه بقا
=انا اصلا طالعه يا رخم
-"ضحك "
-تقى يا تقى ،ينفع ادخل ؟
=ادخل يا حمزة
دخل وقعد على السرير وانا قاعده ع المكتب كنت بذاكر
- مالك زعلانه ليه ؟
=زعلانه! مين قالك؟ اقصد لا مش زعلانه
- يا بنتي اخلصي وقولي مين زعلك
=محدش يا حمزة ،وانا ايه الي ممكن يزعلني يعني ؟
-"اتنهد وقام وقف قدامي وحط ايديه على المكتب " بصي يا توته انا آخر واحد في الدنيا ممكن تخبي عليه حاجة عشان فاهمك وعشان عارف الدماغ دي ايه الي بيدور فيها
=طب بص هقولك بس اوعدني يكون سر
-وانا من امتى كلامي معاكي بيطلع بره ؟
=يا عم اوعدني بس
-اوعدك يا توته
=توته "ضحكت " انت اخترعت الاسم ده امتى ؟
-من هنا ورايح ،مش معقول يعني كل البنات ليها اسم دلع وست البنات ملهاش
=يلاهوي يا حمزة انت عارف اني اصلا مليش ف شغل البنات ده ومش بركز اصلا
-سبحان الله مبتعرفش تكدب وهي اصلا هتموت من الفرحه
=ده من حسن حظكوا والله
-طب اخلصي وقولي انت زعلانه من ايه
=انت لسه فاكر؟ ده انا نسيت
-اخلصي يا بنتي
= بص هو موضوع خايفة يضايقك انت وخالتي
- ايه يا بنتي اخلصي قلقتيني
=بص يا حمزه انا عايزه البس النقاب
- ايه؟
=ايه؟
-قوليلها كده تاني
=خلاص دي مجرد فكره يعني
-فكره ازاي يعني؟
=خلاص يا حمزة انا هقفل ع الموضوع
-تقفلي ايه بس ،انا فرحان بيكي
=فرحان!
- اه والله، فرحان ان توته بتفكر تتغير الاحسن وأنها عايزه تقرب لربنا اكتر
=يعني انت مش هتزعل؟
-ازعل ازاي ؟ ازعل عشان عايزه تستري نفسك، ده ابقى مغفل ومسواش وسط الرجاله حاجة
=طب انت عارف شروط النقاب صح؟
-"ضحك" فاهم قصدك يا توته ،عارف انك عايزه تقولي انك هتلبسيه قدامي على طول علشان انا مش محرم ليكي وانتي طبعا خايفة حاجة زي دي تضايقني صح؟
=صح
-انا اول واحد في صفك في القرار ده يا توته ومستحيل اشكك لو لثانيه واحده انك غلط بالعكس
=طب ..طب وخالتي ؟
-مالها؟!
=مش هتوافق يا حمزة
-مين قالك؟
=حساها مش هتوافق ،يعني خصوصا اني هلبسه طول ما انت موجود وممكن تتضايق
-فكك من الحوار ده انا هتصرف
=يعني هتساعدني اقنعها ؟
- ايوه يا توته
=بجد! انا ..انا متشكره اوي اوي يا حمزة بجد ربنا يسعدك
-تشكري اخوكي يا هبله، يلا روحي اعمليلك قهوه عشان تركزي واعمليلي معاكي
=بس كده عيوني والله
-تسلمي
