قصة : { #قارئة_الفنجان } 🧕🏻☕
الحلقة الخامسة { ٥ } 🔮
( يبتسم نديم ع طريقتها المتأثرة اوي بالغنا وهي بتبصله ، تبتسمله ، يشاورلها إنه عاوزها ، تقوم تجري تقرب عليه )
نديم : ايه اللمة دي ؟!
امنة : والنبي م اعرف ، انا خلصت شغلي وكنت قاعدة بريح كعوبي ف غنيت ، لقيتهم اتلمه عليا وعاجبهم غنايا ف كملت 🤷
نديم : عندهم حق ، صوتك جميل ✨
امنة ب فرحة : بجد والنبي 😃
نديم : اه 🙂
امنة : إن شالله تنستر ، تحب اكملك ؟
نديم : لاااء ✋ عاوزك ف موضوع اهم
امنة : ايه ؟!
نديم : تعالي نقعد ف حتة الأول
امنة : ماشي !
( ياخدها ويقعده ف كافيه ع البحر )
نديم : تشربي ايه ؟
امنة : ااا اي حاجة 😊
نديم : هاتلها اي عصير وهاتلي قهوة مظبوط
الجرسون : حا ..........
امنة : وانا كمان 🙋🏻♀️
( يبصولها )
امنة : ااا انا كمان عاوزة قهوة 😐
الجرسون : تحت امرك
( يمشي الجرسون )
امنة : اصلي مصدعة حبتين 😅
نديم : سلامتك !
امنة : إن شالله تسلم 😊
نديم : مبسوطة ف الشغل هنا ، بقا في ناس بتندهك ؟
امنة : اه كتير الحمدلله 😁
نديم : الحمدلله ، طب والي يجيبلك شغلانة افضل من دي بكتير وب مرتب ثابت وكويس ، ويخفف عنك اللف طول الوقت ، يعني اريح
امنة : بس انا مفهمش غير ف شغلانتي دي !
نديم : شغلانة مش محتاجة فهم ، مش صعبة يعني ، وكمان هتعيشي ف مكان كويس
امنة ب استغراب : شغلانة ايه دي ؟!
نديم : هتيجي معايا البيت و ........
امنة ب صوت عالي وهي بتقف : نااااااعم ي روح امك 😮
( يتخض نديم والناس تبصلهم )
نديم : ممكن ت ..........
امنة ب انفعال : انا مكنتش مطمنالك م الأول انت فاكرني اييييه ، اكمني بت غلبانة وماليش حد هنا هتفكرني شمال وسهلة 😠
نديم : انتي فاهمة غلط انا هرحمك من شغلك دة وهعيشك عيشة كويسة و .........
( ميلحقش يكمل كلامه يلاقي كباية الماية ف وشه ، يتصدم )
امنة ب حزن : ي خسارة ، كنت مفكراك بني ادم محترم ، كنت مفكرة إن لسة فيه محترمين اصلاً ، بس طلعت غلطانة 💔
( تسيبه وتمشي ، يمسك نديم المناديل ويمسح وشه )
نديم ب تنهيدة : يخربيت البهايم ، هتجلطني 🤦🏻♂️
( يقوم يقف )
نديم : الصبر يارب 🙄
( تمشي امنة ع الشط وهي عمالة تعيط ، تلاقي الي بينده عليها )
نديم : امنة ، انتي ي زفتة اصبري !!
( تخاف امنة وتمد اكتر ، يجري عليها نديم ويمسكها من دراعها )
امنة ب صريخ : عاااا والله هصوت سيبنااااي 😨
( تضرب فيه وتصرخ ، يكتم بؤها ويكتفها )
نديم ب عصبية : ممكن تهدي وتسمعيني ، انا ولا مفكرك شمال ولا زفت ، هتسمعيني ولا اغورك من ام القرية كلها ودلوقتي عشان انتي ذودتيها اوي وانا خلقي ضيق 😠
( تبدأ تهدى ، يشيل ايده من ع بؤها )
امنة ب خوف : عاوز مني ايه 😟
( يحكيلها نديم ع كل حاجة عن خاله والأنتخابات والصحافة )
امنة ب احراج : ي حوستي السودة 😐 وانا الي فكرت .........
نديم وهو بيقاطعها : متفكريش ياريت متفكريش خالص ، اوك ؟
امنة ب ندم : انا اسفة حقك عليا والنبي م تزعل مني 😬
نديم ب تنهيدة : حصل خير
امنة : بالله عليك منتش زعلان ؟
نديم : مش زعلان خلصنا ✋
امنة : والنبي انت امير وابن امراء والله 😁☝️
نديم : المهم ، قلتي ايه ، هيبقالك مرتب وهتعيشي معانا وهتبقي معانا ف الشغل برضو
امنة : بس انا مفهمش ف شغلكم 😕
نديم : مش محتاجينك تفهمي ، تعملي الي يتقالك عليه وبس ، هنسهلها عليكي متخافيش
امنة : طيب ماشي 🤷🏻♀️
نديم : تمام ، احنا هنرجع البيت بكرة ، والبيت هنا برضو ف القرية
امنة : ايوة
نديم : اول م نرجع هتصل بيكي عشان اجي اخدك ونروح
امنة : ماشي ، بس هو يعني ميصحش اقعد معاكم ف بيت واحد يعني 😊
نديم : دي ڤيلا ي ماما مش شقة اوضتين وصالة ، يعني نشبه الجيران جواها ، ومتخافيش محدش فينا سواء انا او ابن خالي هنبصلك ، دة غير إن بنت خالي موجودة يعني في بنت غيرنا
امنة ب ضيق : ايوة صح عندك حق ، انتوا تبصولي ازاي 😅💔
نديم : بقولك ايه ، انا مبحبش جو الصعبنيات دة وتركزي ف الي يتقالك عليه وبس ، ماشي ؟
امنة : طيب 🙄
نديم : انتي بتباتي فين صحيح ؟!
امنة : ف الجامع
نديم ب تنهيدة : طيب ، هتيجي معايا الأوتيل دلوقتي تباتي هناك لحد م نبقا نرجع البيت ، وتفكك من شغلانة الكف والودع دي خالص 🙅🏻♂️
امنة : ماشي عنيا
نديم : تعالي
( يمشي نديم ، تروح وراه امنة وهي مبتسمة وفرحانة ، بعد شوية ، يوصل نديم وامنة الأوتيل ، يدخله الريسبشن )
نديم : اقعدي هنا
امنة : حاضر
( تقعد امنة ويقرب نديم ع الأستقبال عشان يحجزلها اوضة )
السكرتيرة : لحظة واحدة
نديم : اوك
( يمسك نديم فونه )
نديم : الو ، لين عاملة ايه ، انا فل ، بقولك ، كنت عاوزك ف شغلة كدة ، ينفع تجيلي الصبح ، ماشي ي قمر ، لا ف الأوتيل ، اه حد كدة محتاج يتظبط ، تمام هستناكي إن شاء الله ، باي
( يقفل ، تقرب عليه السكرتيرة )
السكرتيرة : للأسف والله مفيش اوضة فاضية 😐
نديم : ازاي يعني ؟!
السكرتيرة : انا اسفة والله ي استاذ نديم ، دة حتى اوضة استاذ عمر اتسكنت من ساعتين لإنه اخد حاجاته وقال إنه مش راجع تاني 🤷🏻♀️
نديم : ايوة هيرجع ع البيت وكلنا راجعين بكرة ، مفيش اي اوضة حتى مش لازم سويت لحد بكرة بس
السكرتيرة ب احراج : للأسف لا والله الأوتيل كله كومبليت 😬
نديم : طيب هاتي مفتاحي عشان سيبته ف الريسبشن والبنت دي هتطلع معايا 👈🏻
السكرتيرة : بس حضرتك عارف إنه .........
نديم : في اعتراض ؟
( تسكت وتديله كارت الأوضة ، ياخده منها ويقرب ع امنة )
نديم : يلا 🚶🏻♂️
امنة وهي بتقوم : حاضر
( يطلعه الأوضة ، يدخله )
نديم : دي اوضتي ع فكرة ، انتي هتباتي فيها لإن مفيش اي اوض فاضية ف الأوتيل
امنة وهي بتحط شنطتها ف الأرض : طب وانت ؟!
نديم : دة سويت نامي انتي ف الأوضة وانا هنام هنا ع الكنبة
امنة ب قلق : اه 😐
نديم : في بنت جيالك بكرة الصبح عشان تظبطك وكدة
امنة ب عدم فهم : تظبطني ازاي ؟!
نديم : تظبط شكلك دة 💁🏻♂
امنة : ا ..........
نديم : خلصنا بقااا 🙄
( تسكت )
نديم : خشي نامي يلا
امنة : حاضر
( تدخل امنة الأوضة ، تلاقيها واسعة جداً وحلوة جداً ، تعجبها اوي ، تنط ع السرير تنام )
امنة ب سعادة : اللاااااااااااه 😍
( تقوم تقفل الأوضة عليها وترجع تتنطط وتصرخ فرحانة ، نديم برة سامعها ، يحط ايده ع دماغه 🤦 يقوم يطلع البلكونة ، تقوم امنة تفتح البلكونة وتقف تبص للبحر مبتسمة ، تلمح نديم ، تبصله وتبتسم ، يلمحها )
نديم : خشي نامي قلت !
( تبصله ب ملل وتدخل )
امنة : كأيييييييب ، ي ستار عليه 🙄
( يعدي الوقت ، امنة ف اوضتها منامتش عمالة تجرب كل حاجة ف الأوضة وتلعب ، تزهق ، تبص ع باب الأوضة ، تقوم تقرب تفتحه بهدوء ، تبص برة متلاقيش نديم ، تطلع تجري ع المطبخ *المطبخ اميركان مفتوح ع برة* تفتح التلاجة وتقعد تاكل بسرعة قبل م تتشاف ، تسمع صوت التويليت بيتفتح ، تقفل التلاجة وتنزل ع الأرض بسرعة تستخبى ، يطلع نديم م التويليت لابس البنطلون بس وماسك فوطة بينشف بيها شعره ، تطلع امنة بهدوء تشوفه ، تفضل متنحاله ، يلمحها ، تنزل تحت تاني بسرعة ، يتنهد نديم )
نديم : اطلعي 😑
