راوية عشقت متمرده

البارت الاول(التعريف)

تاريخ الروايه تبدا من 2021/5/22
انا اول مره اكتب فارجو ان كان هناك اخطاء املائيه

فتغاضو عنها وادعموني بالضغط علي النجمه والتعليق بتعليق جميل مثلكم ويالا بينا.

كنان:شاب متعلم مثقف واخد دكتوراه في امريكيا صعيدي الاصل وغني وهو اكبر عائلته سنه في حدود 30سنه.
لين:بنت دلوعه متربيه حياتها كلها في امريكيا معندهاش اي اخلاق نهائي وكله مباح.
محمد:ابو لين ابن بلد ورجل اعمال له وضعه.

نبدأ قصتنا المتمرده.
في المطار راجل كبير واقف مستني بقلق وصول رحله من نيويورك واخيرا اعلن المطار عن وصول الرحله واخيرا ظهرت بنت معاها شنط كتير واتنين شايلين شنطها وراحت تجري
@بابي
اتحرك الراجل الكبير بفرحه وفاتح ايديه يضم بنته في حضنه
محمد : وحشتيني يا قلب بابي
لين : i miss u so much dad
محمد : يالا بينا
اخدها وروح علي فيلتهم
لين : بابي وحشتني مصر قووووي .. المهم اخبارك ايه انت؟
محمد : انا الحمد لله كويس انتي ايه اخبارك ومامتك اخبارها ايه ؟
لين : سيبك انت مامي مع عريسها الجديد
محمد : لا حول ولا قوه الا بالله هيا اتجوزت تاني ؟؟
لين : قول عاشر سيبك منها بابي بقي ....بابي انا عايزه اتفسح كتييييير قوي.
محمد : اوك حبيبي روحي ارتاحي النهارده وبكره ابدأي فسحتك
لين : بس لعلمك انا شهر بس وهرجع تاني
محمد : ترجعي فين ؟؟ استقري بقي هنا. مامتك وانتي مش بترتاحي معاها ودي بلد ابوكي
لين : no dad ,it's impossible
i have a life there
محمد : حبيبه قلبي لو سمحتي علي الاقل كلميني عربي وبعدين انتي مسيرك اصلا لبلدك فلزمته ايه السفر ؟ اعملي حياه تانيه هنا !!!
لين : لا مقدرش .. مش هقدر وبعدين انا عايشه لوحدي مش مع مامي
محمد : يبقي طالما لوحدك تعيشي معايا هنا
لين : بابي انا تعبانه ومحتاجه ارتاح
Excuse me
سابته وطلعت وهو مخلصش كلامه اصلا معاها ولا لحق حتي يقعد معاها
عدت الايام وهيا كانت متفقه مع اصحابها ينزلوا يقضوا معاها الاجازه في مصر وكلهم نفس العينه اغنياء عايشين بره
بتخرج بتتفسح بتسهر بتشرب بتلبس عريان وكأنها امريكيه اصلا ولا دين ولا اخلاق
ابوها مهما يكلمها مش بتسمع وكل شويه تقوله انها حريه شخصيه وانها هتسافر خلاص فكان لازم ابوهايشوف حل وجذري وبسرعه والا بنته الوحيده هتضيع منه
محمد : يا بنتي الوقت متأخر رايحه فين بلبسك ده ؟
لين: please dad , just don't.bay
محمد : انا لازم اشوف حل وبسرعه قبل ما تسافر من تاني.
...............------------------
في بلد في محافظه سوهاج
كيان : انا نازل يا ست الكل عايزه اي حاجه ؟
كريمه : يسلم قلبك يا قلبي انت .. طيب افطر الاول
كيان : هتأخر الفلاحين مجتمعين وعاملين مشكله علي الميه وبيتخانقوا مين يسقي قبل مين ؟ ومش عايز اتأخر عليهم
كريمه : وبعدين في مشكله الميه دي ؟؟
كيان : هحاول اشوف حل بإذن الله يا حبيبتي ما تقلقيش
كريمه : هتسافر القاهره امتي ؟؟
كيان : ما تقلقيش مش قبل ما اشوف حل للمشكله دي
كريمه : وشغلك هناك ممكن يتأثر
كيان : يتأثر وايه يعني ؟ كله فدي بلد ست الحبايب اهم حاجه انتي تكوني مبسوطه وراضيه ؟؟
كريمه : ربنا يخليك ليا حبيبي ويرزقك ببنت الحلال
كيان : اممم طب اخلع انا بقي قبل ما نبدأ في موال بنت الحلال سلام
طلع يجري وهو خارج قابل اخته الصغيره ايتن
ايتن : ابيه احنا هنرجع cairo امتي
كيان : اظبط بس اموري ونرجع اشمعني
ايتن : يعني الكليه قربت
كيان : ما تقلقيش امال امجد اخوكي فين ؟
ايتن : طبعا نايم هيكون فين يعني ؟
كيان : طبعا اكيد راجع الصبح صح ؟
اخته مردتش وبص لامه
كريمه : مسيره يعقل زيك اعذره اخر العنقود
كيان : دلعي فيه براحتك بس ما تلوميش غير نفسك يالا سلام
ايتن: ابيه هتنزل بالجلبيه كده ؟
كيان : ماهو مش هينفع الارماني هناولا ايه ؟؟
نزل كيان يقعد وسط فلاحينه يشوف مشاكلهم ومشاكل الاراضي كان له كلمته المسموعه وله وضعه في البلد والكل بيحترمه صغير وكبير
كان دراعه اليمين وخادمه الامين فتحي والكل كان بيخاف من فتحي ده يمكن لانه عنيف حبتين او طويل حبتين او ضخم حبتين او كل الاسباب دي متجمعه مع بعض
كيان اضطر يسافر مصر في مشكله في شغله وهناك اتقابل هو ومحمد لانهم شركاء من زمان وابو كيان كان الصديق المقرب لمحمد
محمد : اخيرا جيت من البلد ايه اللي عاجبك هناك ؟
كيان : بريح دماغي وبهرب من الشغل والزحمه وكل حاجه بستريح هناك وسط الناس الطيبه المهم حضرتك اخبارك ايه وبنت حضرتك جت بالسلامه ولا لسه ؟؟
محمد : جت
كيان : وبتقولها كده ليه ؟
محمد : سيادتها عايزه ترجع تاني
كيان : مش هيا هناك مع والدتها
محمد : والدتها اتجوزت عيل كده وبعدين هيا ست مش مسؤله وعايشه وكأنها عيله عشرين سنه وتأثيرها وحش قوي علي البنت لدرجه ان البنت متعرفش اي حاجه في الدين او الاخلاق او التقاليد هيا امريكيه بحته
كيان : مع احترامي ليك ده عيبك انت .. انت سيبتها لام مش مسؤله تربيها وفي أمريكا متخيل ايه ؟ ده طبيعي اللي بتقوله ده
محمد : بضعف قدامها وبعدين احنا مش بينا العلاقه دي فمش عايز اضغط عليها بس مش عجباني وحاسس اني بخسرها تماما دبرني يا ادم اعمل ايه ؟
كيان :دي بنتك مشي كلامك عليها
محمد : خايف اعمل كده تاخد بعضها وتمشي وبعدين دي واخده الجنسيه الامريكيه يعني لو حبت تمشي مش هقدر امنعها
كيان : فعلا دي مشكله بس مش عارف اقولك ايه ؟ ربنا معاك
محمد : ان شاءالله تتحل المهم نتكلم في الشغل
محمد مش عارف يعمل اي حاجه مع بنته وهيتجنن وخصوصا ان سفرها قرب .. فكره اختمرت في دماغه بس تنفيذها صعب جدا وهيحتاج لمساعده بس ماقداموش حلول تانيه