#سكريبت
بقلم هبه القمر
_هو انت فيكي حاجة حلوة توحد ربنا اساسا عشان تتجوزي وحد يعبرك؟ فوقي ياماما ده هياخدك تكفير ذنوب
= انا مافياش حاجة حلوة يا عمرو انت شايفني وحشة؟
_ مشوفتش أوحش منك ده انا اخوكي ومش عارف استحملك ما بالك الغريب هيعمل فيكي ايه؟
=دمعت: الله يسامحك ياعمرو
_هيسامحني ياختي يلا روحي نضفي مكتبي بدل مانتِ قاعدة ملكيش لازمة كده
دمعت= حاضر يا عمرو
_ انت يا زفتة الطين
= ايوه يا عمرو فيه ايه
_ مش قايلك تتزفتي تروقي مكتبي
= انا اسفة والله بس بحضر لمناقشة مشروع تخرجي بس عيوني هرتبه
_ ما تتنيلي تنضفي المكتب وبعدين تتزفتي قال يعني الزفت ده هو اللي هينفعك دقيقة والمكتب يكون متوضب مفهوم؟
=مفهوم يا عمرو حاضر
_ واه روقيلي البيت كله عشان صحابي جايين
=حاضر عاوز حاجة تاني طيب؟
_ لا غوري
= طب بقولك انا لازم اسافر بعد يومين واقعد ف سكن جامعة إسكندرية اسبوع عشان المناقشة
_ احسن برضه عشان البيت يبقى فاضي شوية
= هتعرف تطبخ وتنضف؟
_ اكيد يعني هو اللي انت بتعمليه ده اسمه طبخ وتنضيف امشي انت بس والبيت هيبقى كويس
...........
تغريد: انا ماشية خلي بالك من نفسك ومن اكلك ومتنساش تاخد الدوا و
عمرو: باااس باااس ايه هو انا عيل مش هعرف اخد بالي من نفسي محسساني ان كان ليكي لازمة اوي بلا خيبة يلا ياختي بالسلامة
دمعت: مع السلامة ياخويا
.........
بعد أسبوع في بيت تاني
_ رايح فين يابني
=...
_ يا مصطفى رد عليا بكلمك
= ماهو مش كل شوية رايح فين وجاي منين انا مش عيل عشان تعمليلي التحقيق ده كل يوم
_ يابني متوجعش قلبي وقولي
مصطفى: رايح ف داهية ياما سلام
_ بدموع: سلام يابني ربك قادر يهديك
.........
كل شوية تعملي تحقيق قبل ما امشي محسساني اني برضع العيشة بقت تزهق، روحت العب كورة مع واحد صاحبي عشان افصل شوية
مصطفى: يابن ال***ة باصي الكورة بدل ما
"شوفت بنت بصالي بصة غريبة فمكملتش كلامي كانت شايلة شنطة سفر ولابسة لبس رسمي وكارنيه ID روحتلها بشعري الواقف والمحلوق من الجانبين"
راجعة من المدينة الجامعية وشنطة سفري ايديها اتقطعت وفتحت ايدي واضطريت اضمها واشيلها وايدي مجروحة وبتنزف فجأة لاقيت حد بيوقع الشنطة وسمعت صوت ورايا
_مصطفى: مادام مش قد التعليم والسفر بتسافروا ليه ما تترزعوا تشوفوا بيوتكوا
